ଜଣେ ବରକୁ ୨ ଥର ବିବାହ କଲେ ନାବାଳିକା

ନୟାଗଡ଼ ଅଫିସ,୧୯।୧: ମଙ୍ଗଳବାର ସନ୍ଧ୍ୟାରେ ନୟାଗଡ଼ ଚାଇଲ୍ଡ ଲାଇନ ବିବାହ ବେଦୀରୁ ଉଠାଇ ଆଣିଥିବା ଜଣେ ୧୫ ବର୍ଷର ନାବାଳିକା ବିଳମ୍ବିତ ରାତିରେ ପୁନଃ ବିବାହ କରିଥିବା ଅଭିଯୋଗ ହୋଇଛି । ଜଣେ ବରକୁ ନାବାଳିକା ଗୋଟିଏ ଦିନରେ ଦୁଇଥର ବିବାହ କରିବା ଘଟଣା ଚର୍ଚ୍ଚକୁ ଆସିଛି। ଏଭଳି ଘଟଣା ପଛରେ ନୟାଗଡ଼ର ସିଡବ୍ଲ୍ୟୁସିି(ଜିଲା ମଙ୍ଗଳ ସମିତି)ର କାର୍ଯ୍ୟ ସନ୍ଦେହ ଘେରକୁ ଆସିଛି । ୧୫ ହଜାର ଟଙ୍କା ଲାଞ୍ଚ ନେଇ ସିଡବ୍ଲ୍ୟୁସି ସଭାପତି ନାବାଳିକାଙ୍କୁ ଛାଡି ଦେଇଥିବା ଅଭିଯୋଗ ହୋଇଛି। କେତେଜଣ ଦାୟିତ୍ୱହୀନ ଲୋକଙ୍କ ପାଇଁ ନୟାଗଡ଼ ଜିଲାରେ ବାଲ୍ୟ ବିବାହ ନିରୋଧ ଆଇନରେ ବ୍ୟତିକ୍ରମ ଘଟିଛି । ଏ ସଂକ୍ରାନ୍ତରେ ପ୍ରଚାର ହେବା ପରେ ନାବାଳିକା ବିବାହକୁ ପଣ୍ଡ କରାଉଥିବା ଚାଇଲ୍ଡ ଲାଇନ ପାଇଁ ବିଭିନ୍ନ ପ୍ରକାରର ସମସ୍ୟା ଦେଖା ଦେବ ବୋଲି ଅଭିଯୋଗ ହେଉଛି । ଜିଲାପାଳ ଓ ରାଜ୍ୟ ସରକାର ଏଥିପ୍ରତି ଦୃଷ୍ଟି ନ ଦେଲେ ବାଲ୍ୟ ବିବାହ ନିରୋଧ ଆଇନ ବାଟବଣା ହୋଇଯିବ ବୋଲି ସାଧାରଣରେ ମତ ପ୍ରକାଶ ପାଇଛି ା

