ନୂଆଦିଲ୍ଲୀ, ୧।୧୨ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ମନ କି ବାତ୍’ କାର୍ଯ୍ୟକ୍ରମ
ଏବେ ଚର୍ଚ୍ଚାରେ ରହିଛି। ଏହି ମାସିକିଆ କାର୍ଯ୍ୟକ୍ରମର ଏକ ଏପିସୋଡକୁ ମିଳିଛି ରେକର୍ଡ ଡିସ୍ ଲାଇକ୍ । ପ୍ରଧାନମନ୍ତ୍ରୀ ମୋଦିଙ୍କ ରେଡିଓ କାର୍ଯ୍ୟକ୍ରମ ପିଆଇବି ଓ ଭାଜପାର ୟୁଟ୍ୟୁବ୍ ଚାନେଲରେ ପ୍ରସାରିତ ହୋଇଥାଏ। ଗତ ଅଗଷ୍ଟରେ ପ୍ରସାରିତ ହୋଇଥିବା ପ୍ରଧାନମନ୍ତ୍ରୀ ମୋଦିଙ୍କ ରେଡିଓ କାର୍ଯ୍ୟକ୍ରମର ଏକ ଏପିସୋଡକୁ ମିଳିଛି ସର୍ବାଧିକ ସଂଖ୍ୟକ ଡିସ୍ ଲାଇକ୍। ଏହାକୁ ନାପସନ୍ଦ କରିଥିବା ୟୁଜର୍ସଙ୍କ ସଂଖ୍ୟା ପସନ୍ଦ କରିଥିବା ଦର୍ଶକଙ୍କଠାରୁ ଢ଼େର ଅଧିକା।
ଏହି ଏପିସୋଡରେ ମୋଦି ଦେଶବାସୀଙ୍କୁ ସ୍ବଦେଶୀ ଉପକରଣ ବ୍ୟବହାର ଗୁରୁତ୍ୱ ଉପରେ ପରାମର୍ଶ ଦେଇଥିଲେ। ସେହି ମାସରେ କରୋନା କଟକଣା ସତ୍ତ୍ୱେ ଅନୁଷ୍ଠିତ ହୋଇଥିଲା ଜେଇଇ ଓ ଏନଇଇଟି ପରୀକ୍ଷା। ହେଲେ ସେହି ଏପିସୋଡରେ ମୋଦି ଛାତ୍ରୀଛାତ୍ରଙ୍କ ଉଦ୍ଦେଶ୍ୟରେ କିଛି କହି ନ ଥିଲେ। ଏ ନେଇ ପ୍ରଶ୍ନ ଉଠାଇ ଥିଲେ ବହୁ ୟୁଜର୍ସ।
ଏହାପରେ ଟୁଇଟରରେ ଆରମ୍ଭ ହୋଇଥିଲା ‘ମନ କି ବାତ ନୁହେଁ, ଷ୍ଟୁଟେଣ୍ଟସ କି ବାତ୍’ ଭଳି ଏକ ଟ୍ରେଣ୍ଡ। ଏପରି କି ଜଣେ ୟୁଜର୍ସ କମେଣ୍ଟ କରିଥିଲେ, ବହୁତ ହେଇ ଗଲା। କଥା କହିବା ବଦଳରେ କାମ ଉପରେ ଧ୍ୟାନ ଦିଅନ୍ତୁ। ଏଭଳି ଅନେକ ୟୁଜର୍ସ କମେଣ୍ଟ ଦେଇ ପ୍ରଧାନମନ୍ତ୍ରୀ ମୋଦିଙ୍କୁ ସମାଲୋଚନା କରିଥିଲେ। ରିପୋର୍ଟ ପ୍ରସ୍ତୁତ କରାଯିବା ସୁଦ୍ଧା ଉକ୍ତ ଏପିସୋଡକୁ ୮୦ ଲକ୍ଷ ୟୁଜର୍ସ ଦେଖିଥିବା ବେଳେ ମିଳିଛି ୪୪ ଲକ୍ଷ ଲାଇକ । ହେଲେ ୧.୨ ନିୟୁତ ଦର୍ଶକ ଏହାକୁ ନାପସନ୍ଦ କରିଛନ୍ତି।
