Posted inଖେଳ

୨୦୨୩ ଫିଫା ମହିଳା ବିଶ୍ୱକପ୍‌: ମିଳିତ ଭାବେ ଆୟୋଜନ କରିବେ ଅଷ୍ଟ୍ରେଲିଆ- ନ୍ୟୁଜିଲାଣ୍ଡ

ଜେନିଭା,୨୬।୬(ଏପି): ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ମିଳିତ ଭାବେ ୨୦୨୩ ଫିଫା ମହିଳା ବିଶ୍ୱକପ୍‌ ଆୟୋଜନ କରିବେ। ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା ଫିଫା ତରଫରୁ ଏ ନେଇ ସ୍ପଷ୍ଟ କରାଯାଇଛି। ଯୁଗ୍ମ ଭାବେ ଏହି ମେଗା ଇଭେଣ୍ଟ ଆୟୋଜନ କରିବାକୁ ଏହି ଦୁଇ ପଡୋସୀ ଦେଶ ବିଡ୍‌ ଦାଖଲ କରିଥିଲେ। ଏହି କ୍ରମରେ ଅଷ୍ଟ୍ରେଲିଆ- ନ୍ୟୁଜିଲାଣ୍ଡ କଲମ୍ବିଆକୁ ପଛରେ ପକାଇଛନ୍ତି। ଏ ନେଇ ଫିଫା ରୁଲିଂ କାଉନସିଲ ଦ୍ୱାରା ଏକ ମତଦାନ ହୋଇଥିଲା। ଏଥିରେ ଅଷ୍ଟ୍ରେଲିଆ- ନୁଜିଲାଣ୍ଡ ୨୨-୧୩ ଭୋଟ୍‌ରେ ଲାଟିନ ଆମେରିକୀୟ ଦେଶ କଲମ୍ବିଆକୁ ପରାସ୍ତ କରିଥିଲା। ଜାପାନ ବିଡ୍‌ ପ୍ରତ୍ୟାହାର କରିବା ପରେ ଅଷ୍ଟ୍ରେଲିଆ- ନ୍ୟୁଜିଲାଣ୍ଡ ସହିତ କଲମ୍ବିଆ ଅନ୍ୟତମ ଏକମାତ୍ର ଦେଶ ଭାବେ ଆୟୋଜନ ଦୌଡ଼ରେ ରହିଥିଲା। ଫିଫା ଅଧ୍ୟକ୍ଷ ଜିଆନି ଇନ୍‌ଫାଣ୍ଟିନୋ ଅନ୍ୟତମ ସଦସ୍ୟ ଭାବେ ମତଦାନରେ ଅଂଶଗ୍ରହଣ କରିଥିଲେ ଓ ଅଷ୍ଟ୍ରେଲିଆ- ନ୍ୟୁଜିଲାଣ୍ଡ ପାଇଁ ଭୋଟ ଦେଇଥିଲେ। ଏହି ବିଶ୍ୱକପ୍‌ରେ ପ୍ରଥମଥର ପାଇଁ ସର୍ବାଧିକ ୩୨ଟି ଦଳ ଅଂଶଗ୍ରହଣ କରିବେ।
ଫିଫା ଏଥିସହିତ ମହିଳା ବିଶ୍ୱକପ୍‌ ୪ ବର୍ଷ ବଦଳରେ ପ୍ରତି ଦୁଇବର୍ଷରେ ଆୟୋଜନ କରିବାକୁ ତା’ର ପୁରୁଣା ପ୍ରସ୍ତାବକୁ ଦୋହରାଇଛି। ବିଶ୍ୱରେ ମହିଳା ଫୁଟବଲର ବିକାଶ ହେବା ନିହାତି ଜରୁରି ବୋଲି ଇନ୍‌ଫାଣ୍ଟିନୋ ଜୁରିକ୍‌ସ୍ଥିତ ଫିଫା ମୁଖ୍ୟ କାର୍ଯ୍ୟାଳୟରେ ଖବରଦାତାଙ୍କ ପ୍ରଶ୍ନର ଉତ୍ତର ଦେଇ କହିଛନ୍ତି। ୪ ବର୍ଷ ହେଉଛି ବହୁତ ଲମ୍ବା ସମୟ। ତେଣୁ ମହିଳା ଫୁଟବଲର ବିକାଶ ପାଇଁ ବିଶ୍ୱକପ୍‌ ପ୍ରତି ଦୁଇବର୍ଷରେ ଥରେ ଆୟୋଜନ କରିବାର ଆବଶ୍ୟକତା ରହିଛି ବୋଲି ସେ କହିଛନ୍ତି। ୧୯୯୧ରୁ ପ୍ରଥମଥର ପାଇଁ ମହିଳା ବିଶ୍ୱକପ୍‌ ଆୟୋଜନ ହୋଇଥିଲା। ପ୍ରଥମଥର ପାଇଁ ପୁରୁଷ କିମ୍ବା ମହିଳା ଫିଫା ବିଶ୍ୱକପ୍‌କୁ ୨ଟି ଭିନ୍ନ କନ୍‌ଫେଡେରେଶନର ଦୁଇ ଦେଶ ଯୁଗ୍ମ ଭାବେ ଆୟୋଜନ କରିବାକୁ ଯାଉଛନ୍ତି। ଅଷ୍ଟ୍ରେଲିଆ ଏସିଆ କନ୍‌ଫେଡେରେଶନ ଓ ନ୍ୟୁଜିଲାଣ୍ଡ ଓସେନିଆ କନ୍‌ଫେଡେରେଶନର ଅନ୍ତର୍ଭୁକ୍ତ। ଦୁଇ ଦେଶ ପ୍ରଥମଥର ପାଇଁ ମିଳିତ ଭାବେ ଏହି ମେଗା ଇଭେଣ୍ଟ ଆୟୋଜନ କରିବେ। ମହିଳା ଫୁଟବଲ୍‌ ର଼୍ୟାଙ୍କିଙ୍ଗ୍‌ରେ ଅଷ୍ଟ୍ରେଲିଆ ୭ ନମ୍ବର ଓ ନ୍ୟୁଜିଲାଣ୍ଡ ୨୩ ନମ୍ବର ସ୍ଥାନରେ ରହୁଛନ୍ତି। ଆୟୋଜକ ହିସାବରେ ଏହି ଦୁଇ ଦେଶ ସିଧାସଳଖ ବିଶ୍ୱକପ୍‌ ଖେଳିବାକୁ ଯୋଗ୍ୟତା ହାସଲ କରିଛନ୍ତି।
ଦକ୍ଷିଣ ଆମେରିକାର ୪ ଓ ୟୁଇଏଫ୍‌ଏର ୯ ସଦସ୍ୟ କଲମ୍ବିଆ ପାଇଁ ମତଦାନ କରିଥିଲେ। ପୂର୍ବତନ ୟୁଏସ୍‌ ସକର ଫେଡେରେଶନ ଅଧ୍ୟକ୍ଷ ସୁନୀଲ ଗୁଲାଟି ଅଷ୍ଟ୍ରେଲି- ନ୍ୟୁଜିଲାଣ୍ଡ ପାଇଁ ଭୋଟ୍‌ ଦେଇଥିଲେ। ନ୍ୟୁଜିଲାଣ୍ଡ ପ୍ରଥମଥର ପାଇଁ ଫୁଟବଲର କୌଣସି ବୃହତ୍‌ ଇଭେଣ୍ଟ ଆୟୋଜନ କରିବାକୁ ଯାଉଛି। ମୋଟ ଉପରେ ୧୨ଟି ସହରରେ ବିଶ୍ୱକପ୍‌ର ମ୍ୟାଚ୍‌ଗୁଡିକ ଆୟୋଜନ ହେବ। ଏଥିରେ ଅଷ୍ଟ୍ରେଲିଆର ୭ ଓ ନ୍ୟୁଜିଲାଣ୍ଡର ୫ ସହର ସାମିଲ ହୋଇଛି। ମହିଳା ବିଶ୍ୱକପ୍‌ ଆୟୋଜନ ନେଇ ୩୭ ଜଣିଆ ଫିଫା କାଉନସିଲ ନିଷ୍ପତ୍ତି ନେଇଥାଏ। ସେହିପରି ପୁରୁଷ ବିଶ୍ୱକପ ଆୟୋଜନ ପାଇଁ ୨୧୧ ମେମ୍ବର ଫେଡେରେଶନ ମିଳିତ ଭାବେ ନିଷ୍ପତ୍ତି ନେଇଥାନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଜାତୀୟ ହକି ପାଇଁ ନୂଆ କାର୍ଯ୍ୟସୂଚୀ

