ଜେନେଭା,୨୫।୨ : ଦକ୍ଷିଣ ପୂର୍ବ କାମ୍ବୋଡିଆର ପ୍ରି ଭେଙ୍ଗ ପ୍ରଦେଶରେ ବାର୍ଡ ଫ୍ଲୁ ସଂକ୍ରମଣରେ ୧୧ ବର୍ଷ ବୟସ୍କା ନାବାଳିକଙ୍କର ମୃତ୍ୟୁ ଘଟିଛି। ଏବେ ତାଙ୍କ ପିତାଙ୍କଠାରେ ମଧ୍ୟ ଏଚ-୫ଏନ-୧ ମାନବ ପକ୍ଷୀ ସ୍ବାଇନ ଫ୍ଲୁ ଭୁତାଣୁ ଚିହ୍ନଟ ହୋଇଛି। ତାଙ୍କ ନମୁନା ପରୀକ୍ଷା ରିପୋର୍ଟ ପଜିଟିଭ ଆସିଛି। ଏହା ପରେ ବିଶ୍ୱ ସ୍ବାସ୍ଥ୍ୟ ସଂଗଠନ ପକ୍ଷରଏଚ-୫ଏନ-୧ ମାନବ ପକ୍ଷୀ ସ୍ବାଇନ ଫ୍ଲୁକୁ ନେଇ ଉଦବେଗ ପ୍ରକାଶ କରାଯାଇଛି।
କାମ୍ବୋଡିଆର ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁଯାୟୀ, ଦକ୍ଷିଣ-ପୂର୍ବ କାମ୍ବୋଡିଆର ପ୍ରି ଭେଙ୍ଗ ପ୍ରଦେଶରେ ସମ୍ପୃକ୍ତ ନାବାଳିକାଙ୍କଠାରେ ଫେବୃଆରୀ ୧୬ ରେ ଜ୍ୱର, କାଶ ଏବଂ ଗଳାରେ ଲକ୍ଷଣ ପ୍ରକାଶ ପାଇଥିଲା। ଏହା ପରେ ଏୁ-୫ ଏନ-୧ ବାର୍ଡ ଫ୍ଲୁରେ ବୁଧବାର ତାଙ୍କର ମୃତ୍ୟୁ ଘଟିଥିଲା॥ ଏହା ପରେ ଅଧିକାରୀମାନେ ତାଙ୍କ ସହିତ ମିଳାମିଶା କରିଥିବା ୧୨ ଜଣଙ୍କର ନମୁନା ସଂଗ୍ରହ କରିଥିଲେ। ଏହି ନମୁନାଗୁଡିକର ପରୀକ୍ଷଣରେ, ତାଙ୍କ ୪୯ ବର୍ଷ ବୟସ୍କ ପିତାଙ୍କ ରିପୋର୍ଟ ପଜିଟିଭ୍ ଆସିଛି। ଅଧିକାରୀମାନେ ଏ ବିଷୟରେ ସୂଚନା ଦେଇଛନ୍ତି।
ବିଶ୍ୱ ସ୍ବାସ୍ଥ୍ୟ ସଂଗଠନ ଏହାକୁ ନେଇ ଉଦବେଗ ପ୍ରକାଶ କରିଛି। ପରିସ୍ଥିତି ସମ୍ପର୍କରେ କାମ୍ବୋଡିଆ କର୍ତ୍ତୃପକ୍ଷଙ୍କ ସହ ସମ୍ପର୍କ ଥିବା ସଂଗଠନ କହିଛି ଯେ ମଣିଷ କ୍ୱଚିତ ବାର୍ଡ ଫ୍ଲୁରେ ଆକ୍ରାନ୍ତ ହୁଏ। ଅବଶ୍ୟ, ଯଦି ଏହା ଘଟେ, ସାଧାରଣତଃ ସଂକ୍ରମିତ ପକ୍ଷୀମାନଙ୍କ ସହିତ ସିଧାସଳଖ ଯୋଗାଯୋଗ ହେତୁ ହୋଇଥାଏ। ବର୍ତ୍ତମାନ କାମ୍ବୋଡିଆର ଅନୁସନ୍ଧାନକାରୀମାନେ ସଂକ୍ରମିତ ସମ୍ପୃକ୍ତ ଲୋକେ ପକ୍ଷୀମାନଙ୍କ ସଂସ୍ପର୍ଶରେ ଆସିଛନ୍ତି କି ନାହିଁ ତାହା ଜାଣିବାକୁ ଚେଷ୍ଟା କରାଯାଉଛି। ଅନୁସନ୍ଧାନ ପରେ ଖୁବ ଶୀଘ୍ର ଏହା ଜଣା ପଡିବ ଯେ ଏହା ମାନବ-ମାନବ ସଂକ୍ରମଣ ଅଟେ କି ନାହିଁ।
