ଗଞ୍ଜାମ,୯।୯(ଡି.ଏନ୍.ଏ.): ଗଣେଶ ମୂର୍ତ୍ତି ବିସର୍ଜନ କରି ଫେରୁଥିବା ବେଳେ ଅଘଟଣ। ଅଟୋ ଓଲଟି ପଡ଼ିବାରୁ ସାତ ଜଣ ଆହତ ହୋଇଥିବା ବେଳେ ତିନି ଜଣ ଗୁରୁତର ଆହତ ହୋଇଥିବା ଜଣାପଡିଛି l ଆହତମାନେ ହେଲେ ଖଲିକୋଟ ଥାନା ବିକ୍ରମପୁର ଗ୍ରାମର ଅଶୋକ ପହାନ, କୃଷ୍ଣ ବାରିକ, ଗୋପାଳ ବାରିକ, ଲିପୁ ପହାନ, ଅରୁଣ ପରିଡା, ଗୋପାଳ ପରିଡା, ଚନ୍ଦନ ବେହେରା l ଏହାଛଡ଼ା ତିନି ଜଣ ଗୋପାଳ ବାରିକ, ଲିପୁ ପହାନ ଓ ଅରୁଣ ପରିଡା ଗୁରୁତର ଥିବା ଗଞ୍ଜାମ ସ୍ବାସ୍ଥ୍ୟ କେନ୍ଦ୍ର ଆୟୁଷ ଡାକ୍ତର ବନଜକାନ୍ତ କର ସୂଚନା ଦେଇଛନ୍ତି l ଅଧିକ ଚିକିତ୍ସା ଲାଗି ସେମାନଙ୍କୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ଏମ୍କେସିଜି ମେଡିକାଲକୁ ନିଆଯାଇଛି।
ସୂଚନାନୁଯାୟୀ, ଗଞ୍ଜାମ ଜିଲା ଖଲିକୋଟ ଥାନା ବିକ୍ରମପୁର ଗ୍ରାମର ୧୧ ଜଣ ଯୁବକ ଶୁକ୍ରବାର ଗଣେଶ ମୂର୍ତ୍ତି ବିସର୍ଜନ କରିବାକୁ ଏକ ଡାଲା ଅଟୋରେ ଯାଇଥିଲେ। ସେମାନେ ବିସର୍ଜନ କରି ଗ୍ରାମକୁ ଫେରିବାବେଳେ ନୀଳାଦ୍ରିପୁର ଗ୍ରାମକୁ ଯିବା ବୁଲାଣିଆ ରାସ୍ତାରେ ଅଟୋଟି ଏକ ବିଲକୁ ଓଲଟି ପଡିଥିଲା l ଏଥିରେ ୭ ଆହତ ଏବଂ ୩ଜଣ ଗୁରୁତର ହୋଇଥିଲେ। ତେବେ ଆହତମାନେ ସମସ୍ତେ ଛାତ୍ର ବୋଲି ଜଣାପଡିଛି l
