ଭୁବନେଶ୍ୱର,୨୮।୩(ବ୍ୟୁରୋ): ରାଜ୍ୟରେ ଚିନ୍ତା ବଢ଼ାଇବାରେ ଲାଗିଛି କରୋନାର ଦ୍ୱିତୀୟ ଲହର। ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢ଼ିବାରେ ମଧ୍ୟ ଲାଗିଛି। ଗତ ୨୪ ଘଣ୍ଟା ସୁଦ୍ଧା ଓଡ଼ିଶାରେ ୨୯୦ ନୂଆ କରୋନା ପଜିଟିଭ୍ ଚିହ୍ନଟ ହୋଇଥିବା ନେଇ ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ୍ କରି ସୂଚନା ଦିଆଯାଇଛି।
ନୂତନ ସଂକ୍ରମିତଙ୍କ ମଧ୍ୟରେ ଖୋର୍ଦ୍ଧାର ସର୍ବାଧିକ ୭୧, ଅନୁଗୋଳର ୧୦, ବାଲେଶ୍ୱରର ୬, ବରଗଡ଼ର ୧୫, ଭଦ୍ରକର ୬, ବଲାଙ୍ଗୀରର ୯, କଟକର ୧୬, ଦେବଗଡ଼-ଢ଼େଙ୍କାନାଳର ୧, ଗଞ୍ଜାମର ୭, ଜଗତ୍ସିଂହପୁରର ୩, ଯାଜପୁରର ୫, ଝାରସୁଗୁଡ଼ାର ୨୧, କଳାହାଣ୍ଡିର ୯, କୋରାପୁଟର ୨, ମୟୂରଭଞ୍ଜର ୧୦, ନୂଆପଡ଼ାର ୪୦, ପୁରୀର ୬, ରାୟଗଡ଼ାର ୯, ସମ୍ବଲପୁରର ୧୧, ସୋନପୁରର ୨, ସୁନ୍ଦରଗଡ଼ର ୧୪ ଏବଂ ଷ୍ଟେଟ୍ ପୁଲର ୧୬ଜଣ ଅଛନ୍ତି। ଏହାକୁ ମିଶାଇ ମୋଟ ସଂକ୍ରମିତଙ୍କ ସଂଖ୍ୟା ୩,୪୦,୧୯୪କୁ ବୃଦ୍ଧି ପାଇଛି। ସେଥିରୁ ୧୬୫୦ଜଣ ଆକ୍ଟିଭ କେସ୍ ରହିଛି।
