ବାଲିଆ,୧୩ା୧: ବିରିଡ଼ି ବ୍ଲକ ଅଧୀନ ହାଜିପୁର ମଣ୍ଡଳ ଭାଜପାର ଏକ ସାଙ୍ଗଠନିକ ବୈଠକ ଅଲାଣ୍ଡୋସ୍ଥିତ ଜାଗୁଳାଇ ମନ୍ଦିର ପ୍ରାଙ୍ଗଣରେ ରବିବାର ଅନୁଷ୍ଠିତ ହୋଇଯାଇଛି। ବୈଠକରେ ମଣ୍ଡଳର ନୂତନ ସଭାପତି ସୁଦର୍ଶନ ପଣ୍ଡା ସଭାପତିତ୍ୱ କରିଥିଲେ। ମଣ୍ଡଳ ପ୍ରଭାରୀ ତଥା ଜିଲା କୃଷକମୋର୍ଚ୍ଚା ଉପସଭାପତି ବୈଷ୍ଣବ ଚରଣ ଜେନା, ଜିଲା ଉପସଭାପତି ସୁଧାକର ସ୍ବାଇଁ, ପୂର୍ବତନ ସଭାପତି ଶିଶିର ମହାନ୍ତି, ବନମାଳି ବେହେରା, ବନବିହାରି ଜେନା, ଦିପ୍ତୀପ୍ରସାଦ ପରିଜା ପ୍ରମୁଖ ଯୋଗଦେଇ(ସିଟିଜେନଶିପ୍ ଆମେଣ୍ଟମେଣ୍ଟ୍ ଆକ୍ଟ)ସିଏଏ ସପକ୍ଷରେ ଆଲୋଚନା କରିଥିଲେ। କେନ୍ଦ୍ର ସରକାରଙ୍କ ଦ୍ୱାରା ପ୍ରଚଳିତ ସିଏଏ ଲୋକସଭା ଓ ରାଜ୍ୟ ସଭାରେ ପରିତ ହୋଇଥିବାରୁ ଏହାର ଜନହିତକର ଉଦେଶ୍ୟ ଜନସାଧାରଣଙ୍କ ପାଖରେ ପହଞ୍ଚାଇବା ପାଇଁ ନିଷ୍ପତ୍ତି ହୋଇଥିଲା। ବାମଦେବ ମଲ୍ଲିକ, ତୋଫାନ ବିଶ୍ୱାଳ, ସନାତାନ ନାଥ, କୈଳାସ ଚନ୍ଦ୍ର ବେହେରା, ପ୍ରଭାକର ସ୍ବାଇଁ, ଲକ୍ଷ୍ମୀଧର ସ୍ବାଇଁ, ଯୁଧିଷ୍ଠିର ମହାପାତ୍ର, ବନମାଳି ବେହେରା, ଜନ୍ମଜୟ ଚୌଧୁରୀ, ଧୋବେଇ ପ୍ରଧାନ, ଜ୍ଞାନରଞ୍ଜନ ଦାସ, କାଞ୍ଚନ ଭୋଇ, ସୁଦାମ ଚରଣ ପ୍ରଧାନ, ଶରତ ଚନ୍ଦ୍ର ସ୍ବାଇଁ, ରତନ ପ୍ରସାଦ ରାଉତ ପ୍ରମୁଖ ଉପସ୍ଥିତ ଥିଲେ।
