ନୂଆଦିଲ୍ଲୀ,୧୮।୪: ଭାରତୀୟ କ୍ରିକେଟ ଦଳର ଦକ୍ଷ ଖେଳାଳି ବିରାଟ କୋହଲି ସବୁବେଳେ କୌଣସି ନା କୌଣସି କାରଣରୁ ଚର୍ଚ୍ଚାରେ ଥାନ୍ତି। ସମ୍ପ୍ରତି ସେ 2026 IPL ସିଜିନ ଯୋଗୁ ଯଥେଷ୍ଟ ଦୃଷ୍ଟି ଆକର୍ଷଣ କରିଆସୁଛନ୍ତି। କିନ୍ତୁ ଏଥର ତାଙ୍କର ଚର୍ଚ୍ଚାରେ ଆସିବାର କାରଣ ସମ୍ପୂର୍ଣ୍ଣ ଭିନ୍ନ। ଏହା ଏକ ଚମତ୍କାର ଇନିଂସ ନୁହେଁ, ବରଂ ଏକ ‘ଲାଇକ’ଯାହା ଏକ ବିବାଦ ସୃଷ୍ଟି କରିଛି। ପ୍ରଶଂସକ ତାଙ୍କୁ ଟ୍ରୋଲ କରୁଥିବାବେଳେ ଅଭିନେତ୍ରୀ ଅମିଷା ପଟେଲ କୋହଲିଙ୍କୁ ସମର୍ଥନ କରିଛନ୍ତି।
ବିରାଟ କୋହଲି ଜଣେ ଜର୍ମାନ ମଡେଲ ତଥା ଇନ୍ଫ୍ଲୁଏନ୍ସର ଲିଜା ବ୍ଲିଙ୍ଗ (ଲିଜାଲାଜ ନାମରେ ମଧ୍ୟ ଜଣାଶୁଣା)ଙ୍କ ଇନଷ୍ଟାଗ୍ରାମରେ ପୋଷ୍ଟ କରାଯାଇଥିବା ଏକ ଫଟୋକୁ ‘ଲାଇକ’ କରିଥିଲେ। ଏହି କାର୍ଯ୍ୟ ତୁରନ୍ତ ସୋସିଆଲ ମିଡିଆରେ ପ୍ରଶଂସକମାନଙ୍କ ମଧ୍ୟରେ ହଇଚଇ ସୃଷ୍ଟି କରିଥିଲା। କିଛି ସମୟ ମଧ୍ୟରେ ଏହି ‘ଲାଇକ’ ସୋସିଆଲ ମିଡିଆ ପ୍ଲାଟଫର୍ମରେ ଆଲୋଚନାର ଏକ ଚର୍ଚ୍ଚିତ ବିଷୟ ପାଲଟିଥିଲା।
ଅମିଷା ପଟେଲ ଏନେଇ ପ୍ରତିକ୍ରିୟା ଦେଇ କହିଛନ୍ତି, ଜଣେ ସେଲିବ୍ରିଟି କାହାର ଫଟୋକୁ ପସନ୍ଦ କରିପାରିବେ ନାହିଁ? କାହିଁକି? ମୁଁ ବୁଝିପାରୁନାହିଁ। କିଛି ପସନ୍ଦ କରିବା କ’ଣ ପାପ? ଏହା ତାଙ୍କର ଇନଷ୍ଟାଗ୍ରାମ ଆକାଉଣ୍ଟ; ସେ ଯାହା ଚାହାଁନ୍ତି ତାହା ପସନ୍ଦ କରିବା ତାଙ୍କ ଅଧିକାର।
ଲୋକମାନେ କେବଳ ଟ୍ରୋଲ କରିବା ଜାଣନ୍ତି। ସେମାନଙ୍କର ଅନ୍ୟ କୌଣସି କାମଧନ୍ଦା ନାହିଁ।
ଏହା ପ୍ରଥମ ଥର ନୁହେଁ,ବିରାଟ କୋହଲି କାହାର ଫଟୋକୁ ଲାଇକ କରି ଟ୍ରୋଲ ଦ୍ୱାରା ସମାଲୋଚନାର ଶିକାର ହୋଇଛନ୍ତି। ପୂର୍ବରୁ ସେ ଅଭିନେତ୍ରୀ ଅବନୀତ କୌରଙ୍କ ଏକ ଫଟୋକୁ ଲାଇକ କରି ମଧ୍ୟ ଚର୍ଚ୍ଚାରେ ଥିଲେ।
Dharitri – Odisha’s No.1 Odia Daily
