ଭୁବନେଶ୍ୱର,୨୭ା୮: ସି.କେ. ବିର୍ଲା ଗ୍ରୁପ୍ର ନିର୍ମାଣ ସାମଗ୍ରୀ ସମାଧାନ ସଂସ୍ଥା ‘ଏଚ୍ଆଇଏଲ୍’ ଲିମିଟେଡ୍ ନିକଟରେ କଟକର ଫାଷ୍ଟ ବିଲ୍ଡ ବ୍ଲକ୍ ପିଭିଟି ଲିମିଟେଡ୍କୁ ଅଧିଗ୍ରହଣ କରିଥିବା ସମ୍ପର୍କରେ ଘୋଷଣା କରିଛି। ବିଶେଷକରି କମ୍ପାନୀର ସମ୍ପ୍ରସାରଣ ରଣନୀତିର ଏକ ଅଂଶ ଭାବେ ଏହି ଅଧିଗ୍ରହଣ ହୋଇଥିବା ଜଣାପଡିଛି। ସେହିପରି ଉଭୟ ସଂସ୍ଥାର ଚୁକ୍ତିନାମା ଅନୁଯାୟୀ କମ୍ପାନୀ କଟକରେ ଥିବା ଫାଷ୍ଟ ବିଲ୍ଡ ବ୍ଲକ୍ ପିଭିଟି ଲିମିଟେଡ୍ର ଏଏସି ବ୍ଲକ୍କୁ ପ୍ରାୟ ୩୭କୋଟି ଟଙ୍କାରେ ଅଧିଗ୍ରହଣ କରିଛି। ଏହା ଜରିଆରେ କମ୍ପାନୀ ପୂର୍ବାଞ୍ଚଳର ଏଏସି ବ୍ଲକଗୁଡିକର ଆବଶ୍ୟକତା ପୂରଣ କରିବାକୁ ଲକ୍ଷ୍ୟ ରଖିଛି। ଫଳରେ ଏହି ଅଧିଗ୍ରହଣ ଗ୍ରାହକଙ୍କୁ ସର୍ବୋତ୍ତମ ଶ୍ରେଣୀର ଉତ୍ପାଦ ଯୋଗାଇବା ସହ ଆବଶ୍ୟକ ସେବା ପ୍ରଦାନ କରିବାରେ ଏଚ୍ଆଇଏଲ୍ର ପ୍ରତିବଦ୍ଧତା ସହ ସମାନ ହୋଇଛି। ଏପରିକି ଭାରତରେ ଏହାର ନେତୃତ୍ୱ ଆଭିମୁଖ୍ୟ ଗଠନ ଏବଂ ବଜାୟ ରଖିବାକୁ ମଧ୍ୟ କମ୍ପାନୀ ଚେଷ୍ଟା କରୁଛି। ଏ ସମ୍ପର୍କରେ ଏଚ୍ଆଇଏଲ୍ ଲିମିଟେଡ୍ (ସି.କେ. ବିର୍ଲା ଗ୍ରୁପ୍)ର ଏମ୍ଡି ଏବଂ ସିଇଓ ଧୀରୂପ ରୟ ଚୌଧୁରୀ କହିଛନ୍ତି, ବର୍ଷ ବର୍ଷ ଧରି ଏଚ୍ଆଇଏଲ୍ର ଅଭିବୃଦ୍ଧି ଦେଖି ଆମେ ଗର୍ବିତ। ଆମେ ନିଶ୍ଚିତ ଯେ ନିକଟରେ ହୋଇଥିବା ଅଧିଗ୍ରହଣ ସହ ଆମେ ଆମର ସାମର୍ଥ୍ୟକୁ ମଧ୍ୟ ଆହୁରି ଦୃଢ଼ୀଭୂତ କରିପାରିବୁ। ସେହିଭଳି ପୂର୍ବାଞ୍ଚଳର ଅସୁବିଧାକୁ ଦୂର କରିବା ପାଇଁ ଆମେ ନିରନ୍ତର ଭିତ୍ତିଭୂମି ବିକାଶ ଉପରେ କାର୍ଯ୍ୟ କରୁଛୁ। କମ୍ପାନୀର ସମ୍ପ୍ରସାରଣ ଯୋଜନା ଆମର ସାମଗ୍ରିକ ଅଭିବୃଦ୍ଧି ରଣନୀତିକୁ ସମର୍ଥନ କରୁଥିବାବେଳେ ଆମର ଶ୍ରେଷ୍ଠ ଶ୍ରେଣୀର ଉତ୍ପାଦ ପୋର୍ଟଫୋଲିଓ ଏବଂ ସେବା କ୍ଷମତାକୁ ବିସ୍ତାର କରିବାରେ ମଧ୍ୟ ସକ୍ଷମ ହେଉଛୁ।
