ବର୍ଜ୍ୟରୁ ବହୁ ସମୟରେ ଏମିତି ଜିନିଷ ତିଆରି ହେଉଛି ଯାହା ସମ୍ପର୍କରେ ଆପଣ କେବେ ବି ଚିନ୍ତା କରିପାରି ନ ଥିବେ। ଏଇ ଯେମିତି ମୁମ୍ବାଇର ଏଣ୍ଟ୍ରିପ୍ରିନ୍ୟୁଓର ଅନିଶ ମାଲପାନି ଚିଫ୍ ଫ୍ୟାଟେକୁ ରିସାଇକେଲ କରି ସେଥିରୁ ସନ୍ଗ୍ଲାସ ତିଆରି କରୁଛନ୍ତି। ଏଭଳି ସନ୍ଗ୍ଲାସ ତିଆରି କରିବାରେ ସେ ହେଉଛନ୍ତି ବିଶ୍ୱର ସର୍ବପ୍ରଥମ ବ୍ୟକ୍ତି। ଏହିି ସନ୍ଗ୍ଲାସ ତିଆରି ହେଉଛି ଅନିଶ ‘ଅକ୍ଷୟ’ ସୋସିଆଲ ଏଣ୍ଟରପ୍ରାଇଜ୍ ଦ୍ୱାରା। ସବୁଠୁ ବଡ଼ କଥା ହେଉଛି ଏଥିରୁ ଯାହା ରୋଜଗାର କରିବେ ତାହାର ୧୦ ପ୍ରତିଶତ ବର୍ଜ୍ୟ ଗୋଟାଳିଙ୍କ ପିଲାଙ୍କ ପଢ଼ା ପାର୍ଁଇ ଖର୍ଚ୍ଚ କରିବାକୁ ଯୋଜନା ରଖିଛନ୍ତି। ପ୍ରଥମତଃ ବର୍ଜ୍ୟର ଉପଯୋଗ କରିବା ସହ ଗରିବ ପିଲାଙ୍କୁ ତାଙ୍କ ରୋଜଗାରରେ ମାଗଣା ଶିକ୍ଷା ଦେବା ଲାଗି ଲକ୍ଷ୍ୟ ରଖିଥିବା ଅନିଶ ତାଙ୍କ ପାଇଲଟ ପ୍ରୋଜେକ୍ଟ ସମ୍ପର୍କରେ ଟୁଇଟରରେ ଘୋଷଣା କରିବାର ମାତ୍ର ୪ ଦିନ ମଧ୍ୟରେ ସେ ୫୦୦ ଅର୍ଡର ପାଇସାରିଛନ୍ତି।
