ଉଦଳା,୫।୩: ମୟୂରଭଞ୍ଜ ଜିଲା ଉଦଳା ଥାନା ଅଧୀନ କୁଟଲିଂ ସଂରକ୍ଷିତ ଜଙ୍ଗଲରେ ନିଆଁ ଲାଗିଛି। ପ୍ରଥମେ ଉର୍ମଳ ନିକଟସ୍ଥ କାଜୁ ଜଙ୍ଗଲରେ ନିଆଁ ଲାଗିବା ପରେ ଏହା କୁଟଲିଂ ସଂରକ୍ଷିତ ଜଙ୍ଗଲକୁ ବ୍ୟାପି ଯାଇଥିଲା। ପବନରେ ନିଆଁ ଉଡ଼ି ଉର୍ମଳ, କୁଟଲିଂ, ଗୋଧିମରା, ବହୁବନ୍ଧ ଅଞ୍ଚଳକୁ ଲାଗି ଯାଇଥିଲା। କୁଟଲିଂ ଜଙ୍ଗଲରେ ଥିବା ଗଛ ପୋଡ଼ିଯିବା ସହିତ ଶହେ ଏକରରୁ ଊର୍ଦ୍ଧ୍ୱ ପାମ୍ ଅଏଲ ଚାଷ ନଷ୍ଟ ହୋଇଛି। ନିଆଁ ଲାଗି ଅସୁରଖାଲ ଗ୍ରାମର ସାକଲା ସୋରେନଙ୍କ ଘର ସମେତ ଧାନ, ଆସବାବପତ୍ର ଆଦି ପୋଡି ଯାଇଛି । ବହୁବନ୍ଧ ଅଞ୍ଚଳର କେତେଜଣ ଲୋକ ଭୟଭୀତ ହୋଇ ଘର ଛାଡ଼ି ଏକ ଫାଙ୍କା ସ୍ଥାନରେ ରହିଥିବା ଦେଖିବାକୁ ମିଳିଛି। ବନ ଏବଂ ଅଗ୍ନିଶମ ବିଭାଗ ଦୀର୍ଘ ୩ ଘଣ୍ଟା କାଳ ପରିଶ୍ରମ କରିବା ପରେ ନିଆଁ ଆୟତ ହୋଇଥିଲା। ତଥାପି ଜଙ୍ଗଲର ଆଭ୍ୟନ୍ତରୀଣ ଅଞ୍ଚଳରେ ନିଅଁା ଲାଗି ରହିଥିବା ଆଶଙ୍କା କରାଯାଉଛି।
