ଆର୍.ଉଦୟଗିରି,୧।୮(ଡି.ଏନ୍.ଏ.): ଗଜପତି ଜିଲା ବେଲପଡ଼ା ଗ୍ରାମରେ ଗତ ୨୯ ତାରିଖ ରାତିରେ ଏକ ବିବାହ ଉତ୍ସବକୁ ଆସିଥିବା ଲୋକଙ୍କ ୫ଟି ମୋବାଇଲ ଫୋନ ଚୋରି ହୋଇଯାଇଥିଲା। ଏନେଇ ମୋହନା ଥାନାରେ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତିକରି ପୋଲିସ ଏକ ମାମଲା(ନଂ.୧୨୪/୨୨) ରୁଜୁ କରିଥିଲା। ସେହିପରି କିଛିଦିନ ତଳେ ମୋହନା କଲେଜ ଛକ ନିକଟରେ ଥିବା ପ୍ରିୟା ହୋଟେଲ ସମ୍ମୁଖରୁ କରବାଡ଼ି ପଞ୍ଚାୟତ ଅଧୀନ ବୁଡ଼ରିଙ୍ଗ ଗ୍ରାମର ଜଣେ ବ୍ୟକ୍ତିଙ୍କ ଏକ ବାଇକ୍ (ନଂ.ଓଡି୨୦ସି୦୧୪୬) ଚୋରି ହୋଇଥିଲା। ଏନେଇ ବାଇକ୍ ମାଲିକ ଥାନାରେ ଅଭିଯୋଗ କରିଥିଲେ। ପୋଲିସ ଏକ ମାମଲା(ନଂ.୧୪୪/୨୨) ରୁଜୁ କରିଥିଲା। ଅଭିଯୋଗକୁ ଭିତ୍ତିକରି ଥାନା ଅଧିକାରୀ ସୁଜିତ କୁମାର ନାୟକଙ୍କ ନେତୃତ୍ୱରେ ଏକ ପୋଲିସ ଟିମ୍ ତଦନ୍ତ ଆରମ୍ଭ କରିଥିଲା। ତଦନ୍ତ ପରେ ଘଟଣାରେ ସମ୍ପୃକ୍ତ ଥିବା ଶିକୁଳିପଦର ପଞ୍ଚାୟତ ଅଧୀନ ପଦାସାହି ଗ୍ରାମର ରାଜେନ୍ଦ୍ର ଜାନିଙ୍କୁ ପୋଲିସ ଧରିବାରେ ସଫଳ ହୋଇଥିଲା। ଏପରି କି ରାଜେନ୍ଦ୍ର ଚୋରି ମୋବାଇଲ ଲୁହାଗୁଡ଼ି ଗ୍ରାମର ଚକ୍ରଧର ଗୌଡ଼ଙ୍କୁ ବିକ୍ରି କରିଥିଲେ। ଚୋରି ସାମଗ୍ରୀ କିଣିଥିବା ଅଭିଯୋଗରେ ପୋଲିସ ଚକ୍ରଧରଙ୍କୁ ମଧ୍ୟ ଗିରଫ କରିଛି। ଅନ୍ୟପକ୍ଷେ ପୋଲିସ ରାଜେନ୍ଦ୍ରଙ୍କଠାରୁ ଏକ ଚୋରି ବାଇକ୍ ଜବତ କରିଛି। ପୂର୍ବରୁ ମଧ୍ୟ ଏକ ବାଇକ୍ ଶିକୁଳିପଦର ଗାଁରୁ ଚୋରି ହୋଇଥିଲା। ସେ ଏଥିରେ ସାମିଲ ଥିବା ଅନୁଷ୍ଠିତ ଖବରଦାତା ସମ୍ମିଳନୀରେ ଆର୍.ଉଦୟଗିରି ଏସ୍ଡିପିଓ ଦିଲୀପ କୁମାର ନାୟକ ଏବଂ ଥାନା ଅଧିକାରୀ ସୁଜିତ କୁମାର ନାୟକ ସୂଚନା ଦେଇଛନ୍ତି।
