ମସ୍କୋ: ରୁଷିଆର ଏକମାତ୍ର ମହିଳା ମହାକାଶଚାରୀ ଆନ୍ନା କିକିନା ଆମେରିକା ସ୍ପେସ୍ ଷ୍ଟେଶନ୍ ଯିବା ନେଇ ନିଷ୍ପତ୍ତି ନିଆଯାଇଛି। କିନ୍ତୁ ଏହି କାର୍ଯ୍ୟକ୍ରମକୁ ଅନିର୍ଦ୍ଦିଷ୍ଟ ସମୟ ପାଇଁ ସ୍ଥଗିତ କରିଦିଆଯାଇଛି। ଅକ୍ଟୋବର ୩ରେ ସ୍ପେସ୍ ଏକ୍ସର କ୍ରିଉ ଡ୍ରାଗନ୍ ଫ୍ଲାଇଟ୍ ଜରିଆରେ ସ୍ସେସ୍ ଷ୍ଟେଶନ ଯିବାର ସମୟ ଧାର୍ଯ୍ୟ କରାଯାଇଥିଲା। ୟୁକ୍ରେନ୍ ଓ ରୁଷିଆ ଯୁଦ୍ଧକୁ କେନ୍ଦ୍ର କରି ଧାର୍ଯ୍ୟ କାର୍ଯ୍ୟକ୍ରମକୁ ବନ୍ଦ କରାଯାଇଥିବା କୁହାଯାଉଛି। ରୁଷିଆ ତଥା ସୋଭିଏଟ ସଂଘ ତରଫରୁ ସ୍ପେସ୍ ମିଶନରେ ଆନ୍ନା ହେଉଛନ୍ତି ୫ମ ମହିଳା ମହାକାଶଚାରୀ ଏବଂ ପ୍ରଥମ ରୁଷୀୟ ଯେ, ଡ୍ରାଗନ୍ ସ୍ପେସ୍କ୍ରାଫ୍ଟରେ ଯାତ୍ରା କରିବାକୁ ଯାଉଛନ୍ତି॥ ସ୍ପେସ୍ ଷ୍ଟେଶନ୍ ଯାତ୍ରା ନେଇ ହେବାକୁ ଥିବା ଫାଇନାଲ ଟ୍ରେନିଂ ପାଇଁ ଆନ୍ନା ସେପ୍ଟେମ୍ବର ୮ରେ ଆମେରିକା ଯିବେ ବୋଲି କହିଛନ୍ତି। ପ୍ରଥମ ରୁଷୀୟ ଭାବେ ସ୍ପେସ୍ ଏକ୍ସ ମିଶନରେ ଭାଗ ନେବା ଏକ ବଡ଼ ଦାୟିତ୍ୱ। ଆମେରିକୀୟ ମହାକାଶଚାରୀଙ୍କ ବ୍ୟବହାର ତାଙ୍କ ପ୍ରତି ସ୍ବାଭାବିକ ଥିବାବେଳେ ପ୍ରତ୍ୟେକ କ୍ଷେତ୍ରରେ ସେମାନେ ସହଯୋଗ କରୁଥିବା ଆନ୍ନା ପ୍ରକାଶ କରିଛନ୍ତି। ତାଙ୍କ ସହ ଜାପାନର କୋଇଚି ଓ୍ବାକାଟା ଏବଂ ନାସାର ମହାକାଶଚାରୀ ନିକୋଲେ ମାନ୍ନ ଏବଂ ଜୋଶ୍ କାସାଡା ସ୍ପେସ୍ ଏକ୍ସ୍ର କ୍ରିଉ-୫ ମିଶନରେ ସାମିଲ ହୋଇଛନ୍ତି। ଶେଷଥର ପାଇଁ ରୁଷିଆର ମହିଳା ମହାକାଶଚାରୀ ସେରୋଭା ମହାକାଶ ଯାତ୍ର କରିଥିବାବେଳେ ୧୬୭ ଦିନ ସେଠାରେ ସେ ଅତିବାହିତ କରିଥିଲେ।
