ଖୋର୍ଦ୍ଧା, ୧୨।୧(ପ୍ରଭାତ ପାଣିଗ୍ରାହୀ): ଭୁବନେଶ୍ବର ଚେନ୍ନାଇ ୧୬ନଂ ଜାତୀୟ ରାଜପଥ ବରୁଣେଇ ଓଭରବ୍ରିଜ ପିଏନ କଲେଜ ନିକଟରୁ ବିପୁଳ ପରିମାଣର ଗଞ୍ଜେଇ ଜବତ। କନ୍ଧମାଳରୁ ଭୁବନେଶ୍ୱର ଅଭିମୁଖେ ଯାଉଥିଲା। ମାରୁତି ସୁଜିକି ସୁଇଫ୍ଟ (OD02CT 7521) ଜବତ ହୋଇଛି ଗଞ୍ଜେଇ। ରବିବାର ଭୋର ସମୟରେ ଗୋରୁ ଜବତ ସମୟରେ ଧରାପଡିଲା ଗଞ୍ଜେଇ ଭତ୍ତି କାର।
କାର ଦୁର୍ଘଟଣାଗ୍ରସ୍ତ ପରେ ଘଟଣାସ୍ଥଳରୁ ଡ୍ରାଇଭର ଓ ସହଯୋଗୀ ଫେରାର। ଖବରପାଇ ଶିଳ୍ପାଞ୍ଚଳ ପୋଲିସ ଓ ଖୋର୍ଦ୍ଧା ଅବକାରୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। ଅବକାରୀ ଅଧିକ୍ଷକ ସୁମତି ତ୍ରିପାଠୀ, ଟିମ ପହଞ୍ଚି ଗଞ୍ଜେଇ ଜବତ କରି ଥାନାକୁ ନେଇଯାଇଛନ୍ତି। ଅବକାରୀ ଡ୍ରାଇଭିଙ୍ଗ ଲାଇସେନ୍ସ ଜବତ କରିଛି।
ସୂଚନା ପ୍ରକାରେ ବେଗୁନିଆ ବ୍ଲକ କୁଶପଲ୍ଲାରୁ ଏକ ଗାଡିରେ ୧୦ଟି ଗୋରୁ ବୋଝେଇ ଭୁବନେଶ୍ବର ଯାଉଥିଲା। ଆଜି ଭୋର ସମୟରେ ଗୋସେବକମାନେ ଗଡଖୋର୍ଦ୍ଧା ଛକ ନିକଟରେ ଗୋରୁ ଗାଡି ଧରିଥିଲେ। ଏହି ସମୟରେ ଓଭରବ୍ରିଜ ଉପରେ କାର ଦୁର୍ଘଟଣାଗ୍ରସ୍ତ ହୋଇଥିଲା। ଗୋସେବକ ପହଞ୍ଚି ଗଞ୍ଜେଇ ଦେଖି ଶିଳ୍ପାଞ୍ଚଳ ପୋଲିସ ଓ ଅବକାରୀ ପୋଲିସକୁ ଖବର ଦେଇଥିଲେ। ଡ୍ରାଇଭର ଓ ସହଯୋଗୀ ଫେରାର ହୋଇଯାଇଥିଲା।
ପୋଲିସ ଗୋରୁ ଗାଡି ଜବତ ସହ ଡ୍ରାଇଭରଙ୍କୁ ଅଟକ ରଖିଛି। ସେପଟେ ଅବକାରୀ ପୋଲିସ ହାଇଡ୍ରା ଲଗାଇ ଗଞ୍ଜେଇ ଭତ୍ତି କାରକୁ ଜବତ କରି ଥାନାକୁ ନେଇଯାଇଛି। ଘଟଣାର ତଦନ୍ତ ଜାରି ରହିଥିବା ଅବକାରୀ ଏସପି ସୂଚନା ଦେଇଛନ୍ତି।
