ନୂଆଦିଲ୍ଲୀ,୧୯।୬: ଦକ୍ଷିଣ କୋରିଆ ଟେକ୍ନୋଲୋଜି କମ୍ପାନୀ ସାମସଙ୍ଗ ଗାଲାକ୍ସି ନୋଟ ୧୦ ଲାଇଟ୍ ମୂଲ୍ୟ ହ୍ରାସ କରିଛି। ବର୍ତ୍ତମାନ ଗାଲାକ୍ସି ନୋଟ ୧୦ ଲାଇଟ୍କୁ ମୂଳ ମୂଲ୍ୟଠାରୁ ମାତ୍ର ୪,୦୦୦ ଟଙ୍କା କମ୍ରେ କିଣାଯାଇପାରିବ। ଏହା ବ୍ୟତୀତ ୫୦୦୦ ଟଙ୍କା ପର୍ଯ୍ୟନ୍ତ କ୍ୟାସବ୍ୟାକ ମଧ୍ୟ ଉପଲବ୍ଧ ରହିଥିବା କମ୍ପାନୀ ଘୋଷଣା କରିଛି। ଏହି ଅଫର କେବଳ ସୀମିତ ସମୟ ପାଇଁ ଅଟେ। ୩୦ ଜୁନ ୨୦୨୦ ପର୍ଯ୍ୟନ୍ତ ଏହା ବୈଧ ରହିବ।
ମୋଟ ଉପରେ ଦେଖିବାକୁ ଗଲେ, ଗ୍ରାହକ ଗାଲାକ୍ସି ନୋଟ ୧୦ ଲାଇଟ ଉପରେ ୯,୦୦୦ ଟଙ୍କା ପର୍ଯ୍ୟନ୍ତ ରିହାତି ପାଇପାରିବେ। ଭାରତରେ ଏହି ଫୋନ୍ ୩୮,୯୯୯ ଟଙ୍କାରେ ଲଞ୍ଚ ହୋଇଥିବାବେଳେ ଏହାର ସର୍ବୋଚ୍ଚ ମଡେଲ ୪,୦୯,୯୯୯ ଟଙ୍କା ଥିଲା।
ସାମସଙ୍ଗ କହିଛି ଯେ, ଗାଲାକ୍ସି ନୋଟ ୧୦ ଲାଇଟର ବେସ୍ ଭାରିଆଣ୍ଟ ବର୍ତ୍ତମାନ ୩୭,୯୯୯ ଟଙ୍କାରେ ଉପଲବ୍ଧ ଥିବାବେଳେ ୮ଜିବି ରାମ୍ ଭାରିଆଣ୍ଟ ବିଶିଷ୍ଟ ମଡେଲ ୩୯,୯୯୯ ଟଙ୍କାରେ ଉପଲବ୍ଧ ହେବ। ୫,୦୦୦ ଟଙ୍କାର ଅତିରିକ୍ତ କ୍ୟାସବ୍ୟାକ ପାଇବାକୁ ହେଲେ ଗ୍ରାହକଙ୍କର ସିଟିବ୍ୟାଙ୍କର ଏକ ଡେବିଟ କିମ୍ବା କ୍ରେଡିଟ କାର୍ଡ ଥିବା ଆବଶ୍ୟକ। କ୍ୟାସ୍ବ୍ୟାକ୍ ଏବଂ କମ୍ପାନୀ ଦ୍ୱାରା ଦିଆଯାଇଥିବା ରିହାତି ପରେ ଗ୍ରାହକମାନେ କେବଳ ୩୨,୯୯୯ ଟଙ୍କାରେ ଗାଲାକ୍ସି ନୋଟ ୧୦ ଲାଇଟ କିଣିପାରିବେ। ଫୋନ୍ର ୮ ଜିବି ଭ୍ୟାରିଏଣ୍ଟକୁ କ୍ୟାସ୍ବ୍ୟାକ ଏବଂ ରିହାତି ପରେ ୩୪,୯୯୯ ଟଙ୍କାରେ କିଣାଯାଇପାରିବ।
ଗାଲାକ୍ସି ନୋଟ ୧୦ ଲାଇଟର ବୈଶିଷ୍ଟ୍ୟ ବିଷୟରେ କହିବାକୁ ଗଲେ ଏହାର ୬.୭-ଇଞ୍ଚ ଫୁଲ ଏଚ୍ଡି ପ୍ଲସ ସୁପର ଆମୋଲେଡ୍ ଇନଫିନିଟି ଓ ପ୍ରଦର୍ଶନ ଅଛି। ଏହି ସ୍ମାର୍ଟଫୋନର ବ୍ୟାଟେରୀ ୪,୫୦୦ ଏମ୍ଏଏଚ୍ ଏବଂ ଏହାସହିତ ଫାଷ୍ଟ ଚାର୍ଜିଂ ସୁବିଧା ରହିଛି। ଏହାଛଡ଼ା ଏଥିରେ ଟ୍ରିପଲ ରିୟର କ୍ୟାମେରା ସେଟଅପ୍ ଦିଆଯାଇଛି। ଏଥିରେ ଡୁଆଲ ପିକ୍ସେଲ ଅପ୍ଟିକାଲ ଇମେଜ ଷ୍ଟାବିଲାଇଜେଶନ ଟେକ୍ନୋଲୋଜି ଦିଆଯାଇଛି। ଏହି ସ୍ମାର୍ଟଫୋନରେ ସେଲଫି ପାଇଁ ୩୨ ମେଗାପିକ୍ସେଲ କ୍ୟାମେରା ରହିଛି। ବ୍ଲୁଟୁଥ ସକ୍ଷମ ଏସ୍ ପେନ୍ ଦିଆଯାଇଛ। ଏହା ସହିତ, ଏୟାର କମାଣ୍ଡ ବୈଶିଷ୍ଟ୍ୟ ମଧ୍ୟ ଅଛି, ଯାହା ଅଧୀନରେ ଉପଭୋକ୍ତାମାନେ ଫଟୋ କ୍ଲିକ କରିପାରିବେ। ଏସ୍ ପେନ ସାହାଯ୍ୟରେ ଫଟୋ ଏବଂ ଭିଡିଓ ମଧ୍ୟ ଏଡିଟ୍ ହୋଇପାରିବ।
