କେସିଙ୍ଗା,୮।୭(ତୁମେଶ୍ୱର ସାହୁ): କଳାହାଣ୍ଡି ଜିଲାରେ ସ୍ବତନ୍ତ୍ର ସଘନ ସଂଶୋଧନ-୨୦୨୬ର ଭୋଟର୍ସଙ୍କ ତାଲିକା ଲିଷ୍ଟ ଇତି ମଧ୍ୟରେ ପ୍ରକାଶ ପାଇଛି।
କେସିଙ୍ଗା ଏନଏସିର ସର୍ବମୋଟ ୧୪ହଜାର୮୬୮ ଜଣ ଭୋଟର ଥିବାବେଳେ ଏସଆଇଆର ପରେ ବର୍ତ୍ତମାନ ୧୩ ହଜାର ୪୩୬ ଜଣ ମତଦାତା ରହିଛନ୍ତି। କେସିଙ୍ଗା ର୧୨ଟି ୱାର୍ଡରୁ ଏସଆଇଆର ପରେ ୧୪୩୨ ଜଣ ମତଦାତାଙ୍କ ନାମ କାଟି ଯାଇଛି। ସେଥିମଧ୍ୟରୁ ୫୧୭ଜଣଙ୍କ ମୃତ୍ୟୁ ଘଟିଥିବାବେଳେ କେତେକ ମତଦାତା ଅନ୍ୟ ରାଜ୍ୟକୁ ସ୍ଥାନାନ୍ତରିତ ହୋଇଛନ୍ତି। କିଛି ମତଦାତାଙ୍କ ନାମ ଦୁଇଥର ଲେଖାଏ ଲିଷ୍ଟ ରହିଛି ବୋଲି ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟ ନିର୍ବାହୀ ଅଧୂକାରୀ ଚିନ୍ମୟ ଆଚାର୍ଯ୍ୟ ପ୍ରକାଶ କରିଛନ୍ତି। କୌଣସି କାରଣବଶତଃ ତାଲିକା ଭୁକ୍ତ ହୋଇ ନ ଥିବା ବା ଯୋଗ୍ୟ ମତଦାତା ଫର୍ମ ନଂ ୬ ଦାଖଲ କରି ନିଜ ନାମ ଯୋଡ଼ି ପାରିବେ, ଏଥିପାଇଁ ଚଳିତ ମାସ ଜୁଲାଇ ୫ ରୁ ଅଗଷ୍ଟ ୪ ପର୍ଯ୍ୟନ୍ତ ଆପତ୍ତି ଅଭିଯୋ ଯୋଗ କରିପାରିବେ ଏବଂ ଅଭିଯୋଗ ଗୁଡ଼ିକୁ ଆଗାମୀ ସେ ସେପ୍ଟେମ୍ବର ମାସ ୨ ତାରିଖ ସୁଦ୍ଧା ଆପତ୍ତି ଅଭିଯୋଗର ସମାଧାନ କରି ସେପ୍ଟେମ୍ବର ୬ ତାରିଖରେ ଚୂଡ଼ାନ୍ତ ଭୋଟର ଲିଷ୍ଟ ପାଇବ ବୋଲି ପ୍ରକାଶ କରିଛନ୍ତି।
Dharitri – Odisha’s No.1 Odia Daily