ନୂଆଦିଲ୍ଲୀ, ୧୬।୩- କରୋନା ଭାଇରସ ସଂକ୍ରମଣ ଜନିତ ଗମ୍ଭୀର ପରିସ୍ଥିତିକୁ ଦୃଷ୍ଟିରେ ରଖି ହକି ଇଣ୍ଡିଆ ପକ୍ଷରୁ ଏପ୍ରିଲ ୧୦ରୁ ବିଭିନ୍ନ ଭେନ୍ୟୁରେ ଆରମ୍ଭ ହେବାକୁଥିବା...

ତାଇଓ୍ବାନ ଏକାଡେମୀରେ ଯୋଗଦେଲେ ସିନ୍ଧୁଙ୍କ କୋଚ୍‌

ପୁଣେ,୧୫।୧୧- ପି. ଭି. ସିନ୍ଧୁ ବିଶ୍ୱ ଚାମ୍ପିୟନଶିପ ସ୍ବର୍ଣ୍ଣ ପଦକ ଜିତିବା ପରେ ଭାରତ ଛାଡ଼ିଥିବା କୋରିଆନ ବ୍ୟାଡ୍‌ମିଣ୍ଟନ କୋଚ୍‌ କିମ ଜି ହ୍ୟୁନ ପୁଣେ...

କୋଣ୍ଟେ ଇଣ୍ଟର ମିଲାନ ନୂଆ ମ୍ୟାନେଜର

ମାଡ୍ରିଡ୍‌,୩୧।୫- ପୂର୍ବତନ ଜୁଭେଣ୍ଟସ ଓ ଚେଲସି ମ୍ୟାନେଜର ଆଣ୍ଟିନୋ କୋଣ୍ଟେଙ୍କୁ ଇଣ୍ଟର ମିଲାନ ଦଳର ନୂଆ ମ୍ୟାନେଜର ଭାବେ ନିଯୁକ୍ତ କରାଯାଇଛି। ଏ ନେଇ କ୍ଲବ...

ଗୋଲଶୂନ୍ୟ ରହିଲା କ୍ଲାସିକୋ

ବାର୍ସିଲୋନା,୧୯।୧୨- ଚଳିତ ଲା ଲିଗା ଲିଗ୍‌ର ସବୁଠୁ ଗୁରୁତ୍ୱପୂର୍ଣ୍ଣ କ୍ଲାସିକୋ ମ୍ୟାଚ୍‌ ଗୋଲଶୂନ୍ୟ ଭାବେ ଶେଷ ହୋଇଛି। ରିୟଲ ମାଡ୍ରିଡ୍‌ ଓ ପଏଣ୍ଟ ଟେବୁଲ ଟପ୍ପର...

ଇଣ୍ଡିଆନ ସୁପର ଲିଗ୍:‌ ଓଡ଼ିଶା ଏଫ୍‌ସି- ଏଟିକେ ମୋହନବାଗାନ ମୁକାବିଲା

ଭୁବନେଶ୍ୱର,୩।୧୨: ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ର ଚଳିତ ସପ୍ତମ ସଂସ୍କରଣରେ ଗୁରୁବାର ଓଡ଼ିଶା ଏଫ୍‌ସି ଓ ଏଟିକେ ମୋହନବାଗାନ ପରସ୍ପରକୁ ଭେଟିବେ। ଏହାପୂର୍ବରୁ ଗତ ରବିବାର...

ପିତା ହେବା କଥା ଶୁଣି ବିରାଟ କୋହଲିଙ୍କ ପ୍ରତିକ୍ରିୟା ଥିଲା ଏମିତି, କଲେ ଖୁଲାସା

ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ୨୦୨୧ ଜାନୁଆରୀରେ ପିତା ହେବାକୁ ଯାଉଛନ୍ତି। ତାଙ୍କ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମା ପ୍ରଥମ ସନ୍ତାନ...

ଟେଷ୍ଟରେ ୫ ନମ୍ବରରେ ଭଲ ବ୍ୟାଟିଂ କରିବେ ରାହାନେ: ମଞ୍ଜରେକର

ମୁମ୍ବାଇ,୧୯।୬(ପି.ଟି.): କ୍ୟାରିୟରର ଆରମ୍ଭ ୨ ବର୍ଷରେ ଅଜିଙ୍କ୍ୟ ରାହାନେ ବେଶ୍‌ ଉଚ୍ଚକୋଟୀର ବ୍ୟାଟିଂ କରି ସମସ୍ତଙ୍କୁ ପ୍ରଭାବିତ କରୁଥିଲେ। ଏବେ ମଧ୍ୟ ସେ ୫ ନମ୍ବର...

ଟୋକିଓ ଅଲିମ୍ପିକ୍ସ: କୋଭିଡ୍‌-୧୯ ଟିକା ଜରୁରୀ ପ୍ରସଙ୍ଗକୁ ଆଇଓସିର ଅସ୍ବୀକାର

ସିଡନୀ,୨୯।୪ (ଏପି): ଅଲିମ୍ପିକ୍ସ ଆୟୋଜନ ପାଇଁ କୋଭିଡ୍‌-୧୯ ଟିକା ଜରୁରୀ ବୋଲି କେତେକ ବୈଜ୍ଞାନିକ ଓ ଡାକ୍ତର ପରାମର୍ଶ ଦେଇଛନ୍ତି। ଏ ନେଇ ମଧ୍ୟ ଚର୍ଚ୍ଚା...


Coronavirus Update

Archives

Model This Week

Why Dharitri