ଚେନ୍ନାଇ,୨୪।୩ : ଆଇପିଏଲର ୧୩ତମ ସଂସ୍କରଣ ପାଇଁ ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ଅଧିନାୟକ ମହେନ୍ଦ୍ର ସିଂ ଧୋନୀ ବୁଧବାର ଫ୍ରାଞ୍ଚାଇଜର ନୂଆ ଜର୍ସି ଉନ୍ମୋଚନ କରିଛନ୍ତି। ସିଏସ୍କେ ପକ୍ଷରୁ ଟୁଇଟରରେ ଶେୟାର କରାଯାଇଥିବା ଭିଡିଓରେ ପୂର୍ବତନ ଭାରତୀୟ ଅଧିନାୟକ ଏକ ବକ୍ସରୁ ନୂଆ ଜର୍ସି ବାହାର କରୁଥିବା ଦେଖିବାକୁ ମିଳିଛି।
ନୂଆ ଜର୍ସି ପ୍ରାୟତଃ ପୁରୁଣା ଭଳି। ହେଲେ ଏହାର କାନ୍ଧରେ ରହିଛି ନୂଆ କାମୁଫ୍ଲେଜ ଡିଜାଇନ। ତେବେ ଏହି ଡିଜାଇନ ଜରିଆରେ ଭାରତୀୟ ସଶସ୍ତ୍ର ବାହିନୀକୁ ଶ୍ରଦ୍ଧାଞ୍ଜଳି ଦିଆଯାଇଛି। କାନ୍ଧ ନିକଟରେ ରହିଛି ରେଡ୍ ଓ ବ୍ଲୁ ଷ୍ଟ୍ରିପ୍ସ। ଫ୍ରାଞ୍ଚାଇଜର ଲୋଗୋ ଉପରେ ରଖାଯାଇଛି ୩ ଷ୍ଟାର। ଏହା ଦର୍ଶାଉଛି ଆଇପିଏଲ ଇତିହାସର ଅନ୍ୟତମ ଲୋକପ୍ରିୟ ଦଳର ସଫଳତା।
