ନୂଆଦିଲ୍ଲୀ,୩।୧: ଦିଲ୍ଲୀରେ ଜଣେ ୧୫ ବର୍ଷୀୟ ବାଳକକୁ ତାଙ୍କ ମା’ଙ୍କ ସମ୍ମୁଖରେ ହତ୍ୟା କରାଯାଇଛି। ମା’ ଚିତ୍କାର କରି ତାଙ୍କ ପୁଅର ଜୀବନ ପାଇଁ ଅଭିଯୁକ୍ତଙ୍କୁ ନିବେଦନ କରିଥିଲେ, କିନ୍ତୁ ସେ ଅଟକିବାକୁ ମନା କରିଥିଲେ। ସେ ପୁଅକୁ ଛୁରି ମାରି ତାଙ୍କୁ ହତ୍ୟା କରିଥିଲେ। ଏହା ବ୍ୟତୀତ ଅଭିଯୁକ୍ତମାନେ ମୃତକଙ୍କ ମା’ଙ୍କୁ ମଧ୍ୟ ଆକ୍ରମଣ କରିଥିବା ଜଣାପଡ଼ିଛି। ମା’ ଏକ ଦୋକାନରେ ଲୁଚି ରହି ତାଙ୍କ ଜୀବନ ବଞ୍ଚାଇଥିଲେ, କିନ୍ତୁ ଅଭିଯୁକ୍ତ ତାଙ୍କ ପୁଅକୁ ହତ୍ୟା କରିଥିଲେ।
ଏହି ଘଟଣା ସୁଲତାନପୁରୀରେ ଘଟିଛି। ଏଠାରେ ପୋଲିସ ଜଣେ ୧୫ ବର୍ଷୀୟ ବାଳକକୁ ଛୁରି ଭୁସି ହତ୍ୟା ଘଟଣାରେ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି। ରିପୋର୍ଟ ହୋଇଛି ଯେ, ମୃତକଙ୍କ ମା’ଙ୍କର ତିନି ଜଣ ଅଭିଯୁକ୍ତଙ୍କ ମଧ୍ୟରୁ ଜଣଙ୍କ ସହିତ ଅବୈଧ ସମ୍ପର୍କ ଥିଲା, ଯାହାକୁ ପୁଅ ଜାଣିପାରିଲା ଏବଂ ଏହି ବିଷୟରେ ତାଙ୍କ ମା’ଙ୍କ ପ୍ରେମିକ ସହିତ ସେମାନଙ୍କର ଯୁକ୍ତିତର୍କ ହୋଇଥିଲା। ଏହି ଯୁକ୍ତିତର୍କ ସମୟରେ, ଅଭିଯୁକ୍ତ ମୃତକଙ୍କୁ ଆକ୍ରମଣ କରିଥିଲେ।
ମୃତକଙ୍କ ମା’ କହିଛନ୍ତି, ତାଙ୍କ ପୁଅ କୌଣସି କାମ ପାଇଁ ବାହାରକୁ ଯାଇଥିଲେ। ଏହି ସମୟରେ, ସେ ବାହାରେ ଶବ୍ଦ ଶୁଣିଲେ। ସେ ବାହାରକୁ ଆସି ଦେଖିବାରୁ ଅଭିଯୁକ୍ତ ତାଙ୍କ ପୁଅକୁ ଛୁରି ମାରୁଥିବାର ଦେଖିଥିଲେ। ସେମାନଙ୍କୁ ଅନୁରୋଧ କରି ମୋ ପୁଅକୁ ଛାଡିଦେବାକୁ ଚିତ୍କାର କଲି, କିନ୍ତୁ ସେମାନେ ଶୁଣିବାକୁ ମନା କରିଦେଲେ ଏବଂ ଆକ୍ରମଣ ଜାରି ରଖିଲେ। ତାଙ୍କ ପୁଅକୁ ବଞ୍ଚାଇବା ପାଇଁ ହସ୍ତକ୍ଷେପ କରିଥିଲେ, ଅଭିଯୁକ୍ତମାନେ ତାଙ୍କ ଉପରେ ମଧ୍ୟ ଆକ୍ରମଣ କଲେ। ତା’ପରେ ସେ ଏକ ଦୋକାନରେ ଲୁଚି ରହିଲେ।
ଘଟଣା ବିଷୟରେ ଜାଣିବା ପରେ, ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତମାନଙ୍କୁ ଖୋଜାଖୋଜି କରି ସେମାନଙ୍କୁ ଗିରଫ କଲା। ମୁଖ୍ୟ ଅଭିଯୁକ୍ତ ବିକ୍ରମ ଭାବରେ ଚିହ୍ନଟ କରାଯାଇଛି, ଯାହାଙ୍କ ବିରୋଧରେ ପୂର୍ବରୁ ଛଅଟି ମାମଲା ପଞ୍ଜିକୃତ ହୋଇଛି।
Dharitri – Odisha’s No.1 Odia Daily
