ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ପଛରେ ପକାଇଦେଇଛନ୍ତି ଦ ଓ୍ବାଲ ରାହୁଲ ଦ୍ରାଭିଡ୍। ଗତ ୫୦ ବର୍ଷରେ ଭାରତର ମହାନ ଟେଷ୍ଟ ଖେଳାଳି ଭାବେ ଦ୍ରାଭିଡ ସର୍ବାଗ୍ରେ ଅଛନ୍ତି। ଭାରତର ମହାନ୍ ଟେଷ୍ଟ ବ୍ୟଟ୍ସମ୍ୟାନ୍କୁ ନେଇ ଓ୍ବିଜଡେନ୍ ଇଣ୍ଡିଆ ପକ୍ଷରୁ ସୋସିଆଲ୍ ସାଇଟ୍ ଫେସ୍ବୁକ୍ରେ ଏକ ପୋଲ୍ କରାଯାଇଥିଲା। ୧୬ ଜଣ ଶ୍ରେଷ୍ଠ ବ୍ୟାଟ୍ସମ୍ୟାନ୍ଙ୍କୁ ନେଇ ଏହି ଭୋଟିଂ କରାଯାଇଥିଲା। ସେମିଫାଇନାଲ ପାଇଁ ସଚିନ, ଦ୍ରାଭିଡ, ସୁନୀଲ ଗାଭାସ୍କର ଏବଂ ବିରାଟ କୋହଲିଙ୍କୁ ଚୟନ କରାଯାଇଥିଲା। ଫାଇନାଲକୁ ସଚିନ ଏବଂ ଦ୍ରାଭିଡ ଯାଇଥିଲେ। ଫାଇନାଲରେ ସର୍ବାଧିକ ଭୋଟ ଦ୍ରାଭିଡଙ୍କ ସପକ୍ଷରେ ଯାଇଥିଲା। ୫୨ ପ୍ରତିଶତ ଲୋକ ଦ୍ରାଭିଙ୍କୁ ଭୋଟ ଦେଇଥିବାବେଳେ ୪୮ ପ୍ରତିଶତ ସଚିନଙ୍କୁ ଭୋଟ ଦେଇଛନ୍ତି। ସେହିପରି ତୃତୀୟ ସ୍ଥାନ ପାଇଁ ସୁନୀଲ ଗାଭାସ୍କର ଏବଂ ବିରାଟ କୋହଲିଙ୍କ ମଧ୍ୟରେ ଭୋଟିଂ ହୋଇଥିଲା। ଗାଭାସ୍କରଙ୍କୁ ୫୦.୫ ପ୍ରତିଶତ ଭୋଟ ମିଳିଥିବାବେଳେ କୋହଲଇଙ୍କ ୪୯.୫ ପ୍ରତିଶତ ଭୋଟ ମିଳିଥିଲା।
