ଗଞ୍ଜାମ,୨୪।୭(ଡି.ଏନ୍.ଏ.): ଗଞ୍ଜାମ ଏନ୍ଏସି ଅଞ୍ଚଳର ଡ୍ରେନଜ ବ୍ୟବସ୍ତା ଠିକ୍ ନ ଥିବା ଯୋଗୁ ଅସରାଏ ବର୍ଷାରେ ଗାଁ ଦାଣ୍ଡରେ ଜଳ ଲହଡ଼ି ଭାଙ୍ଗୁଥିବା ଦେଖିବାକୁ ମିଳିଛି। ସହରର ବିଭିନ୍ନ ସ୍ଥାନରେ ଏହି ଜଳ ନିଷ୍କାସିତ ହୋଇ ନ ପାରି ଦୁର୍ଗନ୍ଧ ହେଉଛି। ଦୀର୍ଘ ୧୫ ବର୍ଷରୁ ଊଦ୍ଧର୍ବ ହେବ ସହରର ମୁଖ୍ୟ ଡ୍ରେନ୍ ପୁନଃ ଉଦ୍ଧାର କରାଯିବା ଲାଗି ସ୍ଥାନୀୟ ଅଞ୍ଚଳବାସୀ ଏନ୍ଏସି ପ୍ରଶାସନ ପାଖରେ ବାରମ୍ବାର ଅଭିଯୋଗ କରି ଆସୁଛନ୍ତି। ମାତ୍ର କୌଣସି ସୁଫଳ ମିଳୁ ନ ଥିବା କହିଛନ୍ତି। ସେହିପରି ପୁଇଁତୋଳା ଓ ଷ୍ଟେଶନ ରୋଡ଼ଠାରେ ଦୀର୍ଘ ଦିନର ବର୍ଷାଜଳ ଜମି ରହିଛି । ଡ୍ରେନେଜଗୁଡିକ ଶୀଘ୍ର ମରାମତି ପାଇଁ ଜନ ସାଧାରଣ ଦାବି କରିଛନ୍ତି।ଏ ସମ୍ପର୍କେ ଏନଏସି ଇଓ ପ୍ରଭୁ କଲ୍ୟାଣ ଦାସଙ୍କୁ ପଚାରିବାରୁ ଜଳ ଜମୁଥିବା ସ୍ଥାନରେ ଡ୍ରେନେଜ୍ ନିର୍ମାଣ ପାଇଁ ପ୍ରୋଜେକ୍ଟ ହୋଇଛି । ବର୍ତ୍ତମାନ କରୋନା ମୁକାବିଲା ପାଇଁ ବନ୍ଦ ରହିଛି l ଖୁବ୍ ଶୀଘ୍ର ବିକଳ୍ପ ବ୍ୟବସ୍ଥା କରାଯିବ ବୋଲି ସେ କହିଛନ୍ତି ।
