ବିରାଟ କୋହଲୀ ଏବଂ ଅନୁଷ୍କା ଶର୍ମାଙ୍କ ଘରକୁ ଆସିବ ନୂଆ ଅତିଥି। ଇନ୍ଷ୍ଟା ପୋଷ୍ଟ ଅନୁଯାୟୀ ୨୦୨୧ ଜାନୁୟାରୀରେ ସନ୍ତାନକୁ ଜନ୍ମଦେବେ ଅନୁଷ୍କା। ଏଣୁ ଉଭୟ ନୂଆ ବର୍ଷର ଆରମ୍ଭ ଏହି ଖୁସିଖବରରୁ କରିବେ ତାହା ନିଶ୍ଚିତ। ତେବେ ଜ୍ୟୋତିଷ ଶାସ୍ତ୍ରକୁ ଯଦି ଦେଖିବା ତେବେ ଜାନୁୟାରୀରେ ଜନ୍ମ ନେଇଥିବା ଶିଶୁ ତିକ୍ଷ୍ମ ଏବଂ ସୃଜନଶୀଳ ହୋଇଥାନ୍ତି। ଏହାଛଡ଼ା ସେମାନଙ୍କର ଅନ୍ୟ ଗୁଣ ମଧ୍ୟ ରହିଥାଏ। ଯେପରିକି:
-ସୃଜନଶୀଳ ହୋଇଥାନ୍ତି ଏହି ଶିଶୁ: ଜାନୁୟାରୀ ମାସରେ ଜନ୍ମିତ ଶିଶୁ ତିକ୍ଷ୍ମ ବୁଦ୍ଧି ସମ୍ପନ୍ନ ହୋଇଥାନ୍ତି। ସେମାନଙ୍କର ଶରୀର ସୁସ୍ଥ ଏବଂ ସୁନ୍ଦର ହୋଇଥାଏ। ମାସରେ ମଝାମଝି ମକର ସଂକ୍ରାନ୍ତି ଆସିଥାଏ। ଏଣୁ ଏହି ମାସରେ ଜନ୍ମିତ ଶିଶୁ ଦେଶବିଦେଶରେ ନିଜର ବ୍ୟବସାୟ କରିବା ସହ କ୍ରିଏଟିଭ୍ ଫିଲ୍ଡରେ କାମ କରିଥାନ୍ତି।
-ମାଘ ମାସ ହୋଇଥାଏ ଶୁଭ: ହିନ୍ଦି ପଞ୍ଚାଙ୍ଗ ଅନୁଯାୟୀ ଏହି ସମୟରେ ମାଘ ମାସ ପଡ଼ିଥାଏ। ଏହା ଏକ ପବିତ୍ର ମାସ। ଏଥିରେ ଲୋକ ନଦୀତଟରେ ତପ କରିଥାନ୍ତି। ଏହି ମାସରେ ସୂର୍ଯ୍ୟ ଶନି ରାଶିରେ ଯେତେବେଳେ ଯାଇଥାନ୍ତି, ତାହା ପରର ସମୟ ବେଶ୍ ଭଲ। କାରଣ ଉକ୍ତ ସମୟରେ ହୋଇଥିବା ଶିଶୁ ଖେଳ ଦୁନିଆରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥାନ୍ତି। ଏପରିକି ଫିଲ୍ମଜଗତର ନାମି କଳାକାର ଏବଂ ନିର୍ଦ୍ଦେଶକ ମଧ୍ୟ ହୋଇପାରନ୍ତି।
-ସୂର୍ଯ୍ୟଙ୍କ ପ୍ରଭାବ ରହିଥାଏ: ଜାନୁୟାରୀରେ ଜନ୍ମିତ ଶିଶୁ ଧାର୍ମିକ ପ୍ରବୃତିର ହୋଇଥାନ୍ତି। ସୂର୍ଯ୍ୟଙ୍କ ପ୍ରଭାବ ଯୋଗୁ ସେ ବହୁତ ଯଶସ୍ବୀ ଏବଂ ପ୍ରସିଦ୍ଧ ହୋଇଥାନ୍ତି। ଏଥିସହ ନେତୃତ୍ୱ ନେବାର କଳା ବହୁତ ରହିଥାଏ। ସେମାନେ ମା’ବାପାଙ୍କ ଆଜ୍ଞାକାରୀ ହୋଇଥାନ୍ତି, ହେଲେ ବାପାଙ୍କ ସହ ସମ୍ପର୍କ ଟିକିଏ ଅଧିକ ନିବିଡ଼ ଥାଏ। ଏହାଛଡ଼ା ରାଜନୀତିରେ ମଧ୍ୟ ସେ ସଫଳ ଏବଂ ଉଚ୍ଚ ପଦ ପ୍ରାପ୍ତି କରିଥାନ୍ତି।
