ମାଲକାନଗିରି,୨୪।୧ (ଡି.ଏନ.ଏ.) ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଲାଗି ପ୍ରାର୍ଥିପତ୍ର ଯାଞ୍ଚ ପରେ ରବିବାର ଚୂଡ଼ାନ୍ତ ପ୍ରାର୍ଥୀ ତାଲିକା ପ୍ରକାଶ ପାଇଛି। ଜିଲାରେ ସରପଞ୍ଚ, ସମିତିସଭ୍ୟ, ଓ୍ବାର୍ଡମେମ୍ବର ଓ ଜିଲା ପରିଷଦ ପାଇଁ ମୋଟ ୨୭୧୮ ଜଣ ପ୍ରାର୍ଥୀ ପ୍ରାର୍ଥତ୍ପତ୍ର ଦାଖଲ କରିଥିବା ବେଳେ ୧୧୪ ଜଣଙ୍କ ନାକଚ ହୋଇଛି। ୨୬୦୪ ଜଣଙ୍କ ପ୍ରାର୍ଥିପତ୍ର କାଏମ ଥିବା ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଜ୍ୟୋଚ୍ଛ୍ନାମୟୀ ଆଚାର୍ଯ୍ୟ କହିଛନ୍ତି। ମାଲକାନଗିରି ଜିଲାର ୭ଟି ବ୍ଲକ ପାଇଁ ୧୫ଟି ଜିଲା ପରିଷଦ,୧୧୧ ସରପଞ୍ଚ, ୧୧୧ ସମିତିସଭ୍ୟ ଓ ୧୫୦୯ଟି ଓ୍ବାର୍ଡମେମ୍ବର ପଦବୀ ଚୂଡାନ୍ତ ତାଲିକାରେ ରହିଛି। ଜିଲାର ମୋଟ ୧୫୦୯ଟି ଓ୍ବାର୍ଡ ନିମନ୍ତେ ୧୭୬୮ ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରିଥିବା ବେଳେ ସେଥିରୁ ୭୨ ଜଣଙ୍କ ପ୍ରାର୍ଥତ୍ପତ୍ର ନାକଚ ହୋଇଛି। ୧୬୯୬ ଜଣଙ୍କ ନାମାଙ୍କନପତ୍ର କାଏମ ରହିଛି। ସେହିପରି ୧୧୧ଟି ପଞ୍ଚାୟତ ନିମନ୍ତେ ୪୯୪ ପ୍ରାର୍ଥୀ ପ୍ରାର୍ଥିପତ୍ର ଦାଖଲ କରିଥିବା ବେଳେ ୨୭ଜଣଙ୍କ ପ୍ରାର୍ଥତ୍ପତ୍ର ନାକଚ ହୋଇଛି। ୪୬୭ ଜଣଙ୍କ ନାମାଙ୍କନପତ୍ର କାଏମ ରହିଛି। ସମିତିସଭ୍ୟ ପାଇଁ ୩୮୪ ପ୍ରାର୍ଥିପତ୍ର ଦାଖଲ ହୋଇଥିବା ବେଳେ ୧୩ ଜଣଙ୍କ ନାମାଙ୍କନପତ୍ର ନାକଚ ହୋଇଛି। ୩୭୧ ଜଣଙ୍କ ପ୍ରାର୍ଥତ୍ପତ୍ର କାଏମ୍ ରହିଛି। ସେହିପରି ୧୫ଟି ଜିଲା ପରିଷଦ ଜୋନ୍ ପାଇଁ ୭୨ ପ୍ରାର୍ଥୀ ପ୍ରାର୍ଥତ୍ପତ୍ର ଦାଖଲ କରିଥିବା ବେଳେ ସେଥିରୁ ୨ ଜଣଙ୍କର ନାକଚ ହୋଇଛି। ୭୦ ଜଣଙ୍କ ପ୍ରାର୍ଥିପତ୍ର କାଏମ ରହିଛି।
