କୋରାପୁଟ,୧୦ା୧୦: କୋରାପୁଟ ଜିଲାରେ ଶନିବାର ଆଉ ୪୬ ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ମିଶାଇ ଜିଲାର ମୋଟ୍ ଆକ୍ରାନ୍ତଙ୍କ ସଂଖ୍ୟା ୬,୫୬୫କୁ ବୃଦ୍ଧି ପାଇଛି। ବର୍ତ୍ତମାନ ସୁଦ୍ଧା ୬୧୨୫ ଜଣ ସୁସ୍ଥ ହୋଇଥିବା ଜଣାଯାଇଛି।
ଶନିବାର ଚିହ୍ନଟ ୪୬ ଆକ୍ରାନ୍ତଙ୍କ ମଧ୍ୟରେ ୨୫ ଜଣ ପୁରୁଷ ଏବଂ ୨୧ ଜଣ ମହିଳା। ପୂର୍ବ ପଜିଟିଭ୍ଙ୍କ ସଂସ୍ପର୍ଶରେ ଆସି ୨୪ ଓ ୨୨ ଜଣ ସ୍ଥାନୀୟ ସଂକ୍ରମିତ ରହିଛନ୍ତି। ଏମାନଙ୍କ ମଧ୍ୟରୁ କୋରାପୁଟ ମ୍ୟୁନିସିପାଲିଟିରୁ ୯ ଜଣ ରହିଥିବାବେଳେ ଜୟପୁର ମ୍ୟୁନିସିପାଲିଟିରୁ ଜଣେ, ସୁନାବେଡ଼ା ମ୍ୟୁନିସିପାଲିଟିରୁ ୫ ଜଣ ଓ କୋଟପାଡ଼ ଏନ୍ଏସିରୁ ୨ ଜଣ ଚିହ୍ନଟ ହୋଇଛନ୍ତି। ସେହିପରି କୋରାପୁଟ ବ୍ଲକ ଅଞ୍ଚଳରୁ ୨, ବୋରିଗୁମ୍ମା ବ୍ଲକରୁ ୫, ବୈପାରୀଗୁଡ଼ାରୁ ୩, ବନ୍ଧୁଗାଁରୁ ୩, ଜୟପୁରରୁ ୨, କୋଟପାଡ଼ରୁ ୨, କୁନ୍ଦ୍ରାରୁ ୨, ଲମତାପୁଟରୁ ୩ , ନନ୍ଦପୁରରୁ ୨, ପଟ୍ଟାଙ୍ଗିରୁ ୩ ଓ ସେମିଳିଗୁଡ଼ା ବ୍ଲକ ଅଞ୍ଚଳରୁ ୨ ଜଣ ପଜିଟିଭ୍ ରହିଥିବା ଜିଲାପାଳ ମଧୁସୂଦନ ମିଶ୍ର ସୂଚନା ଦେଇଛନ୍ତି।
ସୂଚନାଯୋଗ୍ୟ, ବର୍ତ୍ତମାନ ସୁଦ୍ଧା କୋରାପୁଟ ଜିଲାରେ ମୋଟ୍ ୮୬ ହଜାର ୭୨୭ ଜଣଙ୍କର ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିବା ବେଳେ ସେଥିରୁ ୮୬ ହଜାର ୩୭୮ ଜଣଙ୍କର ରିପୋର୍ଟ ଆସିଛି। ଏମାନଙ୍କ ମଧ୍ୟରୁ ୬୫୬୫ ଜଣ ପଜିଟିଭ୍ ରହିଥିବାବେଳେ ବାକି ସବୁ ରିର୍ପୋଟ ନେଗେଟିଭ୍ ରହିଛି ା
