ନୂଆଦିଲ୍ଲୀ,୧୦।୩: ପଞ୍ଜାବ ବିଧାନସଭା ନିର୍ବାଚନରେ କଂଗ୍ରେସକୁ ଶକ୍ତ ଧକ୍କା ଲାଗିଛି। ୨୦୧୭ରେ ୭୭ ଆସନ ଜିତିଥିବା କଂଗ୍ରେସ ଏବେ ମାତ୍ର ୧୭ ଆସନରେ ଆଗୁଆ ରହିଛି। ଅନେକ ବଡ଼ ଚେହରାଙ୍କ ଭଳି ମୁଖ୍ୟମନ୍ତ୍ରୀ ଚରନଜିତ ସିଂ ଚନ୍ନିଙ୍କୁ ଉଭୟ ଆସନରେ ମଧ୍ୟ ପରାଜୟର ସମ୍ମୁଖୀନ ହେବାକୁ ପଡ଼ିଛି। ସେ ଚାମକୌର ସାହିବ ଏବଂ ଭାଦୌର ଆସନରୁ ନିର୍ବାଚନ ଲଢ଼ିଥିଲେ। ଉଭୟ ଆସନରେ ତାଙ୍କୁ ଏଏପି ପ୍ରାର୍ଥୀଙ୍କ ଠାରୁ ପରାଜିତ ହେବାକୁ ପଡ଼ିଛି। ଚାମକୌର ସାହିବ ଆସନରୁ ଏଏପ୍ ପ୍ରାର୍ଥୀ ଚରନଜିତ ସିଂ ଏବଂ ଲଭ ସିଂ ଉଗୋକେ ଭାଦୌର ଆସନରୁ ଜିତିଛନ୍ତି।
ଚାମକୌର ସାହିବ ଆସନରେ ଚନ୍ନିଙ୍କୁ ୫୦ ହଜାର ଭୋଟ ମିଳିଥିବା ବେଳେ ତାଙ୍କୁ ୪ ହଜାର ଭୋଟରେ ହରାଇଛନ୍ତି ଏଏପିର ଚରନଜିତ ସିଂ। ସେହିଭଳି ଭାଦୌର ଆସନରେ ଚନ୍ନିଙ୍କୁ ୨୩ ହଜାର ଭୋଟ ମିଳିଥିଲା। ତାଙ୍କୁ ୩୪ ହଜାର ଭୋଟରେ ଲଭ ସିଂ ଉଗୋକେ ହରାଇ ଦେଇଛନ୍ତି।
