ଭବାନୀପାଟଣା,୩୦ା୧୨(ଉତ୍ତମ କୁମାର ଦାଶ)-କଳାହାଣ୍ଡି ଜିଲାର ବିଭିନ୍ନ ବ୍ଲକରେ ଥିବା ମନ୍ଦିର, ପର୍ଯ୍ୟଟନୀ ସ୍ଥଳୀର ରୂପରେଖ ଖୁବ୍ଶୀଘ୍ର ବଦଳିବାକୁ ଯାଉଛି। ଜିଲା ପର୍ଯ୍ୟଟନ କାର୍ଯ୍ୟାଳୟ ପକ୍ଷରୁ ଜିଲାରେ ଥିବା ୪୪ଟି ବିଭିନ୍ନ ଐତିହାସିକ ମନ୍ଦିର ଓ ପର୍ଯ୍ୟଟନୀ ସ୍ଥଳୀକୁ ଚୟନ କରାଯାଇ ଏହାର ଉନ୍ନତୀକରଣ ପାଇଁ ଏକ ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଛି। ଏଥିପାଇଁ ପ୍ରାୟ ୪୪ କୋଟି ଟଙ୍କା ଖର୍ଚ୍ଚ ହେବାକୁ ଥିବାବେଳେ ଏହାକୁ ଅନୁମୋଦନ କରିବା ଲାଗି ଜିଲା ପର୍ଯ୍ୟଟନ କାର୍ଯ୍ୟାଳୟ ପକ୍ଷରୁ ବିଭାଗୀୟ ଉପରିସ୍ଥ ଅଧିକାରୀଙ୍କୁ ପ୍ରସ୍ତାବ ଦିଆଯାଇଛି।
ଜିଲା ପର୍ଯ୍ୟଟନ ବିଭାଗ ପକ୍ଷରୁ ମିଳିଥିବା ତଥ୍ୟ ଅନୁସାରେ କେସିଙ୍ଗା ବ୍ଲକର ଅମାଠଗଡ ପାଇଁ ୨୬.୪୦ ଲକ୍ଷ, ଧବଳେଶ୍ୱର ପୀଠ ୧ କୋଟି ୮୩ ଲକ୍ଷ, ଗୋକୁଳେଶ୍ୱର ଶିବ ମନ୍ଦିର ୧ କୋଟି ୩୪ଲକ୍ଷ, ଗିରି ଗୋବର୍ଦ୍ଧନ ପୀଠ ୧କୋଟି ୨୨ ଲକ୍ଷ, ବାଲସି ଗୋବର୍ଦ୍ଧନ ପୀଠ ୧କୋଟି ୨୦ଲକ୍ଷ, ଯୋଗମାୟା ପୀଠ ୬୭.୨୦ଲକ୍ଷ, ପାତାଳେଶ୍ୱର ମନ୍ଦିର ୬୨.୪୦ଲକ୍ଷ, ଭବାନୀପାଟଣା ଜଳେଶ୍ୱର ମନ୍ଦିର ୭୪.୪୦ ଲକ୍ଷ, ଫୁର୍ଲିଝରଣ ଜଳ ପ୍ରପାତ ୬୦ଲକ୍ଷ, ରାବଣଧର ୪୯.୨୦ ଲକ୍ଷ, ବରଗଁା ଶିବ ମନ୍ଦିର ୪୪.୪୦ଲକ୍ଷ, ଲଛିପୁର ଅଷ୍ଟ ଶମ୍ବୁ ମନ୍ଦିର ୯୧.୨୦ ଲକ୍ଷ, ବୋଡାପଡା ଶିବ ମନ୍ଦିର ୧କୋଟି ୨୦ଲକ୍ଷ, ଦେପୁର ଶିବ ମନ୍ଦିର ୧କୋଟି ୨୦ଲକ୍ଷ, ବୋର୍ଡା ଗମ୍ଭାରୀମଠ ୧କୋଟି ୨୦ଲକ୍ଷ, ବାନ୍ଦୋପଲା ଶିବ ମନ୍ଦିର ୧କୋଟି ୭୨ଲକ୍ଷ, କର୍ଲାଗୁଡା ଶିବ ମନ୍ଦିର ୮୦.