ପ୍ରାୟ ୬୬ ନିୟୁତ ବର୍ଷ ପୂର୍ବେ ପୃଥିବୀରେ ଏକ ବିପର୍ଯ୍ୟୟ ଘଟିଥିଲା, ଯାହା ଡାଇନୋସର ସମେତ ପୃଥିବୀର ପ୍ରାୟ ୮୦ ପ୍ରତିଶତ ଜୀବଜନ୍ତୁଙ୍କୁ ବିନାଶ କରିଥିଲା। ପ୍ରାୟ ୧୨ କିଲୋମିଟର ବ୍ୟାପିଥିବା ଏକ ବିଶାଳକାୟ ଉଲ୍କାପିଣ୍ଡ ପୃଥିବୀପୃଷ୍ଠରେ ପଡ଼ିଥିଲା। ଏହି କାରଣରୁ ପୃଥିବୀରେ ପ୍ରାୟ ୧୦୦ କିଲୋମିଟର ଚଉଡ଼ା ଏବଂ ୩୦କିଲୋମିଟର ଗଭୀରର ଏକ ଗର୍ତ୍ତ ସୃଷ୍ଟି ହୋଇଥିଲା। ଗୋଟିଏ ନୁହେଁ ବରଂ ଏହିପରି ତିନୋଟି ବିପର୍ଯ୍ୟୟ ପୁଣି ଥରେ ପୃଥିବୀ ନିକଟକୁ ଆସୁଥିବାର ବେଜ୍ଞାନିକମାନେ କହିଛନ୍ତି। ନାସା ସମେତ ବିଶ୍ୱର ବିଭିନ୍ନ ସ୍ଥାନରୁ ବୈଜ୍ଞାନିକମାନେ ଏହା ଉପରେ ନଜର ବି ରଖିଛନ୍ତି। ଯଦି ଏହା ପୃଥିବୀକୁ ଆଘାତ କରେ, ତେବେ ଏହା ଏକ ବଡ଼ ବିପଦ ଆଣିପାରେ ବୋଲି ଆଶଙ୍କା କରାଯାଉଛି। ଏହି ଉଲ୍କାପିଣ୍ଡ ମଧ୍ୟରୁ ଗୋଟିଏ ଜୁଲାଇ ୨୪ରେ ପୃଥିବୀ ନିକଟବର୍ତ୍ତୀ ହେବାକୁ ଯାଉଛି। ବୈଜ୍ଞାନିକମାନେ ଏହାର ନାମ ‘ଆଷ୍ଟ୍ରଏଡ୍ ୨୦୨୦ ଏନ୍ଡି’ ରଖିଛନ୍ତି।
ବୈଜ୍ଞାନିକଙ୍କ ମତରେ ଏହାର ଲମ୍ବ ୧୭୦ ମିଟର ଏବଂ ଏହାର ବେଗ ପ୍ରତି ସେକେଣ୍ଡରେ ୧୩.୫ କିଲୋମିଟର ଯଥା ଘଣ୍ଟା ପ୍ରତି ୪୮,୦୦୦ କିଲୋମିଟର। ଏହା ପୃଥିବୀଠାରୁ ପ୍ରାୟ ୫୦.୮୬ ଲକ୍ଷ କିଲୋମିଟର ଦୂରତା ଅତିକ୍ରମ କରିବ। କୁହାଯାଉଛି ଯଦି ଏହି ଉଲ୍କାପିଣ୍ଡ ପୃଥିବୀ ସହିତ ଧକ୍କା ହୁଏ ତେବେ ଏହା ପୃଥିବୀକୁ ଅଧା ନଷ୍ଟ କରିପାରେ। ପାଣିପାଗ ବିଜ୍ଞାନରେ ଏହାକୁ ସମ୍ଭାବ୍ୟ ବିପଜ୍ଜନକ କୁହାଯାଏ।
ପୃଥିବୀ ନିକଟବର୍ତ୍ତୀ ତୃତୀୟ ଉଲ୍କାପିଣ୍ଡ ୨୦୨୦ ଏମ୍ଇ-୩ ଭାବରେ ଜଣାଶୁଣା। ଏହା ପୃଥିବୀଠାରୁ ପ୍ରାୟ ୫୬ ଲକ୍ଷ କିଲୋମିଟର ଅତିକ୍ରମ କରିବ। ଏହାର ଗତି ଘଣ୍ଟା ପ୍ରତ ୧୬ ହଜାର କିଲୋମିଟର। ଏହା ପୃଥିବୀକୁ ଧକ୍କା ଦେବାର ସମ୍ଭାବନା କମ୍ ଥିଲେ ମଧ୍ୟ ପୃଥିବୀ ନଷ୍ଟ କରିବା ସମ୍ଭାବନାକୁ ମଧ୍ୟ ସମ୍ପୂର୍ଣ୍ଣ ଏଡ଼ାଇ ହେବ ନାହିଁ।
