ମୁମ୍ବାଇ, ୧ା୧୨ (ପି.ଟି.)-ଭାରତୀୟ କ୍ରିକେଟ ଆଇକନ ସଚିନ ତେନ୍ଦୁଲକର ଗୁରୁତର ରୋଗରେ ପୀଡ଼ିତ ୬ଟି ରାଜ୍ୟର ୧୦୦ ଜଣ ଅନଗ୍ରସର ଶିଶୁଙ୍କ ଚିକିତ୍ସା ପାଇଁ ଆର୍ଥିକ ସହାୟତା ଯୋଗାଇ ଦେବେ। ଇକାମ ନାମକ ଫାଉଣ୍ଡେଶନ ସହିତ ପାର୍ଟନରଶିପ୍ରେ ସେ ଏହି କାର୍ଯ୍ୟ କରିବେ। ତେନ୍ଦୁଲକର ଯେଉଁ ୬ଟି ରାଜ୍ୟ ଅନଗ୍ରସର ପରିବାରର ଶିଶୁଙ୍କୁ ସହାୟତା କରିବେ ସେଗୁଡ଼ିକ ହେଲା ମହାରାଷ୍ଟ୍ର, ପଶ୍ଚିମବଙ୍ଗ, ଆସାମ, କର୍ନାଟକ, ତାମିଲନାଡୁ ଓ ଆନ୍ଧ୍ରପ୍ରଦେଶ। ଗୁରୁତର ରୋଗରେ ପୀଡ଼ିତ ଶିଶୁମାନଙ୍କୁ ସରକାରୀ ଓ ଟ୍ରଷ୍ଟ ହସ୍ପିଟାଲରେ ଚିକିତ୍ସା ବ୍ୟବସ୍ଥା କରାଯିବ। ଚିକିତ୍ସା ବାବଦରେ ଖର୍ଚ୍ଚ ତେନ୍ଦୁଲକରଙ୍କ ଫାଉଣ୍ଡେଶନରୁ ମିଳିବ। ଚଳିତ ମାସ ପ୍ରାରମ୍ଭରେ ଆସାମ ରାଜ୍ୟର କରିମଗଞ୍ଜ ଜିଲା ଅନ୍ତର୍ଗତ ମାକୁଣ୍ଡା ହସ୍ପିଟାଲରେ ପେଡିଆଟ୍ରିକ୍ ସରଞ୍ଜାମ କ୍ରୟ ପାଇଁ ଆର୍ଥତ୍କ ସହାୟତା ପ୍ରଦାନ କରିଥିଲେ। ଏହାଦ୍ୱାରା ପ୍ରତିବର୍ଷ ୨୦୦୦ରୁ ଅଧିକ ଶିଶୁ ଉପକୃତ ହେବେ ବୋଲି ଆଶା କରାଯାଉଛି।
