ଛାତ ଉପରେ ବଗିଚା ଦେଖିଥିବେ; ଯେଉଁଠି ୧୦୦ କିମ୍ବା ୨୦୦ ଯାଏ ଗଛ ଲଗାଯାଇଥିବ। ହେଲେ ଛାତ ଉପରେ ୪୦୦୦ କୁଣ୍ଡରେ ଗଛ ଲଗାଯାଇଥିବା ଦୃଶ୍ୟ ଯଦି ଦେଖିବାକୁ ଚାହାନ୍ତି, ତେବେ ହରିୟାଣାର କର୍ନଲ ଯିବାକୁ ହେବ। କର୍ନଲ ନିବାସୀ ରାମବିଳାସ ସିଂ ତାଙ୍କ ଛାତ ଉପରେ ୪୦୦୦ କୁଣ୍ଡରେ ଫୁଲ, ବିଦେଶୀ ଫଳ ଓ ପରିବା ଗଛ ଲଗାଇଛନ୍ତି; ଯାହାକୁ ଦେଖିବାକୁ ଦେଶର ବିଭିନ୍ନ ରାଜ୍ୟ, ଇଂଲଣ୍ଡ ଓ ଫ୍ରାନ୍ସରୁ ଲୋକମାନେ ଆସୁଛନ୍ତିି। ବଡ଼ କଥା ହେଉଛି ବଗିଚାକୁ ସେ ସମ୍ପୂର୍ଣ୍ଣ ରାସାୟନିକ ମୁକ୍ତ ରଖିଛନ୍ତି। ତାଙ୍କ ୟୁଟ୍ୟୁବ୍ ଚ୍ୟାନେଲ ସହ ଦେଶର ପ୍ରାୟ ୨୫ ଲକ୍ଷ ଲୋକ ଯୋଡ଼ି ହୋଇଛନ୍ତି। ଏହି ବଗିଚା କରିବାକୁ ରାମବିଳାସଙ୍କୁ ୨୫ ବର୍ଷ ଲାଗିଯାଇଛି। ପ୍ରଥମେ ସେ ୮ଟି କୁଣ୍ଡରେ ଗଛ ଲଗାଇଥିଲେ ଯାହା ଏବେ ୪ ହଜାରରେ ପହଞ୍ଚିଛି। ଗଛପ୍ରିୟ ରାମବିଳାସ ଶୁଖିଲାପତ୍ର, କିଚେନ ଓ୍ବେଷ୍ଟରୁ ଜୈବିକ ଖତ ପ୍ରସ୍ତୁତ କରି ଗଛରେ ଦେଉଛନ୍ତି। ସେ ଏଭଳି ବଡ଼ ବଗିଚା କରିବା ଲାଗି ତାଙ୍କ ୟୁଟ୍ୟୁବ୍ ଚ୍ୟାନେଲରେ ଶିକ୍ଷା ଦେଉଛନ୍ତି ଓ ତାଙ୍କ ସ୍ଲୋଗାନ ରଖିଛନ୍ତି ‘ଜୈବିକ ଚାଷ ଓ ଜୈବିକ ଖାଦ୍ୟ’।
