ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ପରେ ଫିଲ୍ମ ଇଣ୍ଡଷ୍ଟ୍ରି ଏବଂ ତାଙ୍କ ପ୍ରଶଂସକଙ୍କ ମଧ୍ୟରେ ହଇଚଇ ସୃଷ୍ଟି ହୋଇଛି। ସିନେଜଗତ, ରାଜନେତା ଏବଂ ଅନ୍ୟ କେତେକ ଲୋକଙ୍କ କହିବା ଅନୁଯାୟୀ, ବଲିଉଡ୍ରେ ସୁଶାନ୍ତଙ୍କୁ ଭେଦଭାବର ସାମ୍ନା କରିବାକୁ ପଡ଼ୁଥିଲା। ଏହି କାରଣରୁ ସେ ଡିପ୍ରେସନ୍କୁ ଚାଲିଯାଇଥିଲେ। ଶେଷରେ ଆତ୍ମହତ୍ୟ କରିବାର ଏତେ ବଡ ନିଷ୍ପତ୍ତି ନେଲେ। ସୁଶାନ୍ତଙ୍କ ମୃତ୍ୟୁକୁ ନେଇ ଏବେ ବି ପୋଲିସ ଖୋଳତାଡ଼ ଚଲାଇଛି।ଇତିମଧ୍ୟରେ ସୁଶାନ୍ତଙ୍କୁ ଭେଦଭାବ ଏବଂ ହଇରାଣ କରୁଥିବା ଅଭିଯୋଗରେ ବଲିଉଡ୍ର ବହୁ ଅଭିନେତା, ନିର୍ଦ୍ଦେଶକ ଏବଂ ଫିଲ୍ମ ନିର୍ମାତାଙ୍କ ନାମରେ ମାମାଲା ରୁଜୁ ହୋଇଛି। ସେମାନଙ୍କ ମଧ୍ୟରେ ସଲମାନ୍ ଖାନ୍, କରଣ ଜୋହର, ଆଦିତ୍ୟ ଚୋପ୍ରା, ଦୀନେଶ ଭାଇଜାନଙ୍କ ନାମ ରହିଛି। ବିହାରର ମୁଜାଫର କୋର୍ଟରେ ଏମାନଙ୍କ ନାମରେ ମାମଲା ମଧ୍ୟ ରୁଜୁ ହୋଇଛି। ଏମାନଙ୍କ ନାମ ସମ୍ମୁଖକୁ ଆସିବା ପରେ ସୁଶାନ୍ତଙ୍କ ପ୍ରଶଂସକମାନେ ଅସନ୍ତୋଷ ବ୍ୟକ୍ତ କରିବାରେ ଲାଗିଛନ୍ତି। ଏଥିସହ ରାଗରେ ପାଟଣାରେ ସଲମାନଙ୍କ ବ୍ରାଣ୍ଡ୍ ବିଙ୍ଗ୍ ହ୍ୟୁମାନ ଷ୍ଟେରରେ ପଶି ଭଙ୍ଗାରୁଜା କରିଛନ୍ତି। ଏଥିସହ ସଲମାନ୍ଙ୍କ କିଛି ପୋଷ୍ଟର ମଧ୍ୟ ଚିରିଦେଇଥିବା ଜଣାପଡ଼ିଛି।
