ବାରିପଦା ଅଫିସ, ୨୫ା୭-କରୋନା ସଂକ୍ରମଣକୁ ଦୃଷ୍ଟିରେ ରଖି ଆସନ୍ତା ୩୧ତାରିଖ ଯାଏ ଜିଲାରେ ଥିବା ସମସ୍ତ ସରକାରୀ କାର୍ଯ୍ୟାଳୟକୁ ସର୍ବସାଧାରଣ ପ୍ରବେଶ କରିପାରିବେ ନାହିଁ। ଏନେଇ ଶୁକ୍ରବାର ଜିଲା ପ୍ରଶାସନ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି। ବିଜ୍ଞପ୍ତିରେ ଦର୍ଶାଯାଇଛି ଯେ, କରୋନା ସଂକ୍ରମଣ ରୋକିବା ଦିଗରେ ଏଭଳି ପଦକ୍ଷେପ ନିଆଯାଇଛି। ଯଦି କାହାର ଜରୁରୀ କାମ ଥିବ ତାହାହେଲେ ଉକ୍ତ ବ୍ୟକ୍ତିଜଣଙ୍କ ସମ୍ପୃକ୍ତ କାର୍ଯ୍ୟାଳୟ ଆଗରେ ଥିବା ଅଭିଯୋଗପତ୍ରରେ ସେମାନଙ୍କ ଅଭିଯୋଗ ପକାଇବା ସହିତ କାର୍ଯ୍ୟାଳୟ ଆଗରେ ଲଗାଯାଇଥିବା ସରକାରୀ କର୍ମଚାରୀଙ୍କ ମୋବାଇଲ୍ ନମ୍ବରରେ ଯୋଗାଯୋଗ କରିପାରିବେ। ସେହିଭଳି ଅଭିଯୋଗ ପତ୍ରରେ ସେମାନଙ୍କ ମୋବାଇଲ୍ ନମ୍ବର ଦେବା ପାଇଁ କୁହାଯାଇଛି। କେବଳ ସରକାରୀ କର୍ମଚାରୀ ଓ ଜିଲା ପ୍ରଶାସନ ପକ୍ଷରୁ ଅନୁମୋଦନ କରାଯାଇଥିବା ବ୍ୟକ୍ତିମାନେ ସରକାରୀ କାର୍ଯ୍ୟାଳୟକୁ ପ୍ରବଶେ କରିପାରିବେ। ଜିଲାର ସମସ୍ତ ଥାନା ଏହି କଟକଣାରୁ ବାଦ୍ ପଡ଼ିଛି ବୋଲି ବିଜ୍ଞପ୍ତିରେ ଦର୍ଶାଯାଇଛି।
