ନୂଆଦିଲ୍ଲୀ,୨୬।୧: ଦିନିକିଆ କ୍ରିକେଟରେ ଭାରତର ସ୍ପିନରମାନେ ଭଲ ପ୍ରଦର୍ଶନ କରିପାରୁନାହାନ୍ତି। ଏହାକୁ ନେଇ ପ୍ରତିକ୍ରିୟା ରଖିଛନ୍ତି ପୂର୍ବ କ୍ରିକେଟର ହରଭଜନ ସିଂହ। ଏହି ଫର୍ମାଟରେ ଆର୍ ଅଶ୍ୱିନଙ୍କୁ ନ ଖେଳାଇବାର ସମୟ ଆସିଛି। ଏପରିକି ଦଳରେ ୟୁଜବେନ୍ଦଅ ଚହଲ ଏବଂ କୁଲଦୀପ ଯାଦବଙ୍କୁ ଫେରାଇ ଅଣାଯାଉ ବୋଲି ସେ କହିଛନ୍ତି।
ହରଭଜନଙ୍କ ମତରେ ଇଶାନ୍ତ ଶର୍ମା ଏବଂ ଅଶ୍ୱିନ ଦଳ ପାଇଁ ଭଲ ପ୍ରଦର୍ଶନ କରିଛନ୍ତି। ଅଶ୍ୱିନ ଜଣେ ଚାମ୍ପିୟନ ବୋଲର। ହେଲେ ଦିନିକିଆ କ୍ରିକେଟରେ ଭାରତକୁ ବିକଳ୍ପ ଖୋଜିବାର ସମୟ ଆସିଛି। କୂଳଦୀପ ଭଲ ବିକଳ୍ପ ହୋଇପାରନ୍ତି। ତାଙ୍କ ସହ ୟୁଜବେନ୍ଦ୍ରଙ୍କ ଯୋଡ଼ି ମ୍ୟାଚ୍ ଜିତିବାରେ କି ପ୍ରଭାବ ପକାଉଛି ତାହା ଦେଖିବା ଉଚିତ ବୋଲି ହରଭଜନ କହିଛନ୍ତି।
