ପଥର ଭରସାରେ ୫ବର୍ଷ

ବଇଣ୍ଡା,୧୯ା୮(ଡି.ଏନ.ଏ.): ବର୍ଷା ହେଲେ ବ୍ରିଜ୍‌ ଉପରେ ପ୍ରବାହିତ ହେଉଛି ପାଣି। କ୍ଷତିଗ୍ରସ୍ତ ହେଉଛି ୨୭ ବର୍ଷର ପୁରୁଣା ପୋଲ। ବର୍ତ୍ତମାନ ସ୍ଥିତି ଏପରି ଯେ ଅତ୍ୟନ୍ତ ବିପଦପୂର୍ଣ୍ଣ ଅବସ୍ଥାକୁ ଚାଲିଆସିଛି ଉକ୍ତ ବ୍ରିଜ୍‌। ୫ ବର୍ଷ ହେଲା ଧୋଇଚାଲିଥିବାରୁ ଆଉ ପୂର୍ବପରି ଏହା ଉପରେ ଗଡ଼ିପାରୁନି ୪ ଚକିଆ ଗାଡ଼ି। ହେଲେ କିଛି ବି ଫରକ ପଡ଼ୁନି ପ୍ରଶାସନକୁ। ବାଲିବସ୍ତା ଓ ପଥର ପକାଇ ଚୁପ୍‌ ବସିଯାଇଛନ୍ତି ବିଭାଗୀୟ କର୍ତ୍ତୃପକ୍ଷ। ନୂଆ ବ୍ରିଜ୍‌ ନିର୍ମାଣ ଦାବିକୁ ଗୁରୁତ୍ୱ ଦିଆଯାଉ ନ ଥିବାରୁ ବାଧ୍ୟହୋଇ ପଡ଼ିଥିବା ପଥରକୁ ଭରସା କରି ଯାତାୟାତ କରୁଛନ୍ତି ଅନୁଗୋଳ ଜିଲା ଆଠମଲ୍ଲିକ ବ୍ଲକ କୁରୁମଟାପ ଓ ବିଲେଇନାଳୀ ପଞ୍ଚାୟତର ଲୋକେ।
କୁରୁମଟାପ ଗ୍ରାମବାସୀଙ୍କ କହିବା ଅନୁଯାୟୀ, କୁରୁମଟାପରୁ ମନ୍ଦରବାହାଳ ଗ୍ରାମକୁ ସଂଯୋଗ କରୁଥିବା ରାସ୍ତାରେ ରହିଛି ବାଟଯୋର ନାଳ। ୧୯୯୫ ମସିହାରେ ଏହି ନାଳ ଉପରେ ୧ ଲକ୍ଷ ଟଙ୍କା ବ୍ୟୟରେ ପ୍ରଶାସନ ପକ୍ଷରୁ ପୋଲ ନିର୍ମାଣ କରାଯାଇଥିଲା। ଫଳରେ କୁରୁମଟାପ ପଞ୍ଚାୟତର କୁରୁମଟାପ, ମନ୍ଦରବାହାଳ, ବାଲିପଟା, ଦାମଦରପୁର ଓ ବିଲେଇନାଳୀ ପଞ୍ଚାୟତର ଗରୁଡ, ବଡଗୋବିନ୍ଦପୁର ଗ୍ରାମବାସୀ ଉପକୃତ ହେଉଥିଲେ। ୨୦୧୨ ମସିହାରେ ଗ୍ରାମ୍ୟ ଉନ୍ନୟନ ବିଭାଗରେ ଏହି ରାସ୍ତା ଅନ୍ତର୍ଭୁକ୍ତ ହେବାରୁ ୨୦୧୩ରେ ପିଚୁ ସଡ଼କ ନିର୍ମାଣ କରାଯାଇଥିଲା। ହେଲେ ବାଟଯୋର ନାଳ ଉପରେ ନୂଆ ପୋଲ କରାଯାଇ ନ ଥିଲା। ପ୍ରତିବର୍ଷ ବର୍ଷାଦିନେ ଉକ୍ତ ବ୍ରିଜ୍‌ ଉପରେ ୨ ଫୁଟର ପାଣି ପ୍ରବାହିତ କାରଣରୁ ୨୦୧୭ ମସିହାରେ ପୋଲଟି ୩୦ ପ୍ରତିଶତ ଭାଙ୍ଗି ଯାଇଥିଲା। କିନ୍ତୁ ନୂଆ ନିର୍ମାଣ ନ କରି ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବାଲି ବସ୍ତା ଓ ପଥର ପକାଇ ସମତଳ କରିଦିଆଯାଇଥିଲା। ୨୦୧୮ ପରଠାରୁ ପ୍ରତ୍ୟେକ ବର୍ଷ ଲଗାଣ ବର୍ଷାରେ ବ୍ରିଜ୍‌ କ୍ଷତିଗ୍ରସ୍ତ ହେଉଥିଲା ବେଳେ କେବଳ ବାଲିବସ୍ତା ଓ ପଥର ପକାଇ କାମ ସାରିଦିଆଯାଉଛି। ଧୀରେ ଧରେ ଏହା ଅତ୍ୟନ୍ତ ବିପଦସଙ୍କୁଳ ହୋଇପଡ଼ିବାରୁ ଗତ ୧୨ ତାରିଖଠାରୁ ଏହା ଉପରେ ୪ ଚକିଆ ଗାଡି ଚଳାଚଳ ବନ୍ଦ ରଖାଯାଇଛି। ଫଳରେ ୪ ଚକିଆରେ ଯାଉଥିବା ଲୋକମାନଙ୍କୁ ମନ୍ଦରବାହାଳ-ଗରୁଡ ରାସ୍ତାରେ ଅଧିକ ୫ କି.ମି. ବୁଲିକରି ଯିବାକୁ ପଡ଼ୁଛି। ନୂତନ ପୋଲ ନିର୍ମାଣ ପାଇଁ ମନ୍ଦରବାହାଳ ଗ୍ରାମବାସୀ ୧୨ ନଭେମ୍ବର ୨୦୧୭, ୨୫ ସେପ୍ଟେମ୍ବର ୨୦୧୯ ଓ ୨୦ ଅକ୍ଟୋବାର ୨୦୨୦ରେ ଜିଲା ପ୍ରଶାସନ, ଆଠମଲ୍ଲିକ ବିଧାୟକ, ଗ୍ରାମ୍ୟ ଉନ୍ନୟନ ଓ ପୂର୍ତ୍ତ ବିଭାଗ ମନ୍ତ୍ରୀଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳୁନାହିଁ। ତୁରନ୍ତ ଏ ଦିଗରେ ଦୃଷ୍ଟି ଦେବାକୁ ମନ୍ଦରବାହାଳ ଗ୍ରାମବାସୀ ଦାବି କରିଛନ୍ତି। ଏ ନେଇ ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ମଧୁସ୍ମିତା ପଲେଇ କହିଛନ୍ତି, ଉକ୍ତ ନାଳ ଉପରେ ନୂତନ ପୋଲ ନିର୍ମାଣ ପାଇଁ ସରକାରଙ୍କୁ ପ୍ରସ୍ତାବ ଦିଆଯାଇଛି। ଅର୍ଥ ମଞ୍ଜୁର ହେଲେ ନୂତନ ପୋଲ ନିର୍ମାଣ କରାଯିବ।

