ଇସ୍ଲାମାବାଦ,୨୫ ।୯: ପାକିସ୍ତାନ ରାୱଲ ପିଣ୍ଡି ସହର ନିବାସୀ ଜଣେ ଯୁବକ ଶୋଏବ ଅହମ୍ମଦ ବିବାହରେ ପତ୍ନୀଙ୍କୁ ଉପହାର ଦେବାକୁ ଚନ୍ଦ୍ରରେ ଏକ ଜାଗା କିଣିଥିବା ପ୍ରକାଶ କରିଛନ୍ତି । ସେ ସେଠରେ ‘ସି ଅଫ୍ ଭେପର’ ବା ବାଷ୍ପ ସମୁଦ୍ର ନାମକ ଏକ ସ୍ଥାନରେ ଗୋଟିଏ ଫ୍ଲାଟ କିଣିଥିବା କହିଛନ୍ତି । ତେବେ ସେ ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଦ୍ୱାରା ପ୍ରେରଣା ପାଇଥିବା କହିଛନ୍ତି । ସେ ଏହା ଇଣ୍ଟରନ୍ୟାଶନାଲ ଲୁନାର ଲ୍ୟାଣ୍ଡସ୍ ରେଜିଷ୍ଟ୍ରିରୁ ୪୫ ଡଲାରରେ କ୍ରୟ କରିଛନ୍ତି । ସୂଚନାଯୋଗ୍ୟ, ବଲିଉଡ୍ ନାୟକ ସୁଶାନ୍ତ ସିଂ ରାଜପୁତ ‘ସି ଅଫ୍ ମସ୍କୋପି’ ନାମକ ସ୍ଥାନରେ ୨୦୧୮ରେ ଏକ ଭୂଖଣ୍ଡ କିଣିଥିବା କୁହାଯାଏ । ତେବେ ସୋହେବଙ୍କ ପତ୍ନୀ ମଦିହା କହିଛନ୍ତି, ଯେତେବେଳେ ଶୋଏବ ତାଙ୍କୁ ବିବାହ ଉପହାର ଭାବେ ଚନ୍ଦ୍ରରେ ଜାଗା କିଣିବା କଥା ଶୁଣିଲେ ସେତେବେଳେ ସେ ଏହାକୁ ବିଶ୍ୱାସ କରି ପାରିଲେନି । ଏମିତିକି ତାଙ୍କ ସାଙ୍ଗମାନଙ୍କୁ ଏକଥା କହିବା ପରେ ବି ସେମାନେ ଏହାକୁ ବିଶ୍ୱାସ କରି ନ ଥିଲେ । ହେଲେ ସମସ୍ତ କାଗଜ ପତ୍ର ଦେଖାଇବା ପରେ ତାଙ୍କ ସାଙ୍ଗମାନେ ଆଶ୍ଚର୍ଯ୍ୟ ହୋଇ ଯାଇଥିଲେ ବୋଲି ଶୋଏବଙ୍କ ପତ୍ନୀ କହିଛନ୍ତି । ସୁଶାନ୍ତଙ୍କ ବ୍ୟତୀତ ଶାହାରୁଖ ଖାଁ, ହଲିଉଡ୍ ଅଭିନେତ୍ରା ଟ୍ରମ୍ କ୍ରୁଜଙ୍କ ସମେତ କେତେଜଣ ବଡ ବଡ ବ୍ୟକ୍ତି ଚନ୍ଦ୍ରରେ ଜାଗା କିଣିଥିବା କୁହାଯାଏ । ପାକିସ୍ତାନର ଶୋଏବ-ମଦିହା ଦମ୍ପତି ଚନ୍ଦ୍ରରେ ଫ୍ଲାଟ କିଣିବା ପରେ ଏ ସମ୍ପର୍କୀୟ କାଗଜ ପତ୍ର ୟୁଏସ୍ ପୋଷ୍ଟାଲ ସର୍ଭିସ ମାଧଧ୍ୟମରେ ତାଙ୍କ ଘରେ ପହଞ୍ଚିଥିବା ସେ କହିଛନ୍ତି ।
