ନୂଆଦିଲ୍ଲୀ,୨୧।୯: ସୁପ୍ରିମକୋର୍ଟର ସାମ୍ବିଧାନିକ ବେଞ୍ଚ ୧୯୯୩ ଭୋଟ (ନୋଟ ବଦଳରେ ଭୋଟ) ମାମଲାର ଶୁଣାଣି କରିବ। ପ୍ରଧାନ ବିଚାରପତି ଡିଓ୍ବାଇ ଚନ୍ଦ୍ରଚୁଡଙ୍କ ନେତୃତ୍ୱରେ ଗଠିତ ୫ସଦସ୍ୟ ବିଶିଷ୍ଟ ସମ୍ବିଧାନ ବେଞ୍ଚ ଏହାକୁ ୭ଜଣ ବିଚାରପତିଙ୍କ ବେଞ୍ଚକୁ ସ୍ଥାନାନ୍ତର କରିଛନ୍ତି। ଏମପି କିମ୍ବା ବିଧାୟକମାନେ ଯଦି ଗୃହରେ ଭୋଟ କିମ୍ବା ଭାଷଣ ପାଇଁ ଲାଞ୍ଚ ନିଅନ୍ତି ତେବେ ସୁପ୍ରିମକୋର୍ଟ ପୁନର୍ବାର ନିଷ୍ପତ୍ତି ନେବେ କି ନା ବୋଲି ପ୍ରଶ୍ନ ଉଠିଛି।
ଭୋଟ ପାଇଁ ନୋଟ ପ୍ରଥମ ମାମଲା ନରସିଂହ ରାଓ ସରକାର ସମୟରେ ସାମ୍ନାକୁ ଆସିଥିଲା। ତା’ପରେ ଭାଜପା ଅଭିଯୋଗ କରିଥିଲା ଯେ ୧୯୯୩ରେ ରାଓ ସରକାରଙ୍କୁ ବଞ୍ଚାଇବା ପାଇଁ ଏମପିମାନଙ୍କୁ ୪୦ଲକ୍ଷ ଟଙ୍କା ଲାଞ୍ଚ ଦେଇଥିଲେ। ୧୯୯୮ରେ ସୁପ୍ରିମକୋର୍ଟ ଏହି ମାମଲାକୁ ପ୍ରତ୍ୟାଖ୍ୟାନ କରିଥିଲେ।
ଧାରା ୧୦୫(୨) କୁ ଦର୍ଶାଇ ସୁପ୍ରିମକୋର୍ଟ କହିଛନ୍ତି ଯେ ଏମପି କିମ୍ବା ବିଧାୟକମାନେ ଭୋଟ ଦେବା ପାଇଁ ସମ୍ପୂର୍ଣ୍ଣ ମୁକ୍ତ। କୌଣସି କୋର୍ଟରେ ସେମାନଙ୍କ ବିରୋଧରେ କୌଣସି ମାମଲା ଦାୟର କରାଯାଇପାରିବ ନାହିଁ।
