ନୂଆଦିଲ୍ଲୀ,୧।୭: କୋଭିଡ୍- ୧୯ ମହାମାରୀ କାରଣରୁ ଆଉଏକ ମେଗା ଇଭେଣ୍ଟକୁ ଘୁଞ୍ଚାଇ ଦିଆଯାଇଛି। ଆସନ୍ତାବର୍ଷ ଆୟୋଜନ ହେବାକୁ ଥିବା ଆଫ୍ରିକାନ୍ କପ୍ ଅଫ୍ ନେଶନ୍ସକୁ ୨୦୨୨କୁ ଘୁଞ୍ଚାଇ ଦିଆଯାଇଛି। ମଙ୍ଗଳବାର କନ୍ଫେଡେରେଶନ ଅଫ୍ ଆଫ୍ରିକାନ୍ ଫୁଟବଲ (ସିଏଏଫ୍) ଏ ନେଇ ସୂଚନା ଦେଇଛି। ୨୪ଟି ଦେଶକୁ କାମେରୁନ୍ରେ ଏହି ଟୁର୍ନାମେଣ୍ଟ ଆୟୋଜନ ହେବାର କାର୍ଯ୍ୟକ୍ରମ ଥିଲା। କରୋନ ଭାଇରସ୍ କାରଣରୁ ଏହାକୁ ଗୋଟିଏ ବର୍ଷ ଘୁଞ୍ଚାଇଦିଆଯାଇଛି ବୋଲି କନ୍ଫେଡେରେଶନ ତରଫରୁ କୁହାଯାଇଛି। ୧୨ଟି କ୍ୱାଲିଫାଇଂ ଗ୍ରୁପ୍ର ବାକିଥିବା ମ୍ୟାଚ୍ଗୁଡିକ ଚଳିତ ବର୍ଷ ଆୟୋଜନ କରାଯିବ। କ୍ୱାଲିଫାୟର୍ସର ବାକି ଥିବା ମ୍ୟାଚ୍ଗୁଡିକ ଓ ଫାଇନାଲ ଟୁର୍ନାମେଣ୍ଟ ତାରଖ ନେଇ ପରେ ଘୋଷଣା କରାଯିବ ବୋଲି ସିଏଏଫ୍ ତରଫରୁ କୁହାଯାଇଛି। ପ୍ରଥମେ ଏହି ଟୁର୍ନାମେଣ୍ଟ ୨୦୨୧ ଜୁନ୍- ଜୁଲାଇରେ ଆୟୋଜନ ହେବାର କାର୍ଯ୍ୟକ୍ରମ ଥିଲା।
