ଭୁବନେଶ୍ବର,୪।୧: ରାଜଧାନୀ ଛାତି ଉପରେ ଆମ ବସ୍ ଦୁଇ ଦୁଇ ଥର ଦୁର୍ଘଟଣା ଘଟାଇବା ପରେ ଲୋକଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ଏହାକୁ ନେଇ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଗୁରୁତ୍ବର ସହ ନେଇ ପରିବହନ ବିଭାଗକୁ କଡ଼ାକଡ଼ି ଯାଞ୍ଚ କରିବା ପାଇଁ ପରାମର୍ଶ ଦେଇଛନ୍ତି । ଏହାପରେ ରାଜ୍ୟରେ ବିଭିନ୍ନ ସ୍ଥାନରେ ଆମ ବସ୍ ଡ୍ରାଇଭରଙ୍କ ସହିତ ଗାଡ଼ିର ଫିଟନେସ ମଧ୍ୟ ଯାଞ୍ଚ କରାଯାଉଛି । ଏହାରି ଭିତରେ ଆଜି ଆମ ବସର ଏକ ଭିଡିଓ ଭାଇରାଲ ହେଉଛି । ଭଡ଼ାରେ ଆମ ବସ୍ ପିକନିକ ଯାଉଥିବା ଦେଖାଯାଇଛିି ।
ତେବେ ଗ୍ରୀନ ବସ୍ ପଛପଟେ ପିକ୍ନିକ ପାର୍ଟି ଅଫ ଜେନେରାଲ ଆକାଉଣ୍ଟାଣ୍ଟ ଓଡ଼ିଶା ଭୁବନେଶ୍ବର ଲେଖା ହୋଇଥିବା ଦେଖାଯାଇଛି । ତେବେ ବସଟି କେଉଁଠାରୁ କେଉଁଠାକୁ ଯାଉଛି ତାହା ସ୍ପଷ୍ଟ ହୋଇପାରି ନାହିଁ । ତେବେ ବର୍ତ୍ତମାନ ଆମ ବସର ଏହି ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି ।
