ଲଣ୍ଡନ,୧୧।୭: ୟୁଏଫ୍ଓ ଏବଂ ଏଲିଅନ୍ଙ୍କ ଉପସ୍ଥିତି ନେଇ ବହୁ ଲୋକଙ୍କ ମଧ୍ୟରେ ବିଶ୍ୱାସ ନାହିଁ। ତେବେ କେତେକ ଲୋକ ଏଲିଅନ୍ ଏବଂ ୟୁଏଫ୍ଓକୁ ଭେଟିଥିବା ସମ୍ପର୍କରେ କହିଥାନ୍ତି। ଏବେ ବିଟ୍ରେନ୍ରେ ଏଲିଅନ୍ଙ୍କ ସହିତ ଶାରୀରିକ ସମ୍ପର୍କ ରଖିଥିବା ନେଇ ନାନା ଚର୍ଚ୍ଚା ହେଉଛି। ଦେଶର ୩୦୦ରୁ ଅଧିକ ମହିଳା ଏବଂ ପୁରୁଷ ଏଲିଅନ୍ଙ୍କ ସହିତ ଶାରୀରିକ ସମ୍ପର୍କ ରଖିଥିବା କହିଛନ୍ତି। ସବୁଜ ରଙ୍ଗର ଉଚ୍ଚତାରେ କମ୍ ରହିଥିବା ଏଲିଅନ୍ ମହିଳା ଏବଂ ପୁରୁଷଙ୍କ ସହିତ ଶାରୀରିକ ସମ୍ପର୍କ ରଖିଥିବା ନେଇ ସେମାନେ ସୂଚନା ଦେଇଛନ୍ତି। ଏନେଇ ସର୍ଭେ କରୁଥିବା ଓ୍ବେବସାଇଟ୍ ବଜବିଙ୍ଗୋ ଡଟ୍ କମ୍ ପକ୍ଷରୁ କୁହାଯାଇଛି ଯେ, ଦେଶର ନୋଓର୍ବିଚ୍ ସହରର ଅଧିକ ସଂଖ୍ୟକ ମହିଳା ଏବଂ ପୁରୁଷ ଏଭଳି ଦାବି କରିଛନ୍ତି। ବ୍ରିଷ୍ଟଲ ସହରର ୨୩ ପ୍ରତିଶତ ଲୋକ ଏଭଳି କହିଥିବାବେଳେ ଲିଭରପୁଲ୍ର ୨୨ ପ୍ରତିଶତ ବାସିନ୍ଦା ଏଭଳି କହିଛନ୍ତି। କେତେକ ମହିଳା ଏବଂ ପୁରୁଷ ଏଲିଅନ୍ଙ୍କ ସହିତ ୨୦ରୁ ୩୦ ମିନିଟ୍ ଡେଟିଂରେ ଯାଇଥିବା ସମ୍ପର୍କରେ ମଧ୍ୟ କହିଛନ୍ତି। ତେବେ ଏହି ଖବର ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
