ଭାରତୀୟ ଦଳର ତାରକା ଓପନର୍ ରୋହିତ ଶର୍ମା କ୍ରିକେଟ ପଡ଼ିଆରେ ଅନେକ ରେକର୍ଡ ହାସଲ କରିଛନ୍ତି। ବିଶ୍ୱ କ୍ରିକେଟରେ ‘ହିଟମ୍ୟାନ’ ଭାବରେ ଜଣାଶୁଣା ରୋହିତ ନିଜ କ୍ୟାରିୟରରେ ଅନେକ ଖ୍ୟାତି ଅର୍ଜନ କରିଛନ୍ତି। ରୋହିତଙ୍କର ମୁମ୍ବାଇର ୱର୍ଲିରେ ବହୁତ ବିଳାସପୂର୍ଣ୍ଣ ଆପାର୍ଟମେଣ୍ଟ ଅଛି। ତାଙ୍କର ଏହି ଘର ୱର୍ଲିର ଅହୁଜା ଆପାର୍ଟମେଣ୍ଟର ୨୯ ତମ ମହଲାରେ ଅଛି। ଏହା ବ୍ୟତୀତ ତାଙ୍କର ଲୋନାଭଲାରେ ୬୩୨୯ବର୍ଗ ଫୁଟର ଏକ ଘର ଅଛି। ଏହି ଘରକୁ ରୋହିତ ସୁଷମା ଅଶୋକ ସରାଫ ନାମକ ଜଣେ ମହିଳାଙ୍କୁ ୫.୨୫ କୋଟି ଟଙ୍କାର ବିକ୍ରି କରିଥିବା ଜଣାପଡିଛି।
ବିଶ୍ୱ ଟେଷ୍ଟ ଚାମ୍ପିୟନଶିପ ହରାଇବାକୁ ଭୁଲିଯିବା ପାଇଁ ରୋହିତ ଶର୍ମା ତାଙ୍କ ପରିବାର ସହିତ ଇଂଲଣ୍ଡରେ ଛୁଟି କାଟୁଛନ୍ତି। ଅଜିଙ୍କେ ରାହାନେ ତାଙ୍କ ଇନଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି ଯେଉଁଥିରେ ରାହାଣେ ଏବଂ ରୋହିତ ଶର୍ମା ନିଜ ପରିବାର ସହିତ ସମୟ ଅତିବାହିତ କରୁଥିବା ଦେଖିବାକୁ ମିଳିଛି। ଭାରତ ଦଳକୁ ଅଗଷ୍ଟ ୪ରୁ ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବାକୁ ପଡିବ, ଏହା ପୂର୍ବରୁ ଦଳକୁ ବାୟୋ-ବବୁଲରୁ ୨୦ ଦିନର ବିରତି ମିଳିଛି। ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲରେ ରୋହିତ ଶର୍ମା ଟିମ ଇଣ୍ଡିଆ ପାଇଁ କିଛି ବିଶେଷ କରିପାରି ନ ଥିଲେ। ସେ ମ୍ୟାଚର ଉଭୟ ଇନିଂସରେ ଫ୍ଲପ ବୋଲି ପ୍ରମାଣ କରିଥିଲେ। ରୋହିତ ଶର୍ମା ପ୍ରଥମ ଇନିଂସରେ ୩୪ ରନ ସଂଗ୍ରହ କରିଥିବାବେଳେ ଦ୍ୱିତୀୟ ଇନିଂସରେ ସେ ୩୦ ରନ ପାଇଁ ପାଭିଲିୟନକୁ ଫେରିଥିଲେ। ବ୍ୟାଟ୍ସମ୍ୟାନଙ୍କ ନିରାଶାଜନକ ପ୍ରଦର୍ଶନ ପରେ ଭାରତ ଏହି ମ୍ୟାଚକୁ ୮ ଉଇକେଟ ହରାଇଥିଲା।
