ଚଣ୍ଡିଗଡ଼,୨୬ ।୧୨; ହରିୟାଣାର ମନୋହର ଲାଲ ସରକାର ଭିନ୍ନ ଏକ ନିଷ୍ପତ୍ତି ନେଇଛନ୍ତି । ରାଜ୍ୟରେ ଶିକ୍ଷାର ସ୍ତରକୁ ସୁଧାରିବା ପାଇଁ ସରକାର ମନ୍ଦିର, ମସଜିଦ ଓ ଗୁରୁଦ୍ୱାରକୁ ଅପିଲ କରିଛନ୍ତି କି ସକାଳୁ ସକାଳୁ ଛାତ୍ରୀଛାତ୍ରଙ୍କୁ ଉଠାଇବା ପାଇଁ ଆଲର୍ମ ବ୍ୟବସ୍ଥାକୁ ଆପଣାନ୍ତୁ । ଧର୍ମସ୍ଥଳରେ ଲାଗିଥିବା ଲାଉଡସ୍ପିକର ଜରିଆରେ ସକାଳର ସମୟ ଛାତ୍ରୀଛାତ୍ରଙ୍କୁ ଜଣାଇବା ପାଇଁ ଶବ୍ଦ ଦିଆଯିବ । ଏହାଦ୍ୱାରା ସରକାର ଶୀଘ୍ର ପରୀକ୍ଷାର୍ଥିଙ୍କୁ ଉଠାଇ ପାଠ ପଢିବାକୁ ପ୍ରୋତ୍ସାହିତ କରିବେ ।
ସୂଚନାଯୋଗ୍ୟ, ପ୍ରାୟ ମାର୍ଚ୍ଚ ମାସରେ ବୋର୍ଡ ପରୀକ୍ଷା ହେଉଥିବାରୁ ଏଥିପାଇଁ ଛାତ୍ରୀଛାତ୍ରମାନେ ପ୍ରସ୍ତୁତ ହେବାକୁ ପଡିଥାଏ । ରାଜ୍ୟର ଶିକ୍ଷା ବିଭାଗ ମନ୍ଦିର, ମସଜିଦ ଓ ଗୁରୁଦ୍ୱାରକୁ ୧୦ମ ଓ ଦ୍ୱାଦଶ ଶ୍ରେଣୀର ପରୀକ୍ଷାର୍ଥିଙ୍କୁ ସକାଳୁ ଶୀଘ୍ର ଉଠାଇବାକୁ କୁହାଯାଇଛି । ଫଳରେ ଏମାନେ ଆସନ୍ତା ବର୍ଷ ମାର୍ଚ୍ଚରେ ହେବାକୁ ଥିବା ବୋର୍ଡ ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିପାରିବେ । କେବଳ ସେତିକି ନୁହେଁ ସ୍କୁଲର ଅଧିକାରୀମାନଙ୍କୁ ମଧ୍ୟ କୁହାଯାଇଛି କି ମାତାପିତା ସେମାନଙ୍କ ପିଲାମାନଙ୍କୁ ଭୋର ୪ଟା ୩୦ରୁ ନିଦରୁ ଉଠାଇ ଦିଅନ୍ତୁ । ଫଳରେ ସେମାନେ ପାଠପଢା ପାଇଁ ସକାଳ ସମୟକୁ ଉପଯୋଗ କରିପାରିବେ ।