ଅଭିଯୋଗକୁ ଗୁରୁତ୍ୱ ଦିଆଯାଉନି
ବାଟଯୋର ନାଳ ଉପରେ ଥିବା ପୋଲ ୫ ବର୍ଷ ହେବ ଭାଙ୍ଗିଯାଇଛି। ହେଲେ ପ୍ରଶାସନ ପକ୍ଷରୁ ନୂତନ ପୋଲ ନିର୍ମାଣ କରାଯାଉନାହିଁ। ଏ ନେଇ ଅଞ୍ଚଳବାସୀ ବହୁବାର ଦାବି କରୁଥିଲେ ମଧ୍ୟ କୌଣସି ସୁଫଳ ମିଳୁନାହିଁ। ସାମାନ୍ୟ ବର୍ଷା ହେଲେ ପୋଲ ଉପରେ ୨ ଫୁଟର ପାଣି ପ୍ରବାହିତ ହେଉଛି।
-ବିଷୁଚରଣ ସାହୁ, ବାଲିପଟା
ବାଲିବସ୍ତାରେ ଚଳୁଛି କାମ
ଦୀର୍ଘବର୍ଷ ତଳେ ନିର୍ମାଣ ହୋଇଥିବା ଏହି ପୋଲ ଏବେ ବିପଦସଙ୍କୁଳ ଅବସ୍ଥାରେ ରହିଛି। ପ୍ରତ୍ୟେକ ବର୍ଷ ଏହାର କିଛି ଅଂଶ ଭାଙ୍ଗୁଥିବା ବେଳେ ବାଲି ବସ୍ତା ଓ ପଥର ପକାଇ ମରାମତି କରିଦିଆଯାଉଛି। ସରକାର ତୁରନ୍ତ ଏଠାରେ ନୂଆ ପୋଲ ନିର୍ମାଣର ବ୍ୟବସ୍ଥା କରନ୍ତୁ।
-ଦିବାକର ସାହୁ, ମନ୍ଦରବାହାଳ
ଦୀର୍ଘବର୍ଷ ହେଲା ପଦକ୍ଷେପ ନିଆଯାଉନି
ବର୍ଷା ହେଲେ ନାଳ ପୂରିଉଠି ପୋଲ ବୁଡ଼ି ଯାଉଛି। ଫଳରେ ଏହି ରାସ୍ତାରେ ଯୋଗାଯୋଗ ବିଚ୍ଛିିନ୍ନ ହୋଇଯାଉଛି। ବହୁବାର ଦାବି କରାଯାଇଥିଲେ ମଧ୍ୟ ନୂଆ ପୋଲଟିଏ ନିର୍ମାଣ ଦିଗରେ ଆଦୌ ପଦକ୍ଷେପ ନିଆଯାଉ ନାହିଁ।
-କଳ୍ପନା ସାହୁ
ପ୍ରଶାସନକୁ ବହୁବାର ଅବଗତ କରାଯାଇଛି
ଏହି ପୋଲ ଦେଇ ୬ ଗ୍ରାମବାସୀ ଯାତାୟାତ କରୁଛନ୍ତି। ହେଲେ ରାସ୍ତାର ମୁଖ୍ୟ ନାଳ ଉପରେ ନୂତନ ବ୍ରିଜ ନିର୍ମାଣ କରାଯାଉ ନ ଥିବା ଯୋଗୁ ବହୁ ଅସୁବିଧା ସୃଷ୍ଟି ହେଉଛି। ପଞ୍ଚାୟତ ପକ୍ଷରୁ ବ୍ଲକ ପ୍ରଶାସନକୁ ଏ ନେଇ ବହୁବାର ଅବଗତ କରାଯାଇଛି।
-ଶାନ୍ତିଲତା ପ୍ରଧାନ, ସରପଞ୍ଚ
ଅର୍ଥ ମଞ୍ଜୁର ହେଲେ ନୂଆ ନିର୍ମାଣ
ବାଟଯୋର ନାଳ ଉପରେ ନୂତନ ବ୍ରିଜ ନିର୍ମାଣ ପାଇଁ ସରକାରଙ୍କ ପକ୍ଷରୁ ପଦକ୍ଷେପ ନିଆଯାଉଛି। ଏ ନେଇ ବିଭାଗକୁ ତଦାରଖ କରିବା ପାଇଁ ନିର୍ଦ୍ଦେଶ ଦିଆଯାଇଛି। ଅର୍ଥ ମଞ୍ଜୁର ହେଲେ ଖୁବ୍‌ଶୀଘ୍ର ନିର୍ମାଣ କାର୍ଯ୍ୟ କରାଯିବ।
-ରମେଶ ଚନ୍ଦ୍ର ସାଏ, ବିଧାୟକ, ଆଠମଲ୍ଲିକ


