କାବୁଲ,୧୬।୧ : ଆଫଗାନିସ୍ତାନରେ ତାଲିବାନ ଶାସନରେ ମହିଳାଙ୍କ ଉପରେ ନିର୍ଯାତନା ବଢ଼ିବାରେ ଲାଗିଛି। ରାଜଧାନୀ କାବୁଲରେ ଜଣେ ପୂର୍ବତନ ସାଂସଦ ଏବଂ ତାଙ୍କ ଅଙ୍ଗରକ୍ଷୀଙ୍କୁ ଗୁଳି କରି ହତ୍ୟା କରାଯାଇଛି। ଅଗଷ୍ଟ ୨୦୨୧ ରେ ତାଲିବାନ କ୍ଷମତା ଦଖଲ କରିବା ପରେ କାବୁଲରେ ରହିଥିବା କିଛି ମହିଳା ସଂସଦୀୟ ସଦସ୍ୟଙ୍କ ମଧ୍ୟରୁ ୩୨ ବର୍ଷିୟ ମୁର୍ସାଲ ନବିଜାଦା ଅନ୍ୟତମ ଥିଲେ।
ରବିବାର ହୋଇଥିବା ଆକ୍ରମଣରେ ତାଙ୍କ ଭାଇ ଏବଂ ଅନ୍ୟ ଜଣେ ସୁରକ୍ଷାକର୍ମୀ ଆହତ ହୋଇଛନ୍ତି। ପୂର୍ବତନ ସହଯୋଗୀମାନେ ନବିଜାଦାଙ୍କୁ ଆଫଗାନିସ୍ତାନର ଜଣେ ସାହସୀ ଝିଅ ବୋଲି କହି ଦୁଃଖ ପ୍ରକାଶ କରିଥିଲେ। ପୂର୍ବତନ ସହଯୋଗୀମାନେ କହିଛନ୍ତି ଯେ ତାଲିବାନର ଶାସନରେ ଭୟରେ ଦେଶ ଛାଡିବାକୁ ମନା କରିଥିବା ମହିଳାମାନଙ୍କ ମଧ୍ୟରୁ ନବିଜାଦା ଅନ୍ୟତମ।
୨୦୨୧ ମସିହାରେ ତାଲିବାନ କ୍ଷମତାକୁ ଫେରିବା ପରେ ମହିଳାମାନଙ୍କୁ ସାଧାରଣ ଜୀବନର ପ୍ରାୟ ସମସ୍ତ କ୍ଷେତ୍ରରୁ ବାଦ ଦିଆଯାଇଛି। କାବୁଲ ପୋଲିସର ମୁଖପାତ୍ର ଖାଲିଦ ଜାଦରାନ କହିଛନ୍ତି ଯେ ସୁରକ୍ଷା ବାହିନୀ ଏହି ଘଟଣାର ଗୁରୁତର ତଦନ୍ତ ଆରମ୍ଭ କରିଛନ୍ତି। ପୂର୍ବତନ ଆଇନଜୀବୀ ମାରିଆମ ସୋଲେମାନଖିଲ କହିଛନ୍ତି ଯେ ନାବିଜାଦା ଜଣେ ପ୍ରକୃତ ପଥ ପ୍ରଦର୍ଶକ ଥିଲେ। ସେ ବିପଦ ସତ୍ତ୍ୱେ ଯାହା ବିଶ୍ୱାସ କରୁଥିଲେ ତାହା ପାଇଁ ଛିଡା ହେଉଥିଲେ।