ସୂଚନା ଅନୁଯାୟୀ, ମଙ୍ଗଳବାର ସନ୍ଧ୍ୟାରେ ସିପାହି ଅସୁରୁଢ଼ିପା ଅଞ୍ଚଳରେ ଜଣେ ୧୫ ବର୍ଷର ନାବାଳିକା ବିବାହ କରୁଥିଲେ । ଏହି ବିବାହ ପାଇଁ କନ୍ୟା ଓ ବର ପକ୍ଷଙ୍କ ସମ୍ମତି ଥିଲା । ଭୋଜି ଭାତ ଚାଲିଥିଲା । ବିବାହ ହେଉଥିଲା । ଖବର ପାଇ ଚାଇଲ୍ଡ ଲାଇନ ନୟାଗଡ଼ ସଦର ଥାନା ପୋଲିସ ସହାୟତାରେ ବିବାହ ବେଦୀରୁ ନାବାଳିକାଙ୍କୁ ଉଠାଇ ଆଣି ବିବାହକୁ ପଣ୍ଡ କରିଥିଲା । ସନ୍ଧ୍ୟାରେ ନାବାଳିକାଙ୍କୁ ସିଡବ୍ଲ୍ୟୁସିରେ ହାଜର କରାଯାଇଥିଲା । ତେବେ ସିଡବ୍ଲ୍ୟୁସି ପ୍ରସଙ୍ଗକୁ ହାଲକା ଭାବେ ନେଇ ସେହି ନାବାଳିକାଙ୍କୁ ତାଙ୍କ ମା’ବାପାଙ୍କୁ ହସ୍ତାନ୍ତର କରିଥିଲା। ସିଡବ୍ଲ୍ୟୁସିିର ସଫେଇ ଅନୁସାରେ ନାବାଳିକା ଚେତାଶୂନ୍ୟ ହୋଇ ଯିବାରୁ ତାଙ୍କ ପରିବାର ଲୋକଙ୍କ ପାଖକୁ ପଠାଇ ଦିଆଯାଇଥିଲା । ସିଡବ୍ଲ୍ୟୁସି ଡାକ୍ତରଖାନାକୁ ନ ପଠାଇ ମା’ବାପାଙ୍କୁ ହସ୍ତାନ୍ତର କରିଥିବାରୁ ନାନା ପ୍ରକାର ସନ୍ଦେହ ସୃଷ୍ଟି ହେଉଛି । ଘରକୁ ଫେରିବା ପରେ ନାବାଳିକାଙ୍କ ପୁନଃ ବିବାହ କାର୍ଯ୍ୟ ଶେଷ ହୋଇଥିଲା । ପୋଲିସ ଜାଣି ଚୁପ୍‌ ରହିଥିଲା । ଚାଇଲ୍ଡ ଲାଇନ ଜାଣି ଅଜଣା ହୋଇଗଲା । ସିଡବ୍ଲ୍ୟୁସିି ନୀରବ ରହିଗଲା। ଏସବୁ ଘଟଣା ପାଇଁ ସିଡବ୍ଲ୍ୟୁସି ସଭାପତି ଲାଞ୍ଚ ନେଇଥିବା ଅଭିଯୋଗର ତଦନ୍ତ ହେବା ଦରକାର ବୋଲି ଦାବି ଉଠିଛି ।
ଏନେଇ ଆଇନଜିବୀ ରଣଜିତ ଦାଶ କୁହନ୍ତି, ନାବାଳିକାଙ୍କୁ ଛାଡିବା ଠିକ୍‌ ନୁହେଁ। ୧୫ ହଜାର ଲାଞ୍ଚ ପାଇଁ ନାବାଳିକାଙ୍କୁ ଛାଡି ଦେବା ପରେ ଭିନ୍ନ ବାର୍ତ୍ତା ଗଲା । ନାବାଳିକା ପୁନଃ ବିବାହ କରିବାରୁ ବାଲ୍ୟ ବିବାହ ନିରୋଧ ଆଇନରେ କଳଙ୍କ ଲାଗିଲା । ଏଥିପାଇଁ କାର୍ଯ୍ୟାନୁଷ୍ଠାନ କାହିଁ। ଯେଉଁମାନେ ଏଭଳି ଅନିୟମିତତା ପଛରେ ଅଛନ୍ତି ଏହାର ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ । ସିଡବ୍ଲ୍ୟୁସି ସଭାପତି ସନ୍ତୋଷ କୁମାର ସାହୁ କୁହନ୍ତି, ନାବାଳିକା ସିଡବ୍ଲୁସିରେ ବାରମ୍ବାର ଚେତାଶୂନ୍ୟ ହୋଇଯିବାରୁ ମା’ବାପାଙ୍କୁ ହସ୍ତାନ୍ତର କରାଯାଇଥିଲା । ତେବେ ଡାକ୍ତରଖାନାକୁ ପଠାଇ ଥିଲେ ଭଲ ହୋଇଥାନ୍ତା,ଯାହାକି ଟେନଶନ ଦେଇଛି। ତେବେ ହସ୍ତାନ୍ତର ପଛରେ ୧୫ ହଜାର ଲାଞ୍ଚ କାରବାର ଠିକ୍‌ ନୁହେଁ ବୋଲି କହିଛନ୍ତି। ଏହା ଭିତ୍ତିହୀନ ଅଭିଯୋଗ । ସାବାଳିକା ନ ହେବା ପର୍ଯ୍ୟନ୍ତ ବିବାହ ନ ଦେବା ପାଇଁ ତାଙ୍କ ମା’ବାପା ଅଣ୍ଡରଟେକିଂ ଦେଇଛନ୍ତି । ନାବାଳିକା ବୁଧବାର ସିଡବ୍ଲ୍ୟୁସିରେ ହାଜର ହୋଇଥିଲେ । ପୁଣି ଆଉ ୨ଟି ତାରିଖରେ ହାଜର ହେବାର ଅଛି । ନାବାଳିକା ବିବାହ କରିବାର କୌଣସି ଲକ୍ଷଣ ବୁଧବାର ଦେଖିବାକୁ ମିଳି ନାହିଁ । ଏହି ଘଟଣାକୁ ଆମ୍ଭେ ଗୁରୁତର ସହ ନେଇଛୁ ବୋଲି ସଫେଇ ଦେଇଛନ୍ତି ା


