ନୂଆଦିଲ୍ଲୀ,୮।୧୧: ୨୦୨୫ ବିହାର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ପରେ ରାଜନୈତିକ ବୟାନବାଜି ତୀବ୍ର ହୋଇଛି। ବରିଷ୍ଠ ଭାଜପା ନେତା ଏବଂ ବିହାର ନିର୍ବାଚନ ପ୍ରଭାରୀ ଧର୍ମେନ୍ଦ୍ର ପ୍ରଧାନ ସ୍ପଷ୍ଟ ଭାବରେ କହିଛନ୍ତି ଯେ ନୀତୀଶ କୁମାର ହେଉଛନ୍ତି ଏନଡିଏର ମୁଖ୍ୟମନ୍ତ୍ରୀ ଚେହେରା, ଏବଂ ଏହା ବିଷୟରେ କୌଣସି ଦ୍ୱନ୍ଦ୍ୱ ରହିବା ଉଚିତ୍ ନୁହେଁ।
ଧର୍ମେନ୍ଦ୍ର କହିଛନ୍ତି , ଏହା ପୂର୍ବରୁ ଘୋଷଣା ହୋଇସାରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏବଂ ଭାଜପା ସଭାପତି ସମସ୍ତେ ସ୍ପଷ୍ଟ କରିଛନ୍ତି ଯେ ନୀତୀଶ କୁମାର ହେଉଛନ୍ତି ଏନଡିଏ ନେତା। ଚିରାଗ ପାସୱାନ, ଜିତନ ରାମ ମାଞ୍ଝି ଏବଂ ଉପେନ୍ଦ୍ର କୁଶୱାହା ମଧ୍ୟ ସମାନ କଥା କହିଛନ୍ତି। ବିରୋଧୀଙ୍କୁ କଟାକ୍ଷ କରି ସେ କହିଛନ୍ତି ଯେ ରାହୁଲ ଗାନ୍ଧୀ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ତେଜସ୍ବୀ ଯାଦବଙ୍କୁ ମହାଗଠବନ୍ଧନର ମୁଖ୍ୟମନ୍ତ୍ରୀ ଚେହେରା ଭାବରେ ଘୋଷଣା କରିନାହାଁନ୍ତି। ଯେତେବେଳେ ତାଙ୍କ ଭିତରେ କୌଣସି ସ୍ପଷ୍ଟତା ନାହିଁ, ସେତେବେଳେ ଅନ୍ୟମାନଙ୍କୁ ପ୍ରଶ୍ନ କରିବାର ତାଙ୍କର କୌଣସି ଅଧିକାର ନାହିଁ।
ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ପ୍ରଥମ ପର୍ଯ୍ୟାୟରେ ୬୫.୦୮ ପ୍ରତିଶତ ମତଦାନ ହୋଇଛି। ଯାହା ବିହାର ଇତିହାସରେ ଏକ ରେକର୍ଡ। ଏହା ଏନଡିଏ ସରକାରଙ୍କ ପ୍ରତି ଜନସାଧାରଣଙ୍କ ବିଶ୍ୱାସର ପ୍ରମାଣ। ସେ କହିଛନ୍ତି, ଏହି ଭୋଟ ବିକାଶ, ସୁଶାସନ ଏବଂ ସ୍ଥିରତା ସପକ୍ଷରେ ଥିଲା। ବହୁ ସଂଖ୍ୟକ ମହିଳା ଭୋଟ ଦେଇଛନ୍ତି ଏବଂ ସେମାନଙ୍କର ଆଶୀର୍ବାଦ NDA ପ୍ରତି ଅଛି।
