ଅନୁଗୋଳ ଅଫିସ, ୧୬।୧୧- ଅନୁଗୋଳ ଜିଲାରେ ସୋମବାର ୬ଷ୍ଠ ଓ ୭ମ ଶ୍ରେଣୀ ପିଲାଙ୍କ ପାଇଁ ସ୍କୁଲ ଖୋଲିଥିବାରୁ ପ୍ରଥମ ଦିନରେ ୫୦ ପ୍ରତିଶତ ଉପସ୍ଥାନ ଦେଖିବାକୁ ମିଳିଛି। ଦୀର୍ଘ ଦିନ ପରେ ବିଦ୍ୟାଳୟ ଖୋଲୁଥିବାରୁ ଛାତ୍ରୀଛାତ୍ରଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଥିଲା। ଛାତ୍ରୀଛାତ୍ରମାନେ ସ୍କୁଲରେ ପହଞ୍ଚିବା ପରେ କରୋନା ସମ୍ପର୍କରେ ସେମାନଙ୍କୁ ପ୍ରଥମେ ଅବଗତ କରାଯାଇଥିଲା। ଗ୍ରୁପ୍ରେ ବିଭାଜନ କରି କରୋନା ନିୟମ ଅନୁଯାୟୀ ସାମାଜିକ ଦୂରତ୍ୱ ସହ ସାବୁନ୍ରେ ହାତ ଧୋଇବା ଓ ସାନିଟାଇଜର, ମାସ୍କ ବ୍ୟବହାର କରିବାକୁ ବୁଝାଯାଇଥିଲା। ପ୍ରଥମେ ଓରିଏଷ୍ଟେଶନ୍ କ୍ଲାସ କରାଯାଇଥିବା ଶିକ୍ଷା ବିଭାଗ ପକ୍ଷରୁ କୁହାଯାଇଛି। ଏଥିସହ ପୂର୍ବପାଠର ମଧ୍ୟ ପୁନରାବୃତ୍ତି କରାଯିବ। ଏହାପରେ ପିଲାଙ୍କୁ ମୁଖ୍ୟ ପାଠ୍ୟକ୍ରମ ପଢ଼ାଯିବ ବୋଲି ବିଦ୍ୟାଳୟ ଗୁଡ଼ିକ ପକ୍ଷରୁ କୁହାଯାଇଛି।
