ବେଜିଂ,୩୦।୧୧ : ଚାଇନାର ପୂର୍ବତନ ରାଷ୍ଟ୍ରପତି ଜିଆଙ୍ଗ ଜେମିନଙ୍କ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୯୬ ବର୍ଷ ହୋଇଥିଲା। ଚାଇନାର ରାଜ୍ୟ ଗଣମାଧ୍ୟମ ଅନୁଯାୟୀ ସେ ଲ୍ୟୁକେମିଆ ରୋଗରେ ପୀଡିତ ଥିଲେ। ଏହି କାରଣରୁ ତାଙ୍କ ଶରୀରର ଅନେକ ଅଙ୍ଗ କାମ କରିବା ବନ୍ଦ କରିଦେଇଥିଲା।
ଜିଆଙ୍ଗ ଜେମିନ ୧୯୮୯ ତିଆନମେନ ସ୍କୋୟାର ହତ୍ୟାକାଣ୍ଡ ପରେ ଚାଇନା ନେତୃତ୍ୱ ନେବାକୁ ମନୋନୀତ ହୋଇଥିଲେ। ସେ ପ୍ରାୟ ଏକ ଦଶନ୍ଧି ଧରି ଶାସନ କରିଥିଲେ। ଜିଆଙ୍ଗଙ୍କ ଶାସନ କାଳରେ ତିଆନମାନ ସ୍କୋୟାର ବିରୋଧ ପରେ ଚାଇନାରେ କୌଣସି ବଡ଼ ପ୍ରଦର୍ଶନ ହୋଇ ନ ଥିଲା।
ଯେତେବେଳେ ସେ ୧୯୮୯ ରେ କାର୍ଯ୍ୟଭାର ଗ୍ରହଣ କଲେ, ଚାଇନେ ଅର୍ଥନୈତିକ ଆଧୁନିକୀକରଣର ପ୍ରାରମ୍ଭିକ ପର୍ଯ୍ୟାୟରେ ଥିଲା। କିନ୍ତୁ ଜିଆଙ୍ଗ ୨୦୦୩ ରେ ରାଷ୍ଟ୍ରପତି ପଦରୁ ଅବସର ନେବା ବେଳକୁ ଚାଇନା ବିଶ୍ୱ ବାଣିଜ୍ୟ ସଂଗଠନର ସଦସ୍ୟ ହୋଇପାରିଥିଲା। ବ୍ରିଟେନ ହଂକଂକୁ ହସ୍ତାନ୍ତର କରିଥିଲା, ବେଜିଂ ୨୦୦୮ ଅଲିମ୍ପିକ୍ସ ସୁରକ୍ଷିତ କରିଥିଲା ଏବଂ ଦେଶ ସୁପର ପାୱାର ମାନ୍ୟତା ପାଇବାକୁ ଯାଉଥିଲା।
୧୯୯୬ ମସିହାରେ ରାଷ୍ଟ୍ରପତି ଜିଆଙ୍ଗ ଜେମିନ କଶ୍ମୀର ପ୍ରସଙ୍ଗକୁ ନେଇ ପାକିସ୍ତାନୀ ସଂସଦକୁ ଦେଇଥିବା ସମ୍ବୋଧନରେ କହିଥିଲେ ଯେ ଯଦି କିଛି ସମସ୍ୟାର ସମାଧାନ ହୋଇପାରିବ ନାହିଁ, ତେବେ ସେମାନଙ୍କୁ କୋଲ୍ଡବ୍ୟାଗରେ ରଖାଯିବା ଉଚିତ। ଏହା ଦୁଇ ଦେଶ ମଧ୍ୟରେ ସାଧାରଣ ସମ୍ପର୍କର ପଥରେ ଆଗକୁ ବଢ଼ାଇ ପାରିବ। ତେବେ ଏହାକୁ ପାକିସ୍ତାନ ବିରୋଧ କରିଥିଲା।