Enter your email to get our daily news in your inbox.

All Right Reserved By Dharitri.Com

ସୁପ୍ରିମକୋର୍ଟ, ବିସିଆଇଙ୍କ ତାଗିଦ୍‌ ସତ୍ତ୍ୱେ ଓଡ଼ିଶା ହାଇକୋର୍ଟ ବାର୍‌ ସଭାପତି କହିଲେ ଦାବି ପୂରଣ ନ ହେବାଯାଏ ଆନ୍ଦୋଳନ

କଟକ ଅଫିସ,୩୦ା୧୦:ବିଭିନ୍ନ ଦାବି ନେଇ ପ୍ରାୟ ୨ମାସ ହେବ ଓଡ଼ିଶା ହାଇକୋର୍ଟ ବାର୍‌ ଆସୋସିଏଶନ ପକ୍ଷରୁ କୋର୍ଟ ବର୍ଜନ ଆନ୍ଦୋଳନ ଜାରି ରହିଛି। ଏହାକୁ ନେଇ...

ଟ୍ରକ ମଡ଼ାଇ ୨ ଜଣଙ୍କୁ ହତ୍ୟା ଘଟଣା: ୩ ଅଭିଯୁକ୍ତ କୋର୍ଟଚାଲାଣ, ଟ୍ରକ ଜବତ

ଜଗନ୍ନାଥପ୍ରସାଦ,୨୦ା୭(ଡି.ଏନ.ଏ.)-ଜଗନ୍ନାଥପ୍ରସାଦ ଥାନା ଚଢିଆପଲ୍ଲୀ ଗ୍ରାମ ମୁଖ୍ୟ ରାସ୍ତାରେ ଗତ ଗୁରୁବାର ରାତିରେ ଦୁର୍ଘଟଣାରେ ରାମଚନ୍ଦ୍ର ଗୌଡ଼ ଓ କୃଷ୍ଣ ନାଇକଙ୍କ ମୃତ୍ୟୁ ଘଟିଥିଲା। ଏହି ମାମଲାର...

କରୋନା ଯୋଦ୍ଧାଙ୍କୁ କରୋନା: ବାଂଶଡା ପଞ୍ଚାୟତ ୩୬ ଘଣ୍ଟା ଶଟ୍‌ଡାଉନ

ଭଦ୍ରକ ଅଫିସ, ୨୨।୭: ଭଦ୍ରକ ଜିଲାରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ସାଧାରଣ ଲୋକେ ଆକ୍ରାନ୍ତ ହେବା ସାଙ୍ଗକୁ ବହୁ...

