ମୁମ୍ବାଇ, ୧୨।୭- ଟେଲିଭିଜନ ଜଗତର ଜଣାଶୁଣା ଅଭିନେତ୍ରୀ ତଥା ମଡେଲ ଦିୟା ଚୌକସେଙ୍କ ରବିବାର ପରଲୋକ ଘଟିଛି। ସେ ଦୀର୍ଘଦିନ ଧରି କ୍ୟାନସର ସହ ସଂଘର୍ଷ କରୁଥିଲେ। ଦିବ୍ୟାଙ୍କ ପରଲୋକ ଖବର ତାଙ୍କ ସମ୍ପର୍କୀୟ ଭଉଣୀ ସୌମ୍ୟା ଅମିଷା ବର୍ମା ଫେସ୍ବୁକ୍ ମାଧ୍ୟମରେ ଜଣାଇଛନ୍ତି। ସୌମ୍ୟା ଫେସ୍ବୁକରେ ଉଲ୍ଲେଖ କରିଛନ୍ତି ଯେ, ‘ମୁଁ ବହୁତ ଦୁଃଖିତ ଯେ ମୋର ବାନ୍ଧବୀ ଦିବ୍ୟାଙ୍କର ବହୁତ କମ୍ ବୟସରେ କ୍ୟାନସର ଯୋଗୁ ଦେହାନ୍ତ ହୋଇଛି। ସେ ଲଣ୍ଡନରେ ଅଭିନୟ ପାଠ୍ୟକ୍ରମ କରିଥିଲେ। ଏହାପରେ ସେ କେତେକ ଫିଲ୍ମ ଓ ସିରିୟଲରେ ଅଭିନୟ କରିଥିଲେ। ସେ ମଧ୍ୟ ଜଣେ ଗାୟିକା ଭାବେ ଖ୍ୟାତି ଅର୍ଜନ କରିଥିଲେ। ଆଜି ସେ ଆମକୁ ଛାଡ଼ି ଚାଲିଗଲେ। ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ।’ ଏଥିପୂର୍ବରୁ ଶନିବାର ଦିବ୍ୟା ତାଙ୍କ ଇନ୍ଷ୍ଟାଗ୍ରାମରେ ଅନ୍ତିମ ମେସେଜ ପୋଷ୍ଟ କରିଥିଲେ। ଯେଉଁଥିରେ ସେ ଲେଖିଥିଲେ, ‘ମୁଁ ଯାହା ଜଣାଇବାକୁ ଚାହୁଁଛି ତାହା ଶବ୍ଦରେ ଯଥେଷ୍ଟ ହେବ ନାହିଁ। ଏହା ମାସେ ହେବ ବିତିସାରିଛି। କିନ୍ତୁ ଏହା ଏମିତି ଏକ ସମୟ ଯାହା ଆପଣମାନଙ୍କୁ ଜଣାଇ ଦେବାକୁ ଚାହୁଁଛି କି ମୁଁ ମୃତ୍ୟୁ ଶର୍ଯ୍ୟା ଉପରେ ଶୋଇଛି। କ’ଣ ଘଟିପାରେ, କିନ୍ତୁ ମୁଁ ବହୁତ ଦୃଢ଼ ରହିଛି। ଯନ୍ତ୍ରଣା ବିନା ଆଉ ଏକ ଜୀବନ ରହିଛି। ବର୍ତ୍ତମାନ କୌଣସି ପ୍ରଶ୍ନ ନାହିଁ। ତୁମେମାନେ ମୋ ଲାଗି କେତେ ମୂଲ୍ୟବାନ କେବଳ ଭଗବାନ ହିଁ ଜାଣନ୍ତି।’
୨୦୧୧ ମିସ୍ ୟୁନିଭର୍ସିଟି ଯୋତିଯୋଗୀ ରହିଥିଲେ। ୨୦୧୬ରେ ଦିବ୍ୟା ବଲିଉଡ୍ରେ ପ୍ରବେଶ କରିଥିଲେ। ତାଙ୍କର ପ୍ରଥମ ଫିଲ୍ମ ‘ହେ ଅପ୍ନା ଦିଲ୍ ତୋ ଆଓ୍ବାରା’ ରହିଥିଲା। ଏଥିସହ ସେ ବହୁତ ବିଜ୍ଞାପନରେ ମଧ୍ୟ ନଜର ଆସିଛନ୍ତି। ସେହିଭଳି ୨୦୧୮ରେ ସେ ‘ପଟିଆଲେ ଡି କୁଇନ୍’ ଗୀତ ଜରିଆରେ ସଙ୍ଗୀତ ଦୁନିଆରେ ପାଦ ଥାପିଥିଲେ। ଦିବ୍ୟାଙ୍କ ଅକାଳ ବିୟୋଗରେ ଟେଲିଭିଜନ ସମେତ ବଲିଉଡ୍ ଜଗତ ଶୋକ ପ୍ରକାଶ କରିଛି।
