ନୂଆଦିଲ୍ଲୀ,୩୦ ।୧: ଭାରତ-ଇସ୍ରାଏଲ ରାଜନୈତିକ ସମ୍ପର୍କକୁ ପୂରଣ ହୋଇଛି ୩୦ ବର୍ଷ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଆମ ଦୁଇ ଦେଶ ମଧ୍ୟରେ ସମ୍ପର୍କ ବହୁ ପୁରୁଣା । ବର୍ଷ ବର୍ଷ ଧରି ଆମ ମଧ୍ୟରେ ସମ୍ପର୍କ ରହି ଆସିଛି । ଭବିଷ୍ୟତରେ ବି ଏହି ସମ୍ପର୍କ ଇତିହାସ ରଚିବ । ଆଜି ଯେତେବେଳେ ବିଶ୍ୱ ମହତ୍ୱପୂର୍ଣ୍ଣ ପରିବର୍ତ୍ତନ ଦେଖୁଛି ସେହି ସମୟରେ ଭାରତ-ଇସ୍ରାଏଲ ସମ୍ପର୍କ ଆହୁରି ବୃଦ୍ଧି ପାଇଛି । ଆଗକୁ ମଧ୍ୟ ଆମ ବନ୍ଧୁତ୍ୱର ସମ୍ପର୍କ ଏକ ନୂଆ ମାଇଲ ଖୁଣ୍ଟ ହେବ ବୋଲି ମୋଦି କହିଛନ୍ତି । ଦୁଇ ଦେଶର ସମ୍ପର୍କ ଉଭୟ ଦେଶ ମଧ୍ୟରେ ବିକାଶର ଗାଥା ଗାଉଛି ।
ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଦୁଇ ଦେଶର ଲୋକଙ୍କ ମଧ୍ୟରେ ବର୍ଷ ବର୍ଷ ଧରି ଘନିଷ୍ଠ ସମ୍ପର୍କ ରହିଛି । ଯାହା ଭାରତର ମୂଳ ସ୍ୱଭାବ । ଶହ ଶହ ବର୍ଷ ଧରି ଆମର ଇହୁଦି ସମ୍ପ୍ରଦାୟ ଭାରତୀୟ ସମାଜରେ ବିନା କୌଣସି ଭେଦଭାବରେ ଏକ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣରେ ରହି ଆସୁଛନ୍ତି । ସେମାନଙ୍କର ଆମ ବିକାଶ ଯାତ୍ରାରେ ମହତ୍ୱପୂର୍ଣ୍ଣ ଯୋଗଦାନ ରହିଛି । ଭାରତ ଆଜି ସ୍ୱ।।ଧିନତାର ୭୫ ବର୍ଷ ପାଳନ କରୁଥିବା ବେଳେ ଏହାର ଗୋଟିଏ ଦିନ ପରେ ଇସ୍ରାଏଲ ତା’ର ସ୍ୱାଧିନତାର ୫୦ତମ ବର୍ଷ ପାଳନ କରିବାକୁ ଯାଉଛି ।