ମଦ ପିଆକୁ କେନ୍ଦ୍ର କରି ଭୁଜାଲି ମାଡ଼: ଜଣେ ମୃତ, ୪ ଗୁରୁତର

ସୋହେଲା,୯।୧୦(ଡି.ଏନ.ଏ.): ବରଗଡ ଜିଲା ସୋହେଲାରେ ମଙ୍ଗଳବାର ସନ୍ଧ୍ୟାରେ ସ୍ଥାନୀୟ ଖେଳ ପଡ଼ିଆରେ ରାବଣ ପୋଡି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମ ଦେଖିବାକୁ ପଶ୍ଚିମ ଓଡ଼ିଶା...

ବିଦ୍ୟୁତ୍‌ ଆଘାତରେ ଯୁବକ ମୃତ

ପଦ୍ମପୁର,୧୩।୧୧(ଡି.ଏନ୍‌.ଏ.): ବାସୁଦେବପୁର ବ୍ଲକ ଅଧୀନ ରାଧାବଲ୍ଲଭପୁର ଗ୍ରାମର ଜଣେ ଯୁବକଙ୍କ ବିଦ୍ୟୁତ୍‌ ଆଘାତରେ ବୁଧବାର ମୃତ୍ୟୁ ଘଟିଛି। ସେ ହେଲେ ପ୍ରହଲ୍ଲାଦ ଜେନା। ସୂଚନାନୁଯାୟୀ, ପ୍ରହଲ୍ଲାଦ...

ଗ୍ରାମବାସୀ ତିଆରି କଲେ କାଠପୋଲ

ସମ୍ବଲପୁର/ ନାକଟିଦେଉଳ,୧୦ା୯ (ବ୍ୟୁରୋ/ଡି.ଏନ.ଏ.): ବିକଶିତ ହେଉଛି ଦୁର୍ଗମ ଅଞ୍ଚଳ। ଏଭଳି ନାରା ଦେଉଛନ୍ତି ସରକାର। ହେଲେ ବାସ୍ତବ ଚିତ୍ର ଭିନ୍ନ। ସାମାନ୍ୟ ନାଳ ଉପରେ ପୋଲ...

କରୋନା ପଜିଟିଭ୍‌ ଆସିବା ପରେ ବଲାଙ୍ଗୀରର ୨୧ ଗ୍ରାମ କଣ୍ଟେନ୍‌ମେଣ୍ଟ ଜୋନ୍‌ ଘୋଷଣା: ଲିଖିରିଆରୁ ଆରମ୍ଭ ହେଲା ସାନିଟାଇଜେଶନ୍‌

ବଲାଙ୍ଗୀର ଅଫିସ/ଗୁଡଭେଲା,୨ା୫(ଡି.ଏନ.ଏ.)- ବଲାଙ୍ଗୀର ଜିଲା ଗୁଡଭେଲା ବ୍ଳକ ରୁଷୁଡା ଗ୍ରାମପଞ୍ଚାୟତ ଅନ୍ତର୍ଗତ ଲିଖିରିଆ ଗାଁର ଦୁଇଜଣ ଯୁବକଙ୍କ ସ୍ବାବ ଟେଷ୍ଟ ଶୁକ୍ରବାର ପଜିଟିଭ୍‌ ଚିହ୍ନଟ ହେବା...

କରୋନା ଚିନ୍ତା: ବ୍ରହ୍ମପୁରରେ ଫୁଲରେ ହୋଲି ଖେଳିଲେ ଦିବ୍ୟାଙ୍ଗ ଛାତ୍ରୀ

ବ୍ରହ୍ମପୁର ଅଫିସ,୧୦ା୩- ଭାରତରେ କରୋନା ଭୂତାଣୁ ନିଜର କାୟା ବିସ୍ତାର କରିବାରେ ଲାଗିଛି। ଏହାଠାରୁ ଦୂରେଇ ରହିବା ଓ ସଚେତନ ପାଇଁ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ...

Advertisement
Archives

Model This Week