ସଜନାଗଡ଼,୨୩।୧୧(ଡି.ଏନ.ଏ.): ଡିଜେ ସାଉଣ୍ଡରେ ୬୩ କୁକୁଡ଼ାଙ୍କ ମୃତ୍ୟୁ ହୋଇଥିବା ମଙ୍ଗଳବାର ଥାନାରେ ଅଭିଯୋଗ ହୋଇଛି। ଏହି ଅଭିଯୋଗ କରିଛନ୍ତି ବାଲେଶ୍ୱର ଜିଲା ନୀଳଗିରି କାଣ୍ଡଗରଡ଼ି ଗ୍ରାମର କୁକୁଡା ଚାଷୀ ରଣଜିତ୍।
ଅଭିଯୋଗ ଅନୁଯାୟୀ, ଗ୍ରାମରେ ସୋମବାର ରାତିରେ ଏକ ବିବାହ ଉତ୍ସବ ଚାଲିଥିଲା। ବରପକ୍ଷରୁ ଆସିଥିବା ବରଯାତ୍ରୀ ଡିଜେ ବଜାଇ ଶୋଭାଯାତ୍ରା କରୁଥିଲେ। କୁକୁଡା ଚାଷୀ ଡିଜେ ସାଉଣ୍ଡ କମ୍ କରିବାକୁ ବାରମ୍ବାର ଅନୁରୋଧ କରିଥିଲେ କେହି ସେଥିପ୍ରତି ଗୁରୁତ୍ୱ ଦେଇ ନ ଥିଲେ। ଉଚ୍ଚ ଶବ୍ଦ ଶୁଣିବା ପରେ ଫାର୍ମରେ ଚାଷ ହୋଇଥିବା ପାଖାପାଖି ୬୩ଟି କୁକୁଡ଼ା ମରିଯାଇଥିଲେ। ଅନ୍ୟ ଉପାୟ ନ ପାଇ ଶେଷରେ ରଣଜିତ୍ ନୀଳଗିରି ଥାନା ଦ୍ୱାରସ୍ଥ ହୋଇଛନ୍ତି। ପୋଲିସ ତଦନ୍ତ ଆରମ୍ଭ କରିଛି।
