ସୁନ୍ଦରଗଡ,୧୭।୧(ଜୟ ନାରାୟଣ ମେଣ୍ଡୁଳି): ସୁନ୍ଦରଗଡ଼ରେ ଘଟିଥିବା ୨ ଗୋଷ୍ଠୀ ସଂଘର୍ଷ ଘଟଣାରେ ଟାଉନଥାନା ପୋଲିସ ଶୁକ୍ରବାର ରାତିରେ ଉଭୟ
ପକ୍ଷରୁ ୬ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ଗୁରୁବାର ପ୍ରଶାସନ ପକ୍ଷରୁ ଶାନ୍ତି କମିଟି ବୈଠକରେ ହୋଇଥିବା ନିଷ୍ପତ୍ତି କ୍ରମେ ୨୪ଘଣ୍ଟା ପରେ ଜିଲାରେ ଇଣ୍ଟରନେଟ ସେବା ଫେରିଥିବା ବେଳେ ଲାଗୁ ହୋଇଥିବା ୧୬୩ ଧାରାକୁ ପ୍ରତ୍ୟାହାର କରାଯାଇଥିଲା।
ପରେ ଶନିବାର ସକାଳୁ ସୁନ୍ଦରଗଡ଼ ସହରରେ ସ୍ବଭାବିକ ଭାବରେ ଦୋକାନ ବଜାର, ସ୍କୁଲ କଲେଜଗୁଡିକ ଖୋଲିଛି। ଘଟଣା ଘଟିଥିବା
ସୁନ୍ଦରଗଡ଼ ରିଜେଣ୍ଟ ମାର୍କେଟ ସମେତ ସହରର ସମ୍ବେଦନଶୀଳ ସ୍ଥାନଗୁଡିକରେ ସ୍ବତନ୍ତ୍ର ପୋଲିସ ଫୋର୍ସ ମୁତୟନ ଅଛନ୍ତି। ପୋଲିସ ପକ୍ଷରୁ କଡାକଡି ପାଟ୍ରୋଲିଂ ମଧ୍ୟ ଜାରି ରହିଛି। ସହରରେ ୧୯ ପ୍ଲାଟୁନ ପୋଲିସ ଫୋର୍ସ ରହିଛନ୍ତି। ପୋଲିସ ପକ୍ଷରୁ ଏହି ଗୋଷ୍ଠୀ ସଙ୍ଘର୍ଷ ଘଟଣାରେ ସମ୍ପୃକ୍ତ ବ୍ୟକ୍ତିମାନଙ୍କୁ ଗିରଫ ପାଇଁ ପୋଲିସ ଚଢାଉ ଜାରି ରଖିଛି।
