କୋଲକାତା,୬ ।୧: ପଶ୍ଚିମବଙ୍ଗ ସରକାର ପଞ୍ଚାୟତ ନିର୍ବାଚନ ପୂର୍ବରୁ ଏକ ବଡ ନିଷ୍ପତ୍ତି ନେଇଛନ୍ତି । ସରକାର ଜାନୁୟାରୀରୁ ଏପ୍ରିଲ ପର୍ଯ୍ୟନ୍ତ ମଧ୍ୟାହ୍ନ ଭୋଜନରେ ଚିକେନ ଓ ମୌସୁମୀ ଫଳ ଦେବାକୁ ସ୍ଥିର କରିଛନ୍ତି । ଏଥିପାଇଁ ୩୭୧ କୋଟି ଟଙ୍କା ମଞ୍ଜୁର କରାଯାଉଛି । ଅଧିସୂଚନା ଅନୁଯାୟୀ, ପ୍ରଧାନମନ୍ତ୍ରୀ ପୋଷଣ ଯୋଜନା ଅନୁଯାୟୀ, ଏବେ ମଧ୍ୟାହ୍ନ ଭୋଜନରେ ଚାଉଳ, ଆଳୁ, ସୋୟାବିନ ଓ ଅଣ୍ଡା ଦିଆଯାଉଛି । ଏବେ ଏହା ସହ ୪ ମାସ ପର୍ଯ୍ୟନ୍ତି ପ୍ରତି ସପ୍ତାହରେ ଚିକେନ ଓ ମୌସୁମ ଫଳ ଦିଆଯିବ ।
ଉଚ୍ଚ ଶିକ୍ଷା ବିଭାଗର ଜଣେ ଅଧିକାରୀ କହିଛନ୍ତି ଏପ୍ରିଲ ପରେ ଏହା ଚାଲୁ ରହିବ ନା ନାହିଁ ଏ ନିଷ୍ପତ୍ତି ପରେ ନିଆଯିବ । ଜାନୁୟାରୀ ୩ରେ ଜାରି ହୋଇଥିବା ଅଧିସୂଚନା ଅନୁଯାୟୀ, ପ୍ରତ୍ୟେକ ଛାତ୍ରଙ୍କୁ ଅତିରିକ୍ତ ପୋଷଣ ପ୍ରଦାନ କରିବାକୁ ପ୍ରତି ସପ୍ତାହରେ ଅଧିକ ୨୦ଟଙ୍କା ଖର୍ଚ୍ଚ କରାଯିବ । ଏହି ପ୍ରକ୍ରିୟା ୧୬ ସପ୍ତାହ ପର୍ଯ୍ୟନ୍ତ ଚାଲିବ ।
ପଶ୍ଚିମବଙ୍ଗ ସରକାରଙ୍କ ଏହି ନିଷ୍ପତ୍ତିକୁ ନେଇ ଏବେ ଭାରତୀୟ ଜନତା ପାର୍ଟି(ଭାଜପା) ପ୍ରଶ୍ନ ଉଠାଇଛି । ଭାଜପା ପ୍ରଶ୍ନ କରିଛି ଯେ ଚଳିତ ବର୍ଷ ହେବାକୁ ଯାଉଥିବା ପଞ୍ଚାୟତ ନିର୍ବାଚନ ପୂର୍ବରୁ କାହିଁକି ସରକାର ଏଭଳି ନିଷ୍ପତ୍ତି ନେଇଛନ୍ତି । ଆସନ୍ତା ବର୍ଷ ବି ଦେଶରେ ଲୋକ ସଭା ନିର୍ବାଚନ ହେବାକୁ ଯାଉଛି । ତୃଣମୂଳ କଂଗ୍ରେସ କହିଛି ବିରୋଧି ପ୍ରତିକଥାରେ ରାଜନୀତି କରୁଛି ।
