ଲକ୍ଷ୍ନୌ,୫।୬: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶୁକ୍ରବାର ୪୮ ବର୍ଷରେ ପଦାର୍ପଣ କରିଛନ୍ତି। ଜୁନ ୫, ୧୯୭୨ରେ ଉତ୍ତରାଖଣ୍ଡର ପୌଡି ଗଡୱାଲଙ୍କ ପଞ୍ଚୁର ଗ୍ରାମରେ ଜନ୍ମଗ୍ରହଣ କରିଥିଲେ। ପିଲାଦିନେ ସେ ଅଜୟ ସିଂ ବିଷ୍ଟ ନାମରେ ଜଣଶୁଣା ଥିଲେ। ଗୋରଖପୁର ଆସିବା ପରେ ଅଜୟ ଯୋଗୀ ଆଦିତ୍ୟନାଥ ହୋଇଯାଇଥିଲେ। ଯୋଗୀ ଦେଶର ବୃହତ୍ତମ ରାଜ୍ୟର ସିଂହାସନରେ ବସିଛନ୍ତି। ମାତ୍ର ୨୬ ବର୍ଷ ବୟସରେ ସଂସଦରେ ପହଞ୍ଚିଥିବା ଯୋଗୀ ଆଦିତ୍ୟନାଥ ୪୫ ବର୍ଷ ବୟସରେ ୟୁପି ମୁଖ୍ୟମନ୍ତ୍ରୀ ହୋଇଥିଲେ। ସେ କେବଳ ରାଜ୍ୟରେ ନୁହେଁ, ଦେଶ ରାଜନୀତିରେ ହିନ୍ଦୁତ୍ୱର ଚେହେରା ଭାବରେ ଜଣାଶୁଣା।
ଆଦିତ୍ୟନାଥଙ୍କ ପିତାଙ୍କ ନାମ ଆନନ୍ଦ ସିଂ ବିଶ ଏବଂ ମାତାଙ୍କ ନାମ ସାବିତ୍ରୀ ଦେବୀ। ଯୋଗୀ ୧୯୮୯ରେ ହୃଷିକେଶର ଭରତ ମନ୍ଦିର ଇଣ୍ଟର କଲେଜରୁ ଦ୍ୱାଦଶ ପାସ କରିଥିଲେ। ୧୯୯୨ରେ ହେମଓ୍ବତୀ ନନ୍ଦନ ବାହୁଗୁନା ଗରୱାଲ ବିଶ୍ୱବିଦ୍ୟାଳୟରୁ ଗଣିତରେ ବିଏସସି ସମାପ୍ତ କରିଥିଲେ। ସେ ତାଙ୍କ ଛାତ୍ର ଜୀବନରେ ରାମମନ୍ଦିର ଆନ୍ଦୋଳନରେ ଯୋଗ ଦେଇଥିଲେ।
୯୦ ଦଶକରେ ରାମ ମନ୍ଦିର ଆନ୍ଦୋଳନ ସମୟରେ ଯୋଗୀ ଆଦିତ୍ୟନାଥ ଗୋରଖନାଥ ମନ୍ଦିରର ମହନ୍ତ ଅବୈଧନାଥଙ୍କୁ ଅଖିଳ ଭାରତ ବିଦ୍ୟା ପରିଷଦର ଏକ କାର୍ଯ୍ୟକ୍ରମରେ ଭେଟିଥିଲେ। କିଛି ଦିନ ପରେ ଯୋଗୀ ନିଜ ପିତାମାତାଙ୍କୁ ନ ଜଣାଇ ଗୋରଖପୁର ଯାଇଥିଲେ। ସେଠାରେ ସେ ସନ୍ନ୍ୟାସ ନେବାକୁ ସ୍ଥିର କରିଥିଲେ। ମହନ୍ତ ଅବୈଧନାଥ ମଧ୍ୟ ଉତ୍ତରାଖଣ୍ଡର ଥିଲେ।
ଗୋରଖନାଥ ମନ୍ଦିରର ମହନ୍ତ ସିଂହାସନର ଉତ୍ତରାଧକାରୀ ହେବାର ଚାରି ବର୍ଷ ପରେ ମହନ୍ତ ଅବୈଧନାଥ ଯୋଗୀଙ୍କୁ ମଧ୍ୟ ତାଙ୍କର ରାଜନୈତିକ ଉତ୍ତରାଧିକାରୀ କରିଥିଲେ। ମହନ୍ତ ଅବୈଧନାଥ ଗୋରଖପୁରର ଚାରିଥର ଏମ୍ପି ଥିଲେ। ଯୋଗୀ୨୬ ବର୍ଷ ବୟସରେ ୧୯୯୮ ରେ ଲୋକସଭାକୁ ନିର୍ବାଚିତ ହୋଇଥିଲେ। ୨୦୧୭ ପର୍ଯ୍ୟନ୍ତ କ୍ରମାଗତ ପାଞ୍ଚ ଥର ଏମ୍ପି ଭାବେ ନିର୍ବାଚିତ ହୋଇଥିଲେ।
