ଶ୍ରୀହରିକୋଟା,୨୨।୫: ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ପକ୍ଷରୁ ଶ୍ରୀହରିକୋଟାଠାରୁ ବୁଧବାର ରିସାଟ୍-୨-ବି ଉପଗ୍ରହର ସଫଳ ଉତ୍କ୍ଷେପଣ କରାଯାଇଛି। ଏହା ପିଏସ୍ଏଲ୍ଭି-ସି-୪୬ରୁ ଉତ୍କ୍ଷେପଣ କରାଯାଇଛି। ଏହି ରାଡାର ଇମେଜିଂ ଆର୍ଥ ସାଟେଲାଇଟ୍ ଭୋର୍ ୫ଟା ୨୭ରେ ମହାକାଶକୁ ଉତ୍କ୍ଷେପଣ କରାଯାଇଛି। ୬ଶହ ୧୫ କିଲୋଗ୍ରାମ୍ ବିଶିଷ୍ଟ ରକେଟ ଉତ୍କ୍ଷେପଣର ୧୫ ମିନିଟ୍ ପରେ ରିସାଟ୍-୨-ବି ଉପଗ୍ରହକୁ କକ୍ଷପଥରେ ଅବସ୍ଥାପିତ କରାଇଥିବା କୁହାଯାଉଛି। ପୃଥିବୀ ପୃଷ୍ଠରୁ ୫ ଶହ୫୫ କିଲୋମିଟର ଉଚ୍ଚରେ ଏହା ଅବସ୍ଥାପିତ ହୋଇଛି। ୩ଶହ କିଲୋଗ୍ରାମ୍ ରିସାଟ୍-୨-ବି ସହିତ ସିନ୍ଥେଟିକ୍ ରାଡାର ଇମେଜିଂ ମଧ୍ୟ ସଂଯୁକ୍ତ ରହିଛି। ଏହା ମହାକାଶରେ ଭାରତ ପାଇଁ ସୁରକ୍ଷା ଆଖି ଭଳି କାମ କରିବ। ଏହାଦ୍ୱାରା ସୀମାରେ କଡ଼ା ନଜର ରଖାଯାଇପାରିବ। ଆତଙ୍କବାଦୀ କାର୍ଯ୍ୟକଳାପ ସମ୍ପର୍କରେ ଏହା ଆବଶ୍ୟକ ତଥ୍ୟ ପ୍ରଦାନ କରିବାକୁ ସକ୍ଷମ ହେବ।