୪୦ଲକ୍ଷ, ମକ୍ରିପଡା ୧କୋଟି ୨୨ଲକ୍ଷ, ସାପସିଲେଟ ମନ୍ଦିର ୨ କୋଟି ୧୦ଲକ୍ଷ, ଧର୍ମଗଡ ପାରାଦେଶ୍ୱର ମନ୍ଦିର ୬୨.୪୦ଲକ୍ଷ, ମା’ ଭଣ୍ଡାରଘରଣୀ ମନ୍ଦିର ୬୩.୬୦ ଲକ୍ଷ, ରାଧାକୃଷ୍ଣ ମନ୍ଦିର ୬୭.୨୦ଲକ୍ଷ, ଭୀମଖୋଜ ପାତାଳେଶ୍ୱର ୪୪ଲକ୍ଷ, ବେହେରା ଦନ୍ତେଶ୍ୱରୀ ମନ୍ଦିର ୪୮ଲକ୍ଷ, କୋକସରା ଡୋକ୍ରିଚଞ୍ଚରା ୫୫.୨୦ ଲକ୍ଷ, ଆମପାଣି ବୁଢାରଜା ମନ୍ଦିର ୩୭.୨୦ ଲକ୍ଷ, ଜୁନାଗଡ ଲଙ୍କେଶ୍ୱରୀ ମନ୍ଦିର ୫୫.୨୦, ସାପଗଣ୍ଡା ୧କୋଟି ୬୯ଲକ୍ଷ, ଚିଚୈଗୁଡା ନୀଲକଣ୍ଠେଶ୍ୱର ମନ୍ଦିର ୯୦ଲକ୍ଷ, ନାନ୍ଦୋଲ ଶିବମନ୍ଦିର ୭୮ଲକ୍ଷ, ତଳଜାରିଙ୍ଗ ମା’ ବନଜାରୀ ମନ୍ଦିର ୭୮ଲକ୍ଷ, ଦେଉଣ୍ଡି ଅଷ୍ଟଶମ୍ବୁ ମନ୍ଦିର ୬୭.୨୦ଲକ୍ଷ, ଥୁଆମୂଳ ରାମପୁର ମରଡିଗୁଡା ୪୩.୨୦ ଲକ୍ଷ, ହେଲୋ ପଏଣ୍ଟ ୩୧.୨୦ଲକ୍ଷ, କର୍ଲାମୁଣ୍ଡା କୁର୍ଶଲା ମନ୍ଦିର ୬୧.୨୦ ଲକ୍ଷ, ଜୟପାଟଣା ତାଳଗୁଡ ୨୬.୪୦ଲକ୍ଷ, ଗୋଲାମୁଣ୍ଡା ଚୁରାପାହାଡ ୨କୋଟି ୩୮ଲକ୍ଷ, ଫୁଣ୍ଡା ବାଗବାହାଲି ଶିବ ମନ୍ଦିର ୭୮ଲକ୍ଷ, ଏମ୍ ରାମପୁର ମୋହନିଗିରି ଶୈବ ପୀଠ ୬୮.୪୦ଲକ୍ଷ, ସାକୁସ ଶିବ ମନ୍ଦିର ୪୮ଲକ୍ଷ, ଲାଞ୍ଜିଗଡ ବ୍ଲକ ସୋସପଦର ୭୮ଲକ୍ଷ ଓ କନକଦୁର୍ଗା ମନ୍ଦିର ପାଇଁ ୧କୋଟି ୪୭ଲକ୍ଷ ରହିଛି। ମନ୍ଦିର ଓ ପର୍ଯ୍ୟଟନୀ ସ୍ଥଳୀର ଉନ୍ନତୀକରଣ ହେଲେ କଳାହାଣ୍ଡିକୁ ଆହୁରି ଅଧିକ ପର୍ଯ୍ୟଟକ ଆସିବେ ବୋଲି ଜିଲା ପର୍ଯ୍ୟଟନ ଅଧିକାରୀ ସୁବୋଧ ଛତ୍ରିଆ ପ୍ରକାଶ କରିଛନ୍ତି।