Enter your email to get our daily news in your inbox.

All Right Reserved By Dharitri.Com

ନିର୍ମାଣ କାମ ବେଳେ ଧସିଲା ମାଟି ଅତଡ଼ା

କଟକ,୧୮ା୪(କାର୍ତ୍ତିକ ସାହୁ): ମାଲଗୋଦାମ ଅଞ୍ଚଳରେ ଏକ ନିର୍ମାଣ କାମ ଚାଲୁଥିବା ବେଳେ ମାଟି ଅତଡ଼ା ଧସି ଜଣେ ଶ୍ରମିକ ସେଥିରେ ପୋତି ହୋଇଯାଇଥିଲେ। ଖବର ପାଇ...

ଅଷ୍ଟପ୍ରହର ନାମଯଜ୍ଞରେ ଗୁଳିମାଡ଼

ଘଣ୍ଟାପଡ଼ା/ଖୁଣ୍ଟିଗୋରା,୧୮।୪ (ପ୍ରଭାତ କୁମାର ସାହୁ/ମକରନ୍ଦ ସାହୁ)-ବୌଦ୍ଧ ଜିଲା କଣ୍ଟାମାଳ ଥାନା ଲମ୍ବସୱରୀ ଗ୍ରାମପଞ୍ଚାୟତର ପିପଲପାଲି ଗ୍ରାମରେ ରାମନବମୀ ପାଇଁ ଅଷ୍ଟପ୍ରହର ନାମଯଜ୍ଞ ଚାଲିଥିବାବେଳେ ବୁଧବାର ରାତି...

ଏଏପି ପରେ ଓଡ଼ିଶାରେ ପ୍ରାର୍ଥୀ ଘୋଷଣା କଲା ସିପିଆଇଏମ, ଭୁବନେଶ୍ୱର ଲୋକ ସଭା ଆସନରୁ ଲଢିବେ ଏହି ନେତା

ଭୁବନେଶ୍ୱର,୧୮।୪: ରାଜ୍ୟର ୩୭ଟି ବିଧାନସଭା ପାଇଁ ଆମ ଆଦମୀ ପାର୍ଟି ନିଜର ପ୍ରାର୍ଥୀ ଘୋଷଣା କରିଥିବା ବେଳେ ସିପିଆଇ(ଏମ ) ମଧ୍ୟ ଆଜି ଭୁବନେଶ୍ୱର ଲୋକ...

ନିର୍ବାଚନ ପୂର୍ବରୁ ଜବତ ହେଲା ଲକ୍ଷ ଲକ୍ଷ ଟଙ୍କା

ବରଗଡ଼,୧୮।୪(ପ୍ରେମାନନ୍ଦ ଖମାରୀ): ବରଗଡ଼ ଟାଉନ ଥାନା ପୋଲିସ ସହର ଉପକଣ୍ଠ ହଲଦୀପାଲି ଛକରେ ଯାଞ୍ଚ ଚଲାଇ ଥିବାବେଳେ ବୁଧବାର ୧୦ଲକ୍ଷ ଟଙ୍କା ଜବତ କରିଛି ।...

ଉତ୍କଳ ଗ୍ରାମୀଣ ବ୍ୟାଙ୍କରୁ ଡକାୟତି

ବରପାଲି,୧୮।୪(ଚିତ୍ତରଞ୍ଜନ ସାହୁ): ବରଗଡ଼ ଜିଲା ବରପାଲିସ୍ଥିତ ଏକ ହୋଟେଲ ତଳ ମହଲାରେ ଥିବା ଉତ୍କଳ ଗ୍ରାମୀଣ ବ୍ୟାଙ୍କରୁ ଗୁରୁବାର ସଶସ୍ତ୍ର ଡକାୟତ ହୋଇଛି। ଡକାୟତମାନେ ବ୍ୟାଙ୍କରୁ...

ରାଲିରେ ଯାଇ ନିଲମ୍ବିତ ହୋଇଥିଲେ ଶିକ୍ଷୟିତ୍ରୀ: ଏବେ ସଭାକୁ ଯାଇ ଶିକ୍ଷକଙ୍କୁ ପଡ଼ିଲା ମହଙ୍ଗା

ବୌଦ୍ଧ/ଘଣ୍ଟାପଡ଼ା/ଖୁଣ୍ଟିଗୋରା,୧୮।୪ (ଅଜିତ କୁମାର ବାରିକ/ ପ୍ରଭାତ କୁମାର ସାହୁ/ ମକରନ୍ଦ ସାହୁ): ବୌଦ୍ଧ ଜିଲା କଣ୍ଟାମାଳ ନିର୍ବାଚନ ମଣ୍ଡଳୀରେ ଏକ ଦଳର ନିର୍ବାଚନୀ ସଭାରେ ଯୋଗ...

ବାପା-ଝିଅ ଯାଉଥିଲେ, ଜଳିଗଲା ବ୍ୟାଟେରୀ ସ୍କୁଟି

କେନ୍ଦୁଝର,୧୮ା୪(ନରେଶ ଚନ୍ଦ୍ର ପଟ୍ଟନାୟକ) : କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର-ଗୋବର୍ଦ୍ଧନ ମଝିରେ ଥିବା ପେଟ୍ରୋଲପମ୍ପ ଓ ଇଟାଫେକ୍ଟ୍ରି ନିକଟରେ ଏକ(ଓଡି-୩୩-ଏ ଏଫ-୯୯୭୪)ଓକିନାୱା ନାମକ ବ୍ୟାଟେରୀ...

ନିର୍ବାଚନ ପୂର୍ବରୁ ଝଟ୍‌କା: ବିଜେଡି ଛାଡ଼ିଲେ ପୂର୍ବତନ ପୌରାଧ୍ୟକ୍ଷ

ଝାରସୁଗୁଡ଼ା,୧୮ା୪(ସଞ୍ଜୟ ମାଲି): ଝାରସୁଗୁଡ଼ା ଜିଲା ବେଲପାହାଡ଼ ଟାଉନ ବିଜେଡି ସଭାପତି ତଥା ବେଲପାହାଡ଼ ପୌର ପରିଷଦ ପୂର୍ବତନ ଅଧ୍ୟକ୍ଷ କୈଳାସ ନାଏକ ବିଜେଡି ଛାଡିଥିବା ନେଇ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri